Panganiban memo, ‘smoking gun’ sa smuggling ng asukal – Hontiveros
March 2, 2023 @ 4:48 PM
4 weeks ago
Views: 167
Shyr Abarentos2023-03-02T15:04:21+08:00
MANILA, Philippines- Malaki ang paniniwala ni Senador Risa Hontiveros na magsisilbing matibay na ebidensya o tinaguriang “smoking gun” ang memorandum na ipinalabas ni Department of Agriculture (DA) Senior Undersecretary Domingo Panganiban sa government-sponsored smuggling ng asukal nang walang permiso.
Sa pahayag, sinabi ni Hontiveros na pinatunayan sa memo ni Panganiban na sangkot ang opisyal sa pagpupuslit ng asukal na nakapasok sa bansa nang walang permiso o sugar order alinsunod sa itinakda ng batas.
Inihayag ito ni Hontiveros matapos ipalabas ni Panganiban ang memorandum na may petsang Pebrero 27, 2023 kung saan nagbibigay-clearance sa inangkat na asukal kabilang ang 240,000 metric tons na nakatoka sa All Asian Countertrade Inc. na nakapasok ng bansa nang walang kaukulang permiso at bago ipalabas ang Sugar Order ng Sugar Regulatory Administration (SRA), na isang paglabag sa batas.
“Ika nga, ang isda ay sa bibig nahuhuli. Totoo iyan, kahit sa smuggling ng asukal. Sa mismong memo ng DA lumalabas ang katotohanan – na matataas na opisyal ang nasa likod ng binubuong cartel at smuggling ring sa suplay ng asukal sa bansa. We should not ignore this ‘smoking gun’ proof of government-sponsored sugar smuggling being coordinated at the highest levels of bureaucracy,” ayon kay Hontiveros.
Ayon kay Hontiveros, nakatakda sa memo ni Panganiban na lantarang isinama ang pariralang nagsasabi na “the shipments to All Asian Countertrade Inc., which have arrived in the country” na kasama ang ipalalabas na inangkat na asukal.
Tinutukoy ni Hontiveros ang shipment ng asukal sa 260, 20-foot containers na dumaong sa Port of Batangas noong Pebrero 9, 2023 na nakatalaga sa All Asian Countertrade Inc., nang walang sapat na documentation.
“That’s the smoking gun – sila na mismo ang tahasang umamin, in black and white – that they were aware that shipments of sugar arrived in the country way before March 1, 2023, which is the earliest date the validly imported supply under Sugar Order No. 6 could reach our ports. Not only were they aware of those dubious shipments, they even wanted to clear them for release despite those shipments being obviously smuggled,” ayon kay Hontiveros.
“Hindi rin nila pwedeng gamitin ang Sugar Order No. 6 bilang palusot. That order only took effect on February 15, 2023, while All-Asian’s sugar shipments already arrived in the country by February 9, 2023. Since they had no proper permits, those shipments should be considered as the subject of large-scale agricultural smuggling,” aniya.
Iginiit ni Hontiveros na isa ang All Asian Countertrade Inc sa tatlong nangungunang trading firm na pinili ni Panganiban na umangkat ng asukal na inamin nito sa isang press conference noong February 22, 2023.
Ayon sa dokumento na ipinalabas ni Hontiveros, ibinigay ang awtorisasyon sa All Asian Countertrade alinsunod sa kautusan ni Executive Secretary Lucas Bersamin.”
“Nakakagalit na mistulang gobyerno pa mismo ang hayagang kumikilos at nagkakamada ng pag-buo ng kartel at smuggling ring sa suplay ng asukal. Last year, during the first sugar import fiasco, several agricultural officials were suspended and subjected to multiple investigations. Ngayon siguro, dapat nang makasuhan at makulong ang mga tiwaling opisyal na inaabuso ang kanilang pwesto dito sa sugar import fiasco 2.0,” ayon kay Hontiveros.
