COTABATO CITY- Patay ang tatlong gunmen sa engkwentro sa pagitan ng nag-aaway na mga pamilya sa Ampatuan, Maguindanao del Sur, ayon sa police official nitong Huwebes.

Sa panayam, sinabi ni Capt. Giuseppe Tamayo, Ampatuan municipal police chief, na sumiklab ang laban nitong Martes ng gabi at nagpatuloy hanggang dakong alas-3 ng hapon nitong Miyerkules.

Kabilang ang magkaaway na mga pamilya sa Moro Islamic Liberation Front (MILF) base commands na matagal nang may iringan dahil sa territorial control ng malawak na lupain sa Barangay Kapinpilan, Ampatuan, base kay Tamayo.

“The protagonists in this fighting are members of the MILF’s 118th and 105th base commands,” ani Tamayo. “As I speak, they are still firing sporadically at each other although from a distance.”

Dahil dito, lumikas ang halos 100 pamilya sa mas ligats na lugar at pansamantalang nananatili sa municipal gymnasium.

Inihayag ni Tamayo na sinisikap na ng MILF officials na pigilin ang paglala ng karahasan sa mga miyembro nito sa nasabing lugar. RNT/SA

MANILA, Philippines- Isasailalim ang buong probinsya ng Oriental Mindoro sa state of calamity, ayon kay Governor Humerlito “Bonz” Dolor nitong Huwebes.

“Kagabi po, dahil sa pinakahuling report na natanggap ko, mula sa (Department of Health) tsaka sa (Department of Environment and Natural Resources), nag-utos na rin po ako sa (Provincial Disaster Risk Reduction and Management Office) kagabi na ihanda ang rekomendasyon para sa deklarasyon ng state of calamity for the entire province, hindi lamang po para sa area na naunang naapektuhan ng oil spill,” aniya.

Malaking bahagi ng lalawigan ang apektado ng oil spill dulot ng lumubog na tanker Princess Empress na may kargang 800,000 litro ng industrial fuel oil.

Libo-libong pamilya at kanilang mga pamilya ang parte na ng cash-for-work program ng pamahalaan matapos pairalin ang fishing bans sa mga apektadong katubigan.

Sinabi ng Department of Social Welfare and Development na nakapamahagi na ito ng hindi bababa sa P38.1 milyong tulong sa mga apektadong pamilya.

Namataan ng Japanese remotely operated vehicle (ROV) ang mga crack sa lumubog na vessel. Sinabi ni Dolor na mayroong mga bag na makatutulong sa pagtugon sa tagas mula sa mga crack.

“Meron pong 23 na leaking areas doon sa MT Princess Empress. Para po temporary matakpan ito, lalagyan ng bag, parang ipapasok yung leak sa loob ng bag, isi-seal po. Para yung oil, hindi po humalo sa tubig,” paglalahad niya.

“Yung specialized bag…yung unang batch nasa Manila na po, parating na po ito sa Oriental Mindoro anytime.”

“Maganda rin po, nakakita na po sa Pilipinas, doon po sa Cavite area, ng kumpanya, na pupuwede pong mag-customize ng bag na ito,” dagdag niya. RNT/SA

MANILA, Philippines- Suportado ni Senate President Pro Tempore Senator Loren Legarda ang Philippine Coast Guard (PCG) sa kanilang panukala na dagdagan ang kanilang pondo para makabili ng mga assets para sa pagtugon sa oil spill sa karagatan ng Pilipinas.

Sa Kapihan sa Manila Bay, sinabi ng senador na dapat suportan ang PCG hindi lamang sa mga equipment at resources kundi maging sa building capacity at kung paano gawin.

Gayundin ang human skills at kaalaman, teknolohiya o equipment na gagamitin at kung ano ang pinakamabilis, madali at ligtas at episyenteng pamamaraan para mapigilan ang aksidente at oil spill kapag ito ay nangyari sa baybayin ng Pilipinas.

Dapat din aniyang alamin sa Department of Science and Technology (DOST) kung ano ang mga sina-una at ginagawa ng ibang bansa.

