MANILA, Philippines – Tatayong legal counsel ni Senador Ronald “Bato” Dela Rosa sa imbestigasyon ng International Criminal Court (ICC) si Senador Francis Tolentino.

Ang imbestigasyon ay may kaugnayan sa madugong drug war campaign sa panahon ni dating Pangulong Rodrigo Duterte.

Matatandaan na inakusahan sina Duterte at Dela Rosa, kauna-unahang police chief ng dating Pangulo, kaugnay sa crimes against humanity dahil sa umano ay state-sponsored extrajudicial killings na may kinalaman sa drug war.

“I accept the proposal of Sen. Dela Rosa to lawyer for him,” sinabi ni Tolentino, chairperson ng Senate panel on justice and human rights, sa isang online news conference nitong Miyerkules, Marso 29.

Hindi pa nakakausap ni Tolentino si Duterte kung irerepresenta niya rin ito sa international tribunal.

“If he wants, I’m just having my papers fixed now for my proper accreditation if that will come to that point,” sinabi ng senador.

Kamakailan ay ibinasura ng ICC appeals chamber ang hiling ng Pilipinas na suspendihin ang imbestigasyon kaugnay sa madugong war on drugs ng Duterte administration na ayon sa ulat, ay kumitil ng 6,200 indibidwal.

Nilinaw naman ni Tolentino na magsisilbi siyang legal counsel ni Dela Rosa maging sa labas ng ICC.

“My role would be to ensure the protection of Sen. Dela Rosa, not just within the confines of the ICC. Because we’re claiming that they do not have jurisdiction, but even locally,” aniya.

Nang tanungin kung ano ang legal advice niya ngayon kay Dela Rosa, sagot ni Tolentino:

“Stay put and if there is an administrative or quasi judicial body seeking documents or asking for his testimony, we will submit. It’s in the Philippines. The investigation should be done here. Not in the Netherlands.”

Sa ilalim ng Code of Conduct at Ethical Standards for Public Officials and Employees, sinasabi nito na ang incumbent public officials at empleyado “shall not engage in private practice of their profession unless authorized by the Constitution or law, provided, that such practice will not conflict or tend to conflict with their official functions.”

Sa kabila nito, hihiling si Tolentino sa Senate President na bigyan siya ng exemption.

Sinasabi naman sa batas ng ICC na “experienced lawyers who wish to represent defendants or victims as counsel before the Court must be admitted to the List of Counsel.”

Sa Pilipinas, tanging si dating presidential spokesperson Harry Roque lamang ang kasama sa listahan ng international tribunal counsel. RNT/JGC

MANILA, Philippines – Pinangunahan ni Pangulong Ferdinand R. Marcos Jr. ang paglulunsad ng Philippine Multi-sectoral Nutrition Project (PMNP) na may temang “Better Bodies and Minds.”

Sa naging talumpati sa nasabing event sa Manila Hotel, sinabi ni Pangulong Marcos na committed ang kanyang administrasyon na mamuhunan sa 110-million strong population ng bansa, kinokonsiderang “main drivers” ng ekonomiya.

Binigyang-diin ni Pangulong Marcos na kailangang hasain ng gobyerno ang mga mamamayan para maging masipag at produktibo, malakas, matatag, matiisin sa kahirapan upang mabuhay ng matagal at i-enjoy ang buhay.

“This is the reason why this Administration has put a high priority and considered it of strategic importance that lies in the areas of food security, health care, and education, amongst others,” ayon sa Pangulo sabay-sabing ito ang dahilan kung bakit kinuha niya ang posisyon bilang Kalihim ng Department of Agriculture upang tugunan ang pangunahing hamon.

“Sometimes we do not think about it and therefore do not often realize it, but lodged at the very core of all this is the aspect of good nutrition for our people. On the one hand, we have acknowledged the harrowing state of affairs that hunger and food inadequacy continue to be of paramount national, and for that matter, international concerns,” ayon sa Punong Ehekutibo.

Ang PMNP, isang four-year project, pinangunahan ng Department of Health (DOH) at Department of Social Welfare and Development (DSWD), ay nakatuon tungo sa pag-adopt ng bold multi-sectoral approach para makamit ang nutrition-specific at nutrition-sensitive interventions sa iba’t ibang local government units (LGUs).