Naunang naghain si Hontiveros ng Senate Resolution No. 497 na nananawagan ng imbestigasyon sa naturang kontrobersiya at maiwasan ang pagbubuo ng “government-backed cartel” na nagtatago ng suplay ng asukal at mamanipula ang presyo ng asukal sa bansa.
“Hinihintay ng buong bansa ang Senado, sa pamamagitan ng Senate Blue Ribbon Committee, na gampanan ang kanyang obligasyon. Huwag nating hayaan na maging cartel organizer ang DA, at mapuno ng kickbackan, kontratahan, at katiwalian ang ating agricultural processes. Kung hindi tayo kikilos, hindi na bababa ang presyo ng bilihin, at talo na naman ang mga mamimili at ang kanilang mga pamilya,” ayon kay Hontiveros. Ernie Reyes
March 29, 2023 @3:49 PM
Views: 5
MANILA, Philippines – Sinabi ni Senador Sherwin Gatchalian na angpanukalang pagreporma sa real property valuation ay inaasahang magpapabilis ng automation sa local government units (LGUs) sa buong bansa at magpapahusay ng pangongolekta ng buwis.
“Dahil ang direksyon ng kasalukuyang administrasyon ay pahusayin ang digitalization ng mga proseso sa gobyerno, naniniwala ako na ang panukala, kapag naging batas na, ay magbibigay daan para i-automate na ang lahat ng mga proseso ng government transactions kabilang ang pangongolekta ng buwis o kita ng gobyerno,” sabi ni Gatchalian sa isang technical working group ng Senate Committee on Ways and Means na pinamumunuan niya.
Sa kasalukuyan, halos 68% lamang ng mga LGU sa bansa ang nagpapatupad ng automation.
Mula sa bilang na ito, 729 LGUs lamang ang kasalukuyang dumadaan sa proseso ng real property assessment.
Ang natitirang 32%, na karamihan ay 5th at 6th-class municipalities, ay walang real property assessment-related system.
Ayon kay Gatchalian, ang full automation ng LGUs ay naaayon din sa local governance reform project ng Department of Information and Communications Technology (DICT) na nagbibigay ng technical assistance sa mga LGU pagdating sa computerization, kabilang ang computer-aided mass appraisal na may geographical information system o GIS.
Hindi lamang nagiging mahusay ang serbisyo publiko sa pagpapasimple ng mga proseso sa gobyerno.
Ang automation ay nagbibigay-daan din sa mga lokal na pamahalaan na maging mas malapit sa kanilang mga nasasakupan sa gitna ng mabilis na digitalization ng ating pang-araw-araw na buhay,” diin niya.
Sa ilalim ng panukalang Real Property Valuation and Assessment Reform (RPVAR) Act, ang Bureau of Local Government Finance (BLGF) ng Department of Finance (DOF) ay inaatasan na bumuo, magpatibay, at magpatupad ng pare-parehong pamantayan na gagamitin ng lahat ng mga appraiser at assessor sa mga LGU sa pagtatasa o appraisal ng mga lupa, gusali, makinarya, at iba pang real estate property para sa pagbubuwis.
“Inaasahan natin na mapapagtibay nito ang ating hangarin na mas maging episyente ang gobyerno sa pangongolekta ng buwis na hindi kinakailangang magtaas nito,” sinabi ni Gatchalian.
Isa sa mga priority bill ng administrasyong Marcos, ang naturang panukala ay inaasahan ding magpapaigting ng technical cooperation sa pagitan ng pambansa at lokal na pamahalaan, na inaasahang hahantong sa mas mahusay na paglulunsad ng mga proyektong pang-imprastraktura, at magdadagdag ng kumpiyansa ng mga mamumuhunan at tiwala ng publiko.
“Nakita natin mula sa ating karanasan na kung automated na ang lahat ng proseso hanggang sa pagbabayad, makikita mo ang pagtaas ng koleksyon ng kita nang hindi naaapektuhan ang tax rates. Kaya sa tingin ko ay isang magandang pagkakataon sa pamamagitan ng batas na ito ang pag incentivize sa mga LGU na magpapatupad ng automation,” kwento niya ng kanyang naging karanasan bilang dating alkalde ng Valenzuela City. Ernie Reyes
March 29, 2023 @3:36 PM
Views: 12
MANILA, Philippines – Nagpaalala ang Department of Education (DepEd) sa mga guro na hindi sila pinapayagang makilahok sa anumang volunteer work o extracurricular activities kasabay ng school hours.
