Pagtumal ng tobacco industry ikinabahala
February 27, 2023 @ 8:53 AM
4 weeks ago
Views: 207
Remate Online2023-02-27T12:11:08+08:00
NABABAHALA ang Malayang Konsyumer (MK) hinggil sa hindi umano paglago sa produksiyon ng lokal na tabako kung kaya umaapela ito sa mga mambabatas na sa pag-amyenda sa Republic Act. 10845 o ang Anti-Agricultural Smuggling Act of 2016 ay tunay na bigyang prayoridad o isaalang-alang ang kapakanan ng mga Pilipinong magsasaka at mamimili.
Kasabay nito, sinabi rin nina MK convenor Christian Real at Atty. Simoun Salinas, natagapagsalita ng grupo, mayroong pag-aaral kung saan sinasabi na sa susunod na apat na taon ay inaasahan na makapagtatala ng ‘negative growth’ sa bentahan ng locally-produced tobacco products.
“Halos hindi lumalago ang lokal na produksyon ng tabako sa ating bansa. Sa aspeto naman ng merkado, inaasahan din na magkakaroon ng negatibong paglago ang tabako sa susunod na apat na taon. Ang bulto ng konsumo ay naka-asa sa inangkat na sigarilyong gawa na ng mga dayuhang kumpanya.” pahayag pa ng Malayang Konsyumer.
Hinimok ng grupo nina Real at Salinas ang Senado na isantabi ang Senate Bill (SB) 1812 kung saan nais na maisama ang tabako at sigarilyo sa agri products na mahigpit na babantayan sa pagpapatupad ng anti-smuggling law.
Ayon kay Salinas, ang pagkakasabat ng Bureau of Customs (BOC), Philippine National Police (PNP), at Philippine Coast Guard (PCG) sa nasa P155 milyong halaga ng kontrabandong produktong pang-agrikultura ay patunay lamang na dapat maging mas mahigpit ang pamahalaan kontra sa smugglers, hoarders at profiteers ng mga food products.
Dagdag niya, sa mga nakaraang raid, libu-libong tonelada ng mga produktong pansakahan ang nasabat mula sa 24 na bodega, kasama na ang 40 hanggang 50 toneladang imported na sibuyas at bawang na nagkakahalaga ng P40 million, at halos 250 tonelada ng imported na sibuyas at bawang, na aabot sa halagang P95 milyong piso.
“Kwestyunable ang timing ng nasabing panukalang batas. Habang ang mga smuggler at kartel ay nagpupuslit at nagtatago ng tone-toneladang produktong agrikultura, tila mas nakatuon sa pagtulong sa mga dayuhang kompanya ng tabako na nagsusulong ng proteksyon ng sigarilyo simula noong third quarter pa ng 2022.” ani Salinas.
“Ang mga amyendang pinapanukala ng SB 1812 ay walang direktang pakinabang sa mga lokal na magsasaka ng tabako. Ang totoong pinoprotektahan ng panukalang batas na ito ay ang mga imported na sigarilyo, hindi ang lokal na tabako. Mas maraming problema ang mga konsyumer… pagkain, hindi sigarilyo.” bulalas naman ni Real. RNT
March 28, 2023 @5:26 PM
Views: 11
MANILA, Philippines- Inaprubahan na ng bicameral conference committee ang reconciled version ang panukalang naglalayon na i-develop ang preserbasyon ng cultural assets ng Pilipinas sa pamamagitan ng cultural mapping.
Isinusulong ng Cultural Mapping Bill na amyendahan ang National Cultural Heritage Act of 2009 sa pagmandato sa local government units na magsagawa ng cultural heritage mapping ng kanilang mga lugar ito man ay tangible at intangible, at natural at built heritage, at para tugunan ang mga bagong banta mula sa nagbabagong cultural landscape dahil sa digital transformation.
“Cultural heritage affirms our identity as a people. Our history and traditions reflect our values and beliefs. But, more than the cultural demonstration of our heritage, the wealth of knowledge that has been passed on from one generation to another to the next is much more significant and valuable as this knowledge would be the proof of our uniqueness and what will define us as a human race,” pahayag ni Senator Loren Legarda, chair ng Senate committee on culture and the arts.
Base kay Legarda, isa ang promosyon at preserbasyon ng cultural heritage sa pamamagitan ng integrated education approach sa mahahalagang probisyon na ini-adopt mula sa bersyon ng Kamara sa panukala.
“And so, we are working hard for the Cultural Mapping bill to be passed because we believe this is one of the best legacies that we could give the future generations of Filipinos,” dagdag niya.
Sa ilalim ng panukala, makikipag-ugnayan ang LGUs sa National Commission for Culture and the Arts (NCCA), iba pang cultural agencies, at ilang national agencies sa bansa.
Raratipikahan na ang panukala sa Senado at Kamara tsaka ipadadala kay Pangulong Ferdinand “Bongbong” Marcos Jr. na siyang magdedesisyon kung aaprubahan o ive-veto ito. RNT/SA
March 28, 2023 @5:13 PM
Views: 26
MANILA, Philippines- Nagpaabot ng pagbati si Pangulong Ferdinand Marcos Jr. kay dating Pangulong Rodrigo Roa Duterte na nagdiriwang ngayon ng kanyang ika-78 kaarawan, ngayong araw ng Martes, Marso 28, 2023.
