PANALO NI BBM, TANGGAPIN N’YO

PANALO NI BBM, TANGGAPIN N’YO

May 13, 2022 @ 11:15 AM 2 weeks ago


Yaman din lamang na nagsa­lita na ang sambayanang Pilipino kung sino ang gusto nilang maging Pangulo sa su­sunod na anim na taon kapalit ni Pangulong Rodrigo Duterte, dapat tanggapin na ito.

Mantakin ninyo, mga pare ko, mahigit 31 million votes, ang boto ni President-in-wating Bongbong Marcos at mahirap nang maitaob ‘yan. Kaya da­pat tanggapin na lamang ng mga maka-kaliwa at grupo ni Leni ang resulta sa katatapos na halalan.

Kung ‘yung mga kalaban ni BBM na sina Manila Mayor Isko Moreno, Senador Manny Pacquiao, Senator Panfilo Lacson, Ka Leody De Guzman at iba pa ay naging mga maginoo sa pagtanggap sa pagkatalo, higit tayo na mamamayan.

Kung hindi man ninyo ka­yang magdiwang sa pagkapanalo ni BBM (siyempre hindi siya ang kandidato ninyo), a-lang-alang na lang sa ngalan ng kapayapaan, kapakanan ng bansa at pag-angat ng Pilipinas, eh, manahimik na lang.

Kung ang mga higanteng bansa na gaya ng Amerika at Japan ay naghayag na ng suporta sa incoming president na si BBM, tayo pa kayang mga Pilipino?

‘Yaong mga militante na hindi matanggap ang panalo ni dating Senador Ferdinand Bongbong Marcos Jr.  na nagbabanta pa ng serye ng mga protesta at lalabas sa lansa­ngan upang mag-ingay,  at yaong mga kabataang nagagamit o nabubulagan, tumigil nga kayo!

Kung ayaw n’yo sa nanalo na si BBM, hindi ang paglabas sa lansangan ang solution! Magprotesta kayo sa Come­lec, Korte Suprema, doon n’yo dalhin ang inyong pagtutol.

Teka, ano ba ang ipinagla­laban ninyo?

TULOY-TULOY NA SUGAL MAY BABAS BA NI GOB?

Uy, mukhang muli na na­mang bumalik ang peryahan  ni Jessica sa Baliwag, Bulacan at muli na namang nabalie ang mga Bulakenyo sa kanilang pagsusugal.

Ultimo bata ay natututo nang magsugal na kung saan ay isa-isa ang mga ito ang nagkukumpulan sa umaga, tanghali at gabi.

Walang patawad ang pagsusugal at hindi man lamang hinuhuli at kinakastigo ni Bulacan Gov. Daniel Fernando kundi tumunganga lang.

Anak ng ….!!!

o0o

Anomang puna o reklamo, itext sa 09189274764, 0926­6719269 o i-email sa juande­[email protected]

Xxxxxxxxxxxx