Ito ay dahil maaapektuhan umano nito ang kanilang pangunahing trabaho at responsibilidad sa paaralan bilang guro.
Sa inilabas na Order No. 8 ng DepEd nitong Miyerkules, Marso 29, sinabi nito na may pagkakataon ang mga guro na tanggihan ang anumang imbitasyon sa community events o community service na walang kaugnayan sa pagtuturo o pag-aaral.
“The DepEd issues this order to empower our teachers and make it clear that they have the option to say no to invitations to community events and/or requests to render community service that are non-teaching or non-academic in nature regardless if these will be conducted outside school hours,” saad sa kautusan.
“Teachers are not allowed to engage in community service or extracurricular activities during school hours as these will impede the performance of their teaching work and responsibilities,” dagdag pa nito.
Sa kautusan, binanggit ng DepEd ang Republic Act No. 4670 o Magna Carta for Public School Teachers, na nagre-regulate sa work hours ng mga guro upang mabigyan sila ng sapat na panahon sa paghahanda ng mga ituturo sa mga estudyante.
Ayon sa ahensya, pinoprotektahan ng batas ang physical at mental health well-being ng mga guro.
“Easing the burden of the teachers will help in the improvement of the teacher education curriculum and will promote a more conducive learning environment,” sinabi pa ng DepEd. RNT/JGC
March 29, 2023 @3:23 PM
Views: 17
MANILA, Philippines – Target ng Ukraine na kumuha ng mga Filipinong manggagawa upang tumulong na maibalik sa normal ang naturang bansa na dinurog ng giyera.
Ito ang sinabi ni Ukraine Embassy in Malaysia Counsellor Denys Mykhailiuk nitong Miyerkules, Marso 29, kung saan makikipag-usap sila sa pamahalaan para sa pagpapadala ng mga Filipino sa nasabing bansa.
“We will begin talks about the Filipinos’ labor to come because this reconstruction effort will need significant increase in labor,” sinabi ni Mykhailiuk sa mga mamamahayag.
“You know Ukraine, as majority of European states, is an aging country. This is not the situation here and hardworking Filipinos will be very welcomed there to benefit our growth and Filipino investors will be very much welcomed there,” dagdag niya.
Ayon kay Mykhailiuk, tinatayang nasa $1 trilyon ang kinakailangan nilang pondo para maibalik sa ayos ang Ukraine.
Inilunsad na rin aniya ang fast recovery plan sa rebuilding at reconstruction.
“We launched this effort to invite international donors and investments,” pahayag ni Mykhailiuk.
“We hope that the next decade, Ukraine will be the biggest construction site in Europe or maybe in the world. We will attract manpower. We will attract investments, and these investments are guaranteed not only by Ukrainian government, which might be risky, but also by international institutions,” pagpapatuloy niya.
Noong nakaraang taon, nawalan ang Ukraine ng 35% sa gross domestric product nito dahil sa giyera kung saan sinubukan sila ng Russia na sakupin, na nagsimula noong Pebrero 24, 2022. RNT/JGC
March 29, 2023 @3:10 PM
Views: 20
MANILA, Philippines – Pumalag si Alliance of Concerned Teachers (ACT) Rep. France Castro at sinabing hindi sila, kundi ang Department of Education sa ilalim ng pamumuno ni Vice President Sara Duterte, ang naglilihis sa publiko na pag-usapan ang lehitimong mga isyu sa edukasyon ngayon.
Sa pahayag ni Castro nitong Miyerkules, Marso 29, umalma ito sa sinasabi ni Duterte na imposible ang pagkuha ng 30,000 guro taon-taon at ginagawa lamang ito ng ACT para ilihis ang atensyon ng publiko sa ginagawang pag-atake ng New People’s Army (NPA) sa Masbate na naka-apekto na sa pag-aaral ng mga estudyante sa lugar.
