Pamilya ni ex-Lamitan mayor Furigay bukas sa Ateneo shooting probe

Pamilya ni ex-Lamitan mayor Furigay bukas sa Ateneo shooting probe

July 31, 2022 @ 4:00 PM 1 week ago


MANILA, Philippines- Bukas ang pamilya ni dating Lamitan City mayor Rosita Furigay, na namatay sa pamamaril sa Ateneo de Manila University, sa imbestigasyon ng mga awtoridad, ayon sa abogado ng pamilya nitong Linggo.

Sinabi ni Atty. Quirino Esguerra na makikipag-ugnayan ang pamilya Furigay sa mga awtoridad sa imbestigasyon sa pamamaril sa Ateneo campus aat sa Lamitan City.

“Humihingi ang pamilya ng thorough investigation regarding this matter. ‘Yung nangyari sa Ateneo de Manila premises at dito sa Lamitan. Open po ang pamilya sa imbestigasyon na mangyayari,” sabi ni Esguerra.

Nagpaputok si Chao-Tiao Yumol sa Ateneo de Manila graduation ceremony na pinasok niya nitong Hulyo 24, kung saan nasawi si Furigay, kanyang executive assistant na si Victor Capistrano, at Ateneo security guard na si Jeneven Bandiala.

Kasunod ng insidente, namatay din si Rolando Yumol, ama ng suspek, matapos pagbabarilin sa labas ng kanyang bahay sa Lamitan nitong Biyernes ng umaga. Sinabi ng mag pulis sa Lamitan na binaril siya sa labas ng kanyang bahay sa Rizal St. ng hindi pa nakikilalang riding-in-tandem bandang alas-6:30 ng umaga.

Tumanggi naman ang Philippine National Police na iugnay ito sa pamamaril ng anak n i Rolando sa unibersidad.

Nahaharap ngayon ang nakababatang Yumol sa patong-patong na kaso, kabilang ang tatlong counts ng murder.

Nanawagan naman ang asawa ni Lamitan na si incumbent Lamitan Mayor Oric Furigay para sa hustisya sa kanyang asawa at sa nakatatandang Yumol.

“Gusto ko lang ipaabot to the highest authority ng ating bansa, gusto ko ‘yung hustisya para sa pamilya. Gusto ko rin ng hustisya para sa tatay ng confessed murderer,” aniya. “Gusto ko lang sana hindi lang sa umpisa, tapusin nila ang imbestigasyon.”

Nadala na ang katawan ng dating alkalde sa kanyang tahanan sa Lamitan City  mula sa Manila nitong Lunes ng umaga. RNT/SA