Pasay mayor muling nanumpa sa pagka-alkalde

Pasay mayor muling nanumpa sa pagka-alkalde

June 28, 2022 @ 6:24 PM 2 months ago


MANILA, Philippines- Sinimulan ng isang misa bago sinundan ng panunumpa sa tungkulin si Pasay City Mayor Emi Calixto-Rubiano na ginanap sa Shrine of St. Therese of the Child Jesus na matatagpuan sa Newport Boulevard, Villamor Airbase nitong Martes (Hunyo 28).

Kasama ni Calixto-Rubiano sa panunumpa sa tungkulin ay ang kanyang nakatatandang kapatid na si Representative Antonino ‘Tony’ Calixto at Vice-Mayor Waldertudes “Ding” del Rosario kabilang ang buong “Team Calixto” matapos idaos nag misa ng pasasalamat na isinagawa ni Bishop Oscar Florencio ng Military Ordinate of the Philippines.

No description available.

Si Calixto-Rubiano at ang kanyang “Team Calixto” ay sumumpa sa kanilang tungkulin kay Pasay City Regional Trial Court Branch 45 Judge Remiebel U. Mondia.

Nagwagi ng kanyang ikalawang termino bilang alkalde Si Calixto-Rubiano sa nakaraang eleksyon na ginanap nitong Mayo 9.

Pinasalamatan naman ni Calixto-Rubiano ang mga residente ng lungsod sa patuloy na pagsuporta sa “Team Calixto” at ipinangako na kanyang ipagpapatuloy ang pagbibigay ng maayos na serbisyo sa kanyang mga konstituwente.

No description available.

Dagdag pa ni Calixto-Rubiano na mas lalo pang pag-iibayuhin ng kanyang administrasyon ang pagbibigay ng serbisyo sa programang HELP (H-ealth care and housing, E-ducation, economic growth and environment; L-ivelihood and lifestyle, P-eace and order, palengke, at pamilya.

Ang mga nahalal na Team Calixto Councilors ng District 1 ay sina Mark Calixto, Grace Santos, Antonia Cuneta, Marlon Pesebre, Ambet Alvina at Ding Santos habang ang mga konsehal na nagwagi sa nakaraang eleksyon sa lungsod sa District II ay sina Joey Isidro, Wowee Manguerra, Donna Vendivel, Jen Panaligan, and Allo Arceo. James I. Catapusan