MANILA, Philippines- Ikinokonsidera ng Pilipinas na makipagtulungan sa Japan sa pagtatayo ng mga railways project matapos ang ilang mga deal na suportado ng China na natigil dahil sa kakulangan ng pondo.

Ayon kay Transportation Secretary Jaime Bautista, tinalakay na ng DOTr kasama ang Japan International Cooperation Agency ang posibleng pagpopondo upang suportahan ang nasabing mga proyekto.

“Actually, we are not limiting our options to China. We can also consider working with Japan and JICA,” sabi ni Bautista sa ANC’s “Headstart”.

Katunayan aniya ay may pagpupulong kasama ng JICA noong nakaraang lingo at nabanggit sa kanbila ang posibilidad ng pagbibigay ng suporta sa nasabing mga proyekto.

Sinabi ni Bautista na ang gobyerno ng Pilipinas ay naghahanap ng iba’t ibang options para sa infrastructure projects.

Noong nakaraang linggo, ang Maynila ay nag-renew ng mga pag-uusap sa 3 kasunduan sa tren na ginawa sa Beijing. Ito ay ang PNR South Long Haul Project (North-South Commuter Railway), Subic-Clark Railway and Mindanao Railway (Tagum-Davao-Digos).

Binanggit ni Bautista na natigil ang mga proyekto dahil nais ng China na maningil ng interes na 3 porsyento para sa mga pautang na pinaniniwalaan ng nakaraang administrasyopn na masyadong magastos.

Ang rate ng interes sa pautang ng Japan ay 0.01 porsyento.

Kasunod ng pagpupulong kasama si Chinese Ambassador Huang Xilian,sinabi ni Bautista na tiniyak ng Pilipinas na makukuha ang “good deal”.

“Six years may not be enough but if we do it right, we should be able to substantially complete the projects before the term of President Bongbong ends,” sabi pa ni Bautista. Jocelyn Tabangcura-Domenden

MANILA, Philippines- Pinuri ni Pangulong Ferdinand Marcos Jr. ang Davao City makaraang makasama at ituring na “shining beacons of progress”.

Ibinigay ang kredito sa mga Davaoeño na nagkaisa laban sa mga paghihirap na kinaharap ng bansa.

Sa kanyang naging mensahe sa pagdiriwang ng Kadayawan Festival, sinabi ni Pangulong Marcos na ang okasyon ay isang paalala kung gaano kasaya ang okasyon na magbu-buklod at maglalapit sa mga Filipino.

Inilarawan naman niya ang Kadayawan Festival bilang paggunita sa “kasaganaan ” ng Davao City, oportunidad para ipakita ang “the best of what their hometown has to offer.”

“l could not help but admire the story that Davao City has written through the years, in which it has emerged as among the country’s shining beacons of progress. It is with no doubt that Davaoeños have embodied solidarity and contributed wholeheartedly in weaving their own tale of nation-building to bring their beloved city to where it is today,” pahayag nito..

Nanawagan naman si Pangulong Marcos sa mga Davaoeños na makiisa sa festival na may “gratitude for the bountiful harvest that has become a foundation of Davao’s “steadfast development.”

“May you all be blessed with continued success and prosperity as we unite towards achieving a better and brighter tomorrow,” dagdag na pahayag nito.

Ang Kadayawan ay isang pistang ipinagdiriwang sa lungsod ng Dabaw sa Pilipinas.

Ang pistang ito ay ipinagdiriwang sa ikatlong linggo ng Agosto.
Ang pangunahing layunin ng Pista ng Kadayawan ay upang gunitain ang pamanang kultural ng lungsod, ang seremonya ng pagbubukas ay binubuo ng isang pagtatanghal mula sa mga katutubo ng Davao. Sa gitna ng patuloy na paggawa ng makabago naming pamumuhay at ang patuloy na proseso ng globalization.

Ang Pista ng Kadayawan ang nagdadala sa mga Davaoeños na magtipon-tipon upang ipagdiwang ang kabutihan ng lupa at sa mismong mga tao. Gamit ang iba’t ibang mga kaganapan, makukulay, malaki at magandang parades, ang lokal ng Davao ay nakasisiguro na ang isang taunang pagdiriwang na ito ay sulit panuorin. Tingnan ang iba’t ibang kulay ng panlipi at ibat ibang mga kasuotan. Kris Jose

MANILA, Philippines- Isang araw matapos dumalo sa 6th National Fire Olympics 2022 ng Bureau of Fire Protection sa Davao City, pumunta si Senator Christopher “Bong” Go sa Bacoor City, Cavite noong Linggo upang personal na magbigay ng agarang tulong sa mga biktima ng sunog kamakailan sa Barangay Maliksi 2.

