Pastillas 2: Bagong modus ng BI sa outbound human trafficking, ibinulgar ni Hontiveros
November 29, 2022 @ 6:14 PM
2 months ago
Views: 253
Shyr Abarentos2022-11-29T17:56:49+08:00
MANILA, Philippines- Panibagong modus operandi sa papaalis na human trafficking victims patungong Myanmar ang ibinulgar ni Senador Risa Hontiveros na itinuturing nitong Pastillas Part 2 dahil sangkot na naman ang ilang matataas na opisyal ng Bureau of Immigration at airport terminal personnel.
Sa pahayag, sinabi ni Hontiveros na natuklasan sa pagdinig ng Senate Committee on Women, Children, Family Relations, and Gender Equality na may kumakalap ng tauhan para sa telemarketing company sa Mae Sot, Thailand ngunit bigla silang nasasadlak sa crypto-scamming job sa Myanmar.
Ipinaliwanag ni Paulo, isa sa biktima ng human trafficking sa Myanmar, na pinagsabihan siya ng kanyang recruiter, isang nagngangalang Laisa Magallanes na mayroong “escort” na tutulong sa kanya sa immigration upang mapadali ang kanyang pag-alis mula sa Pilipinas. Sinabihan din siya na P30,000 ang ibabawas sa kanyang sahod para sa naturang serbisyo.
“Kahit hindi dumadaan ng immigration counter, natatakan ang passport ni Paulo ng official exit stamp ng BI. May umasikaso sa kanya sa airport, hindi siya pinapila sa immigration, at binigyan siya ng pekeng ID ng WHSmith, isang tindahan sa NAIA Terminal 3, para magpanggap siyang empleyado. Biglang natakot si Paulo sa prosesong pinapatahak sa kanya, kaya’t sinabihan niya ang recruiter na di na siya tutuloy,” paliwanag ni Hontiveros.
“Para itong pastillas part 2, pero mas malala at mas mapusok. May kinalaman din ba ang mga airport security o personnel? Nasa bulsa at kakuntsaba ba ng mga BI o airport officials ang mga illegal recruiter? Ang sakit na napapahamak ang napakaraming Pilipino sa ibang bansa dahil sa kapwa nating Pilipino na nananamantala dahil sa pansariling interes,” dagdag ng senador.
Noong nakaraang linggo, nagbigay ng privileged speech si Hontiveros, awtor ng Expanded Anti-Trafficking in Persons Act of 2022, hinggil sa sinapit na isang alyas Rita at 11 OFWs na pinangakuan ng trabaho sa Thailand pero ipinuslit sa Myanmar saka naging crypto scammers ng isang Chinese syndicate na nakabase sa Shwe Kokko, isang bayan sa Kayin State ng Myanmar.
Sinabi ni Hontiveros na hindi katanggap-tanggap ang ganitong pangyayari dahil kahit kakatapos lamang ng pagdinig ng Senado sa human trafficking– mula sa Pastillas scam hanggang sa menor-de-edad na ipinupuslit sa Syria – ilang tiwaling indibidwal ang patuloy na gumagawa ng krimen.
“Bakit kaya ang lakas ng loob ng mga illegal recruiter at ng mga tila kasabwat na immigration o airport officials? May protektor ba sila? Kasama pa ba dito ang original pastillas gang? I want to know if these are the same players or if this is a new syndicate with a new game. Bakit wala silang kadala-dala?” giit ni Hontiveros.
“Unfortunately, many Filipinos go through this illegal process, no matter how dubious, because of desperation. Sa hirap ng buhay sa Pilipinas at sa patuloy na pagtaas ng mga bilihin habang walang pag-usad ang sweldo ng mga manggagawa, hindi sila masisisi kung pinili nilang dumaan sa butas ng karayom para lang may maibigay sa kani-kanilang pamilya. This is also a challenge for us in government not only to clean up our immigration system, but also to urgently provide adequate and dignified jobs and livelihood for every Filipino,” patapos ni Hontiveros. Ernie Reyes
February 2, 2023 @7:56 PM
Views: 15
Bulacan – Arestado ang isang 51 anyos na binatang welder na may kasong statutory rape sa operasyon ng pulisya sa bayan ng Bocaue.