Sa kanyang official Facebook page, sinabi ni Pangulong Marcos na “What a pleasure for me to wish happy birthday to ating predecessor, PRRD. Happy birthday to you, Mr President.”
Sinabi pa ni Pangulong Marcos, naiintindihan na niya ngayon si Duterte kung bakit kung minsan, noong Pangulo pa siya ng Pilipinas ay napapamura ito.
“Now I know why. Pero huwag niyong inaalala lahat ng magandang sinimulan ninyo, we will continue to work on it. We will contineu to make sure that those projects that you started will be successful and I am glad that I am able to continue the good work that you started,” ani Pangulong Marcos.
Hindi naman alam ni Pangulong Marcos kung paano makakapag-relax pa si Duterte matapos ang “lifetime of work” subalit umaasa siya na maghihinay-hinay na ito sa trabaho at magkaroon ng maayos na selebrasyon ng kanyang kaarawan.
“And so… I don’t know kung makapag-relax ka because after a lifetime of work, I don’t know if you still know how to take it easy but if you got the chance, please have a good celebration. happy, Happy birthday PRRD!,” ang pagbati ni Pangulong Marcos. Kris Jose
March 28, 2023 @5:00 PM
Views: 14
MANILA, Philippines – Malalagot na ang mga operator, drayber, konduktor at mga empleyado na mahuhuli sa mga aktong may kinalaman sa sexual harassment sa loob ng public utility vehicles (PUV), ayon sa Land Transportation Franchising and Regulatory Board (LTFRB).
Sa isang pahayag nitong Lunes, Marso 27, inihayag ng LTFRB na tinututukan ng Safe Spaces Act ang “gender-based sexual harassment” sa mga kalsada, pampublikong lugar, trabaho, paaralan, at pati na sa internet.
Kabilang sa LTFRB Memorandum Circular No.2023-016 at Safe Spaces Act na patawan ng parusa ang mga mahuhuli na nagmumura, tumatawag o nagkokomento na may bahid ng kalaswaan at kabastusan, pangungutya sa kasarian, at mga katagang may kinalaman sa pribadong buhay ng isang tao, kabilang na ang mga “sex jokes.”
Para sa unang paglabag, ang sinumang mahuhuli ay pagmumultahin ng P5,000 at papatawan anim na buwang suspensyon.
Multa naman na P10,000 at isang taon na suspensyon ang ipapataw para sa ikawalang paglabag, at P15,000 at pagbawi ng CPC ng sasakyan ang para sa ikatlong paglabag. RNT
March 28, 2023 @4:48 PM
Views: 21
MANILA, Philippines- Inanunsyo ni Elon Musk nitong Lunes na tanging verified Twitter accounts na lamang ang maaaring bumoto sa polls simula April 15, na ayon sa CEO ng social media company ay makatutulong sa pagtugon sa AI bots.
Sinabi rin ni Musk na tanging verified accounts na lamang ang eligible para sa Twitter’s For You recommendations, kung saan idini-display ang stream ng tweets mula sa mga account sa Twitter.
Hindi agad nagkomento ang Twitter hinggil dito.
Nitong nakaraang taon, sinabi ni Musk na lilimitahan ng Twitter ang pagboto sa policy-related polls sa nagbabayad na Twitter Blue subscribers. RNT/SA
March 28, 2023 @4:36 PM
Views: 22
MANILA, Philippines- Magtatalaga ang Philippine National Police (PNP) ng halos 78,000 tauhan sa tourist spots at iba pang mga lugar hindi lamang sa Semana Santa, maging sa natitirang bahagi ng “summer” break.
Inihayag ni PNP chief Gen. Rodolfo Azurin, Jr. na may kabuuang 38,387 pulis ang aatasang magpatrulya habang may kabuuang 39,504 pulis ang ipakakalat sa partikular na “areas of convergence” gaya ng major thoroughfares, transportation hubs, terminals, commercial areas, at mga simbahan.
“The PNP National Headquarters has issued operational guidelines for Police Regional and Provincial Offices to implement their respective law enforcement and public safety plan for the 60-day summer holiday season,” ani Azurin.
“We are expecting a large number of travelers during this entire period, and we want to make sure that they will have a safe and enjoyable experience,” dagdag niya.
Mag-uumpisa ang Lenten break sa April 6 at matatapos sa April 10 matapos ilipat ni Pangulong Marcos ang Araw ng Kagitingan mula April 9 sa April 10 bilang bahagi ng kanyang Holiday economics—na naglalayon na i-maximize ang promosyon ng lokal na turismo.
Bukod sa Mahal na Araw at Ramadan sa susunod na buwan, karaniwan ding nagsasagawa ng mga pista at iba pa religious festivities tuwing Mayo.
Sa Pilipinas, mayroon lamang dalawang weather seasons– tag-ulan o rainy season (June hanggang November) anat d tag-init o dry season (December hanggang May) subalit itinuturing ang April at May bilang summer.
Sinabi rin ni Azurin na magkakasa ng Assistance Hubs at Police Assistance Desks (PADs) sa strategic areas para tumugon sa mga reklamo.
“We call on the public to cooperate with us and follow the rules and regulations set by the government to deter the occurrence of crime, prevent accidents and avoid unnecessary inconvenience,” ani Azurin. RNT/SA