Inilunsad ni Go at ng kanyang team ang relief operation sa Maliksi Elementary School na pansamantalang tinutuluyan ng daan-daang biktima matapos masunog ang kanilang mga bahay noong Agosto 12.

Pinangunahan ng senador ang pamamahagi ng relief items, tulad ng mga grocery packs, bitamina, masks, pagkain at kamiseta sa kabuuang 137 pamilya na binubuo ng 534 indibidwal.

Namigay din siya ng mga mobile electronic gadget para sa mga mag-aaral, gayundin ng mga bisikleta, sapatos, relo, at bola para sa volleyball at basketball upang hikayatin silang makisali sa sports.

Ang Department of Social Welfare and Development ay nagbigay naman ng pinansiyal na suporta sa bawat apektadong sambahayan sa pamamagitan ng Assistance to Individuals in Crisis Situation program nito upang mapabilis ang kanilang pagrekober.

“Galing po akong Davao ngayon dahil bukas po may (session sa) Senado (pero pinili kong bumisita at tumulong) nung nabalitaan ko na noong isang araw ay may mga nasunugan dito sa Bacoor. Ilang beses na akong nakabalik dito sa Bacoor nang dahil sa sunog, nakikiusap po ako sa inyo na mag-ingat kayo parati,” ayon kay Go.

“Alam ko pong napakahirap pong masunugan, parang ubos lahat (at) umpisa ulit. Pero ang gamit po ay nabibili, magtulungan lang po tayo. Ang pera po ay ating kikitain, magsipag lang tayo. Ngunit ang perang kikitain natin ay hindi nabibili ang buhay. Ang nawalang buhay ay isang nawawalang buhay magpakailanman. Andirito po kami para tumulong sa inyo sa abot ng aming makakaya,”dagdag ng senador.

Tiniyak ni Go na ang mas mahusay na proteksyon sa sunog at mga pagsisikap sa pag-iwas ay maaaring asahan mula sa Bureau of Fire Protection kasunod ng sampung taong modernization program nito na ipinag-uutos sa ilalim ng BFP Modernization Act of 2021.

Pangunahing inakda at itinataguyod ni Go, ang Batas ay naglalayong pahusayin ang kakayahan ng kawanihan na tumugon sa mga insidente na may kaugnayan sa sunog sa pamamagitan ng pagkuha ng mga bagong kagamitan sa sunog, pagpapalawak ng manpower at pagsasagawa ng espesyal na pagsasanay para sa mga bumbero, bukod sa iba pa.

Sinamantala rin ni Go, pinuno ng Senate Committee on Health and Demography, ang pagkakataong hikayatin ang mga karapat-dapat na lumahok sa national inoculation drive ng gobyerno, sa pagsasabing, “Habang andiyan pa po ang COVID-19, nakikiusap po kami sa gobyerno (at ) bilang Committee Chair on Health po, facemask muna tayo at mag-ingat. At may pakiusap lang ako sa inyo, kung hindi pa po kayo bakunado, magpabakuna na ho kayo. Ang bakuna po ang tanging susi o solusyon para unti-unti na tayong makabalik sa ating normal na pamumuhay.”

Habang itinataguyod niya ang mas progresibong Lungsod ng Bacoor, ipinaabot din ni Go ang kanyang suporta sa ilang proyekto na makatutulong sa paghahatid ng serbisyo publiko nito.

Kabilang dito ang pagtatayo ng slope protection sa Zapote River, pagtatayo ng flood mitigation structure at revetment sa kahabaan ng Bacoor River, pagtatayo ng mga multipurpose building sa Brgys. Mambog 3 at San Nicolas II, rehabilitasyon at paggawa ng mga kalsada, at konstruksyon ng Daang-Hari Flyover Road.

Nangako rin si Go na tutulong sa pagkuha ng ambulance unit para sa lokal na pamahalaan at sa pagtatayo ng Super Health Center bilang bahagi ng kanyang inisyatiba na mailapit ang mga Pilipino sa mga serbisyong pangkalusugan ng gobyerno.

Bukod sa Bacoor City, magtatayo rin ng Super Health Centers sa mga lungsod ng Dasmariñas, General Trias, at Imus; at mga bayan ng Carmona, Kawit, Magallanes at Tanza.