Tinukoy ang kamakailan lamang na Expanded National Nutrition Survey (ENNS), na binigyang diin ang mataas na insidente ng pagkabansot sa hanay ng health issues sa mga kabataang Filipino, sinabi ng Pangulo na dapat talakayin ng pamahalaan ang malnutrisyon.

Ang panganib nito ayon sa Pangulo ay malaking epekto sa learning ability, academic performance, productivity at employment opportunities sa mga tao at may bitbit din itong hereditary implications.

“Like the problem of food security, these related nutritional issues are also critical and fundamental to the Philippine socio-economic development,” ayon sa Pangulo.

Aniya, ang major nutrition project ay ang “strategic government intervention, adopting a multi-sectoral community participatory approach”.

Ang inisyatiba nang pinagsama-samang ahensya ng DOH, DSWD, DA, National Nutrition Council, Department of Science and Technology-Food and Nutrition Research Institute (DOST-FNRI), at maging ang LGUs mula Luzon patungo sa Bangsamoro Autonomous Region in Muslim Mindanao (BARMM), ay mahalaga dahil ang naturang approach ay nakitang effective method para sa multifaceted problem.

Kinilala rin ng Pangulo ang World Bank para sa pagbibigay ng mahalagang funding assistance upang gawing reyalidad ang proyekto.

Tinukoy ang international financial institution, sinabi ng Pangulo na ang mamumuhunan sa nutrisyon ay may pangako ng highest returns at ginagawa itong “one of the best value-for-money development actions.”

“The project would deliver services straight to the LGUs needing intervention, in the form of primary healthcare support and nutrition services, including Early Childhood Care and Development services, on top of access to clean water and sanitation, technical information, training and financing, among other facets,” aniya pa rin.

Sa kabilang dako, binigyang-diin ng Pangulo ang kahalagahan ng partisipasyon ng LGU para maisakatuparan ang proyekto ng walang partnership sa local governments, “we do not get to what is often referred to as the last mile.”

Upang kagyat na matugunan ang malnutrisyon sa bansa, muling tinawagan ng pansin ng Pangulo ang DOH makipag-collaborate sa ibang government agencies pagdating sa “harmonizing and effecting sound diet and nutritional policies and practices for the people.”

“The government must continue to exert the best efforts to ensure well-orchestrated and coordinated strategy to implement not only the PMNP but all related nutritional programs throughout the country, so as to be able to get a maximum effect for all government efforts,” ayon sa Chief Executive.

Samantala, pinasalamatan naman ng Pangulo ang mga mamambabatas para sa tulong ng mga ito sa nutrition project sa pamamagitan ng pagtulong sa administrasyon na i-develop at ilagay sa law policies na makatutulong na lipulin ang malnutrisyon at ingat ang antas ng primary health care at nutrisyon sa Pilipinas.

“As the country continues to face persistent threats of hunger and malnutrition, rest assured that this Administration is working conscientiously to find effective and cross-cutting solutions to address these and other paramount social problems and concerns,” ayon kay Pangulong Marcos. Kris Jose

MANILA, Philippines – Malugod na tinanggap ng Philippine National Police (PNP) ang desisyon ng Quezon City People’s Law Enforcement Board (PLEB) na sibakin sa serbisyo si Col. Mark Julio Abong at suspendihin ang tatlo iba pang pulis dahil sa pagkamatay ng isang tricycle driver sa insidente ng hit-and-run noong Agosto 2022.

Ani PNP chief, Gen. Rodolfo Azurin Jr., naninindigan ang PNP sa prinsipyo nitong wala silang palalampasin sa mga tauhan nitong makagagawa ng krimen at lalabag sa batas.

“As always, the PNP has been actively implementing internal cleansing programs to continuously cleanse its ranks of misfits. We support the ongoing proceedings in relation to this case and will respect whatever decision the appropriate disciplinary body will come up with until it reaches finality while also affording due process to those involved,” pahayag ni Azurin nitong Miyerkules, Marso 29.

Aniya, nakatuon ang PNP sa zero tolerance ng mga pang-aabuso ng miyembro nito.

Matatandaan na inilabas ng QC PLEB ang desisyon nito noong Marso 21 sa nangyaring hit-and-run incident sa Anonas Road, QC noong Agosto 6, 2022 na kumitil sa buhay ng tricycle driver na si Joel Laroa.