Ang sinabing ito ni Duterte ay naging tugon niya sa panawagan ng ACT na kumuha ng 30,000 guro upang matugunan ang kakulangan sa edukasyon.
Sa kabila nito, sinabi ni Castro na tila nagre-red tag na naman ang DepEd sa halip na solusyunan na ang matagal nang problema sa sektor ng edukasyon.
“Ilang taon na ring panawagan ito ng ACT Teachers party-list at ang pangmasang organisasyon na Alliance of Concerned Teachers (ACT) Philippines sa mga nagdaang administrasyon at may iba-ibang lebel ng kanilang pagtugon dito pero ngayon lang nangyari na sabihin ng DepEd secretary mismo na ang mga panawagang ito ay ‘unrealistic and impossible’,” ani Castro.
“Malinaw sa kasyasayan na kaya itong magawa, ibukas lang sana ang isipan at wag puro red tagging ang inaatupag,” dagdag ng mambabatas.
Ayon kay Castro, ang panawagan nila sa DepEd na kumuha ng mga bagong guro ay lehitimong isyu at matagal na itong ipinananawagan.
Dagdag niya, sa nakaraang dalawang administrasyon, sina dating pangulong Rodrigo Duterte at Benigno Aquino III ay naging posible naman ito.
“In fact, the past two administrations were able to get near these targets as the Aquino administration hired an average of 29,166 teachers per year and even the administration of the current vice-president and concurrent [DepEd] secretary’s father was able to hire 25,000 teachers per year,” giit ni Castro. RNT/JGC
March 29, 2023 @3:00 PM
Views: 193
Manila, Philippines- Ang kilalang adult content creator na si Salome Salvi ay napapanood na rin sa mga project ng Vivamax. Although aktibo pa rin si Salome sa paggawa ng mga videos sa Pornhub dahil hindi raw ito sakop ng kontrata niya sa Viva.
After mapanood sa Vivamax original film na Kitty K7, ngayon ay isa si Salome sa cast ng pinakabagong Vivamax original series na “Sssshhh”.
Gagampanan ni Salome sa naturang serye ang isang podcaster na nagbibigay ng payo sa mga mag-asawa na may pinagdadaanan sa kanilang mga sex life.
Nabanggit niyang makatuturan ang kanilang seryeng Sssshhh na napapanood na ngayon sa Vivamax.
Saad ni Salome, “Even Sssshhh was in development, we made it our goal to educate. we always see stories about monogamous, heteronormative relationships in the media, and we want to show our audience that there are kinds of relationships outside that normm that people can explore and derive joy from.
“We also want to show how issues like infidelity and dishonesty in relationships can be dealt with in a healthy manner. We also show how one can embark on a journey of sexual discovery safely and ethically. We are optimistic and hopeful that the series fulfills those objectives.”
Ipinahayag din ni Salome na gusto niyang magtuloy-tuloy ang showbiz career niya sa bansa.
Aniya, “I hope na magtuloy-tuloy siya, and that will depend on whether people are receptive to the mainstream work I will be putting out.
“However, my main goal will always be aligned with producing pornography that people can easily access and enjoy. Adult entertainment is where my passions lie and I feel like that is the area that I am the most skilled at.
“I am grateful though, that I am being given opportunities to try new things like acting and writing,” sambit pa niya
As a sex expert, from 1 to 10 paano niya ire-rate ang kanyang sarili?
Diretsahang wika ni Salome, “I would rate myself a 9, because there are definitely things that I haven’t tried to explore yet. I believe I should always be open to learning new things, sexual or otherwise.”
Ang Sssshhh ni Direk Roman Perez Jr. ay tinatampukan nina Vince Rillon, Arron Villaflor, Jeffrey Hidalgo, Quinn Carrillo, Alexa Ocampo, Julia Victoria, Rash Flores, Amanda Avecilla, Aica Veloso, Micaella Raz, at iba pa. Nonie Nicasio
