Pamahalaan target mag-angkat ng 150,000 metriko tonelada ng asukal

Pamahalaan target mag-angkat ng 150,000 metriko tonelada ng asukal

August 18, 2022 @ 4:15 PM 1 month ago


MANILA, Philippines – Kinumpirma ni Press Secretary Trixie Cruz-Angeles ngayong Huwebes, Agosto 18 ang 150,000 metriko toneladang asukal na target iangkat ng pamahalaan.

“‘Yun po ang proposed quantity for importation gawa nga ng pangangailangan ng mga industrials na tinatawag ng ating Pangulo, sila po ang gumagamit ng commercial quantities, in large commercial quantities ng asukal and some jobs are dependent on their continued production,” pahayag ni Cruz-Angeles.

Dagdag pa ng Press Secretary, kumpirmado na umano na 150,000 metric tons ang planong iangkat na asukal mula sa ibang bansa.

Sa ngayon ay wala pa umanong impormasyon kung kailan isasagawa ang naturang importation.

Matatandaan na nauna nang sinuportahan ni Senate President Juan Miguel Zubiri ang planong importation ng asukal basta’t hindi lamang ito lalampas ng 300,000 metriko tonelada. RNT