MANILA, Philippines – Maghahatid ang  prestihiyosong sabong —PINTAKASI event — ng mas malaki at maaksiyong labanan sa paglarga ng 1st Roligon PINTAKASI International Challenge sa Pebrero sa susunod na taon sa pamosong Roligon Mega Cockpit Arena sa Paranaque City.

Hatid nina Rolando ‘Ka Lando’ S. Luzong at Nick Crisostomo, ang 12-cock International Gamefowl Breeders Derby (The Bloodline Challenge) ay nakatakda sa Pebrero 18 (Sabado) para sa isang 3-cock Group A eliminations. Susundan ito ng mga eliminasyon sa Group B at C sa Pebrero 20 at 21.

Ang 4-cock semifinals ay nakatakda sa Pebrero 22 (Group A), Pebrero 23 (B), at Pebrero 24 (C).

Ang unang 40 kalahok na may 4, 4.5, o 5 na puntos ay magsasagupa para sa 5-cock pre-finals sa Pebrero 25, habang ang iba pang mga entry na may katulad na naipon na puntos ay magsasagupa sa Pebrero 27 (Lunes).

Lahat ng entry na may 5.5, 6, 6.5, at 7 points pagkatapos ng pre-finals ay magsasagupaan sa 5-cock Finals para sa kampeonato kung saan isang Galo Meliton trophy – bilang parangal sa yumaong Sabong Magazine publisher at kilalang ‘Ama ng Sabong Derby’ sa bansa – ang ipagkakaloob.

Ang pangalan ng Pintakasi Champion ay iuukit din sa isang Perpetual Trophy na permanenteng ilalagay sa lobby ng Roligon Mega Arena.

“Ito ang kauna-unahang kaganapan sa makasaysayang Roligon Mega Cockpit kung saan naganap ang unang P3M, P4M, P6.5M, P8.8M, at P10M derby promotions sa bansa. Itong mga mapangahas na promosyon na pinangunahan ni Rolly Ligon ay nagpapakita ng tamang paraan kung paano dapat idaos ang marathon cockfighting tournaments na nagsisilbing modelo para sa mga breeders’ federation derbies na itatanghal sa mga susunod na panahon,” pahayag ni Luzong.

Ang mga lokal at dayuhang kalahok, gayundin ang mga bisita sa Pintakasi ay nagkakaroon din ng pagkakataong makadalo sa 2023 International Gamefowl Festival at Hobby Expo sa SMX Convention Center sa Pasay City na magtatampok ng pinakamalaki at pinakakapana-panabik na Gamefowl Show, Hobby Expo & Pet Convention.

Ang IGF 2023 Hobby Expo & Pet Convention ay magtatampok ng mga nangungunang gamefowl breeder, pigeon raisers, exotic na hayop at pet hobbyist, veterinary at nutrition supplier, gamefowl supplier, pigeon supplier, pigeon fancier, incubator, feed manufacturer, at mga kaugnay na produkto at serbisyong nakatuon sa gamefowl, pigeon raising, mga kakaibang hayop at pet hobbyist.

Tinaguriang “The Bloodline Challenge”, ang PINTAKASI ay may pahintulot ng Games and Amusements Board (GAB) at itinataguyod ng VDM 68 (Vince, David, at Marc) ng Vietnam, Chinh Piseth at Cambodia Association of Gamefowl Preservation, Miguel Arizola ng Peru , Ely Andresio ng Texas, USA, American Team na binubuo ng nangungunang gamefowl breeders ng USA, Gusko Adyana ng Indonesia, Byron Espinoza ng Ecuador at Kelly Everly ng Kentucky, USA at suportado ng Thunderbird.RICO NAVARRO

MANILA, Philippines – Kahit nalasap ang second-round TKO na pagkatalo sa kamay ni Naoya Inoue sa kanyang huling laban, determinado pa rin si Nonite Donaire na ipagpatuloy ang laban at target nitong bumaba sa super-flyweight upang hamunin sina Kazuto Ioka at Roman “Chocolatito” Gonzalez .

Ayon sa ulat, nakipag-usap si Donaire sa promoter na si Probellum at nagpahayag ng kanyang intensyon na harapin ang maalamat na sina Gonzalez at Ioka, ang reigning WBO champion, na matagumpay na naidepensa ang kanyang korona laban kay Filipino Donnie Nietes kamakailan lamang.

“Ito ay talagang magandang laban kay Chocolatito, at sinasabi ng mga tao na ito ay magiging alamat laban sa alamat,” sabi ni Donaire.

 “Ito ay isang malaking laban. Ngunit gusto ko rin ang paglaban kay Ioka dahil gusto kong makuha ang titulong iyon at maging isang five-division champion, at pagkatapos ay bumalik sa 118 at tungo sa hindi mapag-aalinlanganang korona kapag bukas na ang lahat at makakuha ako ng isa pang pagkakataon para dito.