“Ano ba ang mga sina-una or ano ba ang ginagawa ng ibang bansa na hindi masyadong mahal o kung mahal– so be it, kakayanin ba? kayanin, para yung kaalaman ay dapat ding i-build hindi lang in terms of equipment,” sabi ng senador.

Pero ang pinakamainam aniya ay iwasan ang aksidente kaya kailangan seaworthy ang mga sasakyang-dagat, kailangan din aniya na huwag mag-overload at alam ang agarang gagawin kapag may nangyaring aberya.

Nitong Martes, sinabi ni PCG spokesperson Rear Admiral Armand Balilo na pinag-aaralan nilang isama sa kanilang panukalang 2024 budget na ihirit ang dagdag pondo para sa pagbili ng remotely operated vehicle (ROVs) at iba pang assets upang makatulong sa mabilis na pagtugon sa mga aksidente sa baybayin tulad ng nangyaring oil spill sa Oriental Mindoro. Jocelyn Tabangcura-Domenden

Manila, Philippines- Viral ang larawan ni Piolo Pascual kung saan makikitang kumakain mag-isa.

Para ngang last supper na ‘yon ng aktor na nilantakan ang sari-saring pagkaing nakalatag sa mesa.

Wala pang pang-itaas ang aktor na halatang ganadung-ganado sa pagkain.

Pero hindi ang tungkol sa maganang pagkain ni Piolo ang napansin ng mga netizens.

Mas nasilip ng mga ito ang kalungkutang nadarama niya na mag-isang kumakain.

Siyempre, kinunek ‘yon ng mga netizens sa pagiging loveless ni Piolo.

Kung may karelasyon nga naman siya, di sana’y may kasabay raw siyang kumain.

Hindi naman ito pinalampas ni Piolo.

Depensa niya: “Hindi porke’t kumakaing mag-isa ang tao, eh, malungkot na. Di ba puwedeng nagtitipid lang?”

Lalo pang jinustify ‘yon ni Piolo by saying: “Ang sarap kayang kumain mag-isa, wala kang kaagaw!”

Kamakailan ay naging mainit ang paksa sa social media tungkol sa mga lalaking kumakain mag-isa sa mga restaurants.

Hindi raw dapat gawing big deal ito.

May sadya naman daw kasing mga lalaki who prefer to eat alone either they’re scrimping o nagtitipid or talagang they value their private moments.

Out of the question daw kung may lovelife o wala ang mga lalaking nakikitang enjoying their meals alone. Ronnie Carrasco III

MANILA, Philippines- Balik-normal na ang sitwasyon sa Masbate, matapos ang serye ng sagupaan sa pagitan ng mga komunistang rebelde at security forces sa lalawigan nitong nakaraang linggo, ayon sa militar nitong Huwebes.

“So far after the incident on March 22, we have not received any additional info about skirmishes that happened in Masbate,” pahayag ni AFP spokesperson Col. Medel Aguilar.

“The situation is normal and peaceful.”

Pinaigting ng AFP ang presensya nito sa Masbate kasunod ng pag-atake ng mga rebelde.

Noong Marso 20, nagsagawa ang mga tauhan ng 22nd Infantry Battalion ng security operation sa Barangay Villahermosa sa bayan ng Cawayan matapos makatanggap ng ulat na may namataang mga armadong kalalakihan sa lugar. Nagkaroon ng engkwentro sa pagitan ng tropa ng militar at mga rebede, kung saan nasawi ang isa sa mga sundalo.

Nitong Marso 22, sumiklab din ang sagupaan sa Barangay Locso-on sa bayan ng Placer, kung saan sugatan naman ang dalawang sundalo. Nabulabog naman nito ang Women’s Month celebration sa kalapit na paaralan, dahilan para suspindehin ang klase.

Kinondena ng Department of Education ang nasabing insidente.

Pinabulaanan naman ni Aguilar ang pahayag ng NPA-Masbate command na 11 sundalo at police officers ang nasawi sa mga insidente.

“That is a very ridiculous statement… if that’s the case, then I would be looking for bodies of slain soldiers they’re claiming to have killed,” aniya. RNT/SA