Noong Agosto 11, nagbigay ng tulong ang pangkat ng senador sa mga madre ng Sisters of Mary School sa Silang. RNT

MNAILA, Philippines- Isinapubliko ni Pangulong Ferdinand Marcos Jr. ang kanyang tatlong pangarap para sa agriculture sector ng Pilipinas.

Ito ay ang “sustainable livelihood for farmers, food security at affordable food for all.”

Sinabi ni Pangulong Marcos, pinuno ng Department of Agriculture (DA), titiyakin nito na ang mga magsasaka ay mayroong “sustainable livelihood” at makapage-engganyo sa iba na isulong ang larangan ng agrikultura.

“Simple lang naman ang pangarap ko: Kailangan magkaroon ng kumikitang kabuhayan ang ating mga magsasaka ng sa ganon ay maengganyo ang susunod pang mga henerasyon na ipagpatuloy ang industriyang ito,” anito.

Nais din ng Pangulo na nakamit ng bansa ang food self-sufficiency sa pamamagitan ng gawing prayoridad ang local production kaysa food importation.

“Pangalawa, magkaroon tayo ng seguridad sa pagkain na ‘di umaasa hanggat maaari sa ibang bansa,” dagdag na pahayag nito.

Hangad din ng Pangulo ang maging abot-kaya ang halaga ng mga pagkain para sa lahat ng mga Filipino sa gitna ng tumataas na presyo ng pagkain at napipintong kasalatan nito.

“At pangatlo, ang magkaroon ng murang pagkain para sa lahat. Ang pangarap ko ay wala nang gutom na Pilipino. At tiyak ko na pangarap rin ng bawat isa sa atin ‘yan,” aniya pa rin.

Ani Pangulong Marcos, ang kanyang naging karanasan sa Ilocos Norte bilang gobernador para sa 12 taon ang dahilan upang naging malapit sa kanyang puso ang agrikultura.

“Nakita ko ‘yung aming nagawa, nakita ko ang maaring gawin kaya alam ko na kaya nating ayusin itong mga problemang hinaharap ng ating mga magsasaka at ng buong agrikultura na sektor,” aniya pa rin.

Ang problema aniya na kinahaharap ngayon ng agriculture industry ay hindi lamang makaaapekto sa mga magsasaka at mangingisda kundi maging sa pamilyang Filipino.

“Ang ating ekonomiya ay nakasalalay sa mga malulusog at malalakas na manggagawa. Higit pa sa anong gamot at bitamina, ang masustansya at kayang bilhin na pagkain ang siyang hindi dapat mawawala sa hapag kainan ng bawat tahanan,” lahad nito.

Binigyang-diin ni Pangulong Marcos na magpupursige sya na nakamit at matupad ang kanyang mga pangarap.

“Patuloy ang ating pagpupursigi na ibangon at ilaban ang industriyang ito hanggang sa makamtan natin ang mga pangarap na ‘yan,” lahad nito. Kris Jose

MANILA, Philippines- Swak sa selda ang isang online casino agent matapos makuhanan ng mahigit P.1 milyon halaga ng shabu sa isinagawang buy-bust operation ng pulisya sa Valenzuela City.

Kinilala ni PLT Doddie Aguirre, hepe ng Station Drug Enforcement Unit (SDEU) ng Valenzuela City Police ang naarestong suspek na si Niño Nicanor Faustino Jr., 42, online casino agent at residente ng 99 P. Faustino St., Brgy. Punturin ng nasabing lungsod.

Base sa report ni PSSg Ana Liza Antonio kay Valenzuela Police chief Col. Salvador Destura Jr., dakong alas-3:30 ng madaling araw nang magsagawa ang mga operatiba ng SDEU sa pangunguna ni PLT Aguirre ng buy bust operation sa bahay ng suspek matapos ang natanggap na impormasyon na nagbebenta umano ito ng iligal na droga.

Sa ulat ng pulisya, isang undercover police ang nagawang makipagtransaksyon sa suspek ng P7,500 halaga ng droga at nang tanggapin nito ang marked money mula sa poseur-buyer kapalit ng isang plastic sachet ng shabu ay agad siyang dinamba ng mga operatiba.

Nakumpiska sa suspek ang limang heat sealed transparent plastic sachets na naglalaman ng humigit-kumulang 23 gramo ng shabu na may standard drug price P156,400, marked money na isang tunay na P500 peso bill at 7 pirasong P1,000 boodle money, cellphone at pouch.

Mahaharap sa kasong paglabag sa Section 5 at 11 under Article II of RA 9165 o ang Comprehensive Dangerous Drug Act of 2002 ang suspek sa Valenzuela City Prosecutor’s Office. R.A Marquez