Si Donaire, na magiging 40 anyos sa Nobyembre, ay natalo sa second round stoppage kay Inoue noong Hunyo sa kanilang bantamweight unification match.

Ngunit bago pa man ang laban, sinabi ng ‘Filipino Flash’ na mayroon nang planong bumaba ng isang timbang na mas mababa ayon sa kanyang pakikipag-usap kay Probellum chief Richard Schaefer.

“Nag-uusap kami ni Richard at sinasabi na anuman ang mangyari (sa Inoue fight), siguro maaari akong bumaba sa 115 at labanan ang mga lalaki sa dibisyong iyon,”  pahayag ni Donaire.

Idinagdag ni Donaire na nakikipag-ugnayan na ngayon si Schaefer sa mga handler ng Ioka at Chocolatito.JC

MANILA, Philippines – Patuloy ang pagpapalakas ng Ateneo de Manila University Blue Eagles kung saan ipinakilala nito ang kanilang bagong recruit na pambato na si Fil-Am guard Kyle Gamber.

Ito ang ibinida ng Katipunan-based squad na nakuha nila ang 6-foot-4 Fil-Am guard Gamber at magiging kwalipikadong maglaro para sa Season 86.

Inilarawan ni head coach Tab Baldwin si  Gamber bilang isang “all-purpose guard.”

“Si Kyle mismo ay isang all-purpose guard. Siya ay isang malaking bantay sa 6-foot-4, siya ay isang tao na napaka-komportable sa bola sa kanyang kamay,” sabi ni Baldwin, na naglalarawan kay Gamber din bilang isang manlalaro “na may mahusay. court vision, marunong magpasa ng bola, [at] isang mahusay na tagabaril.”

“Siya ang taong, sa tingin ko, naiintindihan kung ano ang ibig sabihin ng pagpapahusay ng kanyang mga kasamahan sa koponan dahil bilang isang lead guard, nasa kamay niya ang bola at alam niya kung paano paandarin ang koponan,” dagdag ni Baldwin.

Si Gamber, na ang mga magulang ay nag-ugat sa Cagayan de Oro, ay nagsabi na alam niyang Ateneo ang tamang paaralan para sa kanya, na ang desisyon ay pinagtibay matapos makipag-usap kay Baldwin.

Sinabi ng 17-year old guard na inaabangan na ng kanyang mga magulang ang paglalaro nito sa bansa.

“Nanood ako ng ilang mga video tungkol sa mga laro at [nakita ko] kung gaano nakaka-electrifying ang crowd. It’s gonna be exciting to play in that environment.”

“Being at Ateneo will set up me for my future,” hirit pa nito.

Payag din umano si Gamber na maglaro sa youth team ng Gilas Pilipinas.RICO NAVARRO

MANILA, Philippines – Nagtapos sa ikatlong puwesto si Filipino pole vaulter EJ Obiena sa Silesia leg ng 2022 Wanda Diamond League ngayong Linggo (PH time)

Na clear ni Obiena, sariwa pa sa panalo ng bronze medal sa World Athletics Championships, ang 5.73-m sa kanyang ikalawang pagsubok na makapasok sa podium.

Hindi naman nito nagawang i-clear ang 5.83-m sa kanyang tatlong ulit na pagtatangka.

Nakuha ni Sondre Guttormsen ng Norway ang 2^nd place ng ma-clear nito ang 5.73-m sa unang pagtatangka.

Naibulsa naman ni world champion Armand Duplantis ng Sweden ang gold medal ng lundagin ang bagong meet record na 6.10-m.

Ang susunod na leg ng Diamond League ay sa Miyerkules, Agosto 10, sa Monaco.JC

MANILA, Philippines – Walang balak ang Los Angeles Lakers na pakawalan si NBA veteran superstar LeBron James kaya maaga itong kinausap ng executives ng koponan, kahit malayo pa ang expiration ng kontrata nito, para sa kanyang congract extentions.

Ayon kay Rich Paul, CEO ng Klutch Sports Group, hanggang ngayon ay wala pa naman nabubuong deal sa magkabilang panig kung lilipat ba si LeBron ng ibang koponan o mananatili sa Lakers.

Matatandaang nakipagpulong sina James at Paul sina Lakers vice president of basketball operations at general manager Rob Pelinka at maging ang bagong Lakers coach na si Darvin Ham sa ginanap na meeting sa war room ng Lakers’ practice facility na nasa El Segundo, California.

Base sa record, nasa huling taon na si James ng  kanyang kontrata na may halagang $44.5 million.

Ayon sa patakaran sa NBA,  ang 38-anyos na si LeBron ay pwede pang pumirma ng dalawang taon na kontrata.

Sa ngayon, eligible na rin si LeBron na pumirma ng dalawang bagong taon na kontrata sa halagang $97.1 million contract.JC