Sa 19-pahinang desisyon, inalis ng PLEB si Abong sa serbisyo at pinatawan ng anim na buwang suspensyon sina Col. Alexander Barredo, Cpl. Joan Vicente, at Senior M/Sgt. Jose Soriano. RNT/JGC

MANILA, Philippines – Higit 300 kilo ng shabu ang nakuha mula sa 500 piraso ng tea bags na may marka ng Chinese characters, sa isang warehouse na nirerentahan ng isang Chinese national sa
Purok 4, Irisan nitong Miyerkules, Marso 29.

Naaresto naman ang Chinese national na si Hui Ming, alyas “Tan”, nang ni-raid ng mga tauhan mula sa Regional Drug Enforcement Unit (RDEU) ng Cordillera police at Philippine Drug Enforcement Agency (PDEA) ang naturang warehouse.

Nakuha mula sa suspek ang shabu na nagkakahalaga ng P2 bilyon.

Ito na ang maituturing na pinakamalaking halaga ng shabu na nakuha sa hilagang Luzon mula pa sa mga nakalipas na taon.

Hinihintay pa ang kasong isasampa kay Ming pagkatapos ng imbentaryo ng mga nakumpiskang shabu. RNT/JGC

MANILA, Philippines – Agad na namahagi ng tulong si Senador Christopher “Bong” Go sa mga residenteng naapektuhan ng oil spill sa Oriental Mindoro.

Nagpahayag ng matinding pagkabahala si Sen. Go sa mga komunidad na nalalagay sa peligro ng oil spill.

“My heart goes out to the residents of Oriental Mindoro and nearby areas who are facing the effects of this oil spill,” ani Go.

“Gagawin po natin ang lahat ng ating makakaya upang makatulong sa kanila,” dagdag ng senador.

Nauna rito, hinimok ni Go ang mga kinauukulan na gumawa ng agarang aksyon upang matugunan ang insidente ng oil spill sa pagtaob ng MT Princess Empress na nagdulot ng napakalaking pinsala sa mga apektadong komunidad.

Hinikayat din ni Go ang may-ari ng barko na akuin ang buong responsibilidad sa insidente.

Ang MT Princess Empress, na may kargang 900,000 litro ng industrial fuel ay lumubog sa karagatan sa bayan ng Naujan, Oriental Mindoro noong Pebrero 28.

Ginanap sa Brgy. Ang Zone 1 covered court sa Barangay Wawa covered court, Pinamalayan, namahagi ng tulong gaya ng makakain ang grupo ni Go sa 500 residente. Bukod dito, ang mga piling benepisyaryo ay binigyan ng cellphone, sapatos, at bola para sa basketball.

Nagbigay naman ang Department of Social Welfare and Development ng hiwalay na tulong pinansyal sa mga apektadong residente.

Sa gitna ng epekto sa kalusugan ng oil spill, binigyang-diin ni Go ang kahalagahan ng pagbibigay ng pangunahing serbisyong medikal sa mga komunidad na nangangailangan.

Nagsagawa rin ng relief operation ang grupo ni Go sa mga biktima ng oil spill sa Gloria, Oriental Mindoro, isang araw matapos ang aktibidad sa Pinamalayan.

Namahagi ang team ni Go ng food packs sa 500 apektadong residente sa Gloria municipal covered court.

Nitong Lunes, personal na bumisita at nagkaloob ng tulong si Senator Go sa mga residenteng naapektuhan ng oil spill sa bayan ng Pola.

Ang napapanahong interbensyon ni Go ay isang malaking kaluwagan para sa mga apektadong residente na nahihirapan sa idinulot ng oil spill.

Kilala sa walang humpay na pagsisikap na magbigay ng tulong sa mga nangangailangan, hindi nag-aaksaya ng panahon si Sen. Go sa pagtugon sa krisis.

Habang ang kanyang koponan ay patuloy sa aktibidad na pagtulong sa mga apektadong bayan ng oil spill, muling iginiit ni Go ang isang komprehensibong plano na hindi lamang tutugon sa mga kagyat na problema.

Nais niyang tiyakin ang pangmatagalang pagrekober ng mga apektadong komunidad. RNT