Kinilala ni Bulacan Police director P/Col. Relly Arnedo, ang akusado na si Oliver Valerio Sr, alyas Ver, residente ng Brgy. Bambang.
Sa report Bocaue police, naaresto si Ver bandang 12:10 ng tanghali nitong Pebrero 1 sa Brgy. Poblacion sa bisa ng warrant of arrest sa kasong statutory rape na inisyu ni Hon. Ma. Cristina Laderas, Presiding Judge ng Regional Trial Court Third Judicial Region, Branch 85, Malolos noong Enero 11, taong kasalukuyan na walang inirekomendang piyansa.
Sinasabing ipinaalam ng mga awtoridad na humuli sa akusado ang kanyang constitutional rights at dumaan sa medical examination. Dick Mirasol III
February 2, 2023 @7:43 PM
Views: 17
MANILA, Philippines – Upang maabot ang serbisyong pangkalusugan sa komunidad ay namahagi ang Department of Health (DOH) -Ilocos Region ng pitong ambulansya sa probinsya ng Ilocos Norte na ipapamahagi naman sa local government units o LGUs.
Sa turnover ceremony sa Governor Roque B. Ablan Sr. Memorial Hospital sa Laoag City, Ilocos Norte, sinabi ni Regional Director Paula Paz M. Sydiongco ang mga ambulansya na ito ay magtataas din sa “functionality” ng local government hospitals.
“Pangalagaan ninyo ang mga ambulansyang ito upang magamit ninyo ng mahabang panahon. Give them proper care and maintenance and also ensure that they are utilized in accordance with the definition and standards provided by the health department.”
Ang mga ambulansya ay fully equipped ng folding stretcher, nebulizer, portable suction machine, defibrillator, portable suction machine, examining light, aneroid sphygmomanometer, scoop stretcher, stethoscopes, non-contact thermometer, blood-glucose meter na may strip, resuscitators para sa bata at nakatatanda; oxygen theraphy set; laryngoscopes set; immobilization devices, delivery set at patient transfer monitor.
Nangako naman si Ilocos Governor Matthew Joseph M. Manotoc, na siyang tumanggap sa mga units, para sa mas maraming benepisyo sa pangangalagang panfgkalusugan para sa health workers at higit pang pagpapahusay ng mga pasilidad sa healthcare facilities. Jocelyn Tabangcura-Domenden
February 2, 2023 @7:30 PM
Views: 18
MANILA, Philippines – Patuloy ang search and rescue (SAR) operation ng Philippine Coast Guard (PCG) sa isang engine cadet na nahulog mula sa motor vessel habang naglalayag mula Zamboanga City patungong Maynila.
Nangyari ang insidente sa karagatan bahagi ng Calatagan, Batangas noong Enero 28.
Kinilala ang biktima na si Marnel Vincent Balaba, 22, residente ng Misamis Occidental at nagtatrabaho bilang engine cadet sa MV ALESON CON CARRIER 14.
Enero 29 nang ilunsad ng PCG Sub-Station Calatagan and BRP Bagacay (MRRV-4410) ang SAR operation.
Gayunman, dahil sa masamang panahon, itinigil ang paghahanap.
Muling ipinagpatuloy ang SAR noong Enero 30 ngunit negatibo ang resulta.
Nagsagawa na rin ng aerial search ang Coast Guard Aviation Force pero hindi pa rin makita ang biktima.
Pinayuhan ng PCG Sub-Station Calatagan ang mga barangay officials at mga residente sa lugar na ipagbigay alam sa malapit na coast guard unit sakaling mamataan ang biktima upang mabigyan ng agarang tulong. Jocelyn Tabangcura-Domenden
February 2, 2023 @7:17 PM
Views: 19
MANILA, Philippines – Lumagda ang Philippine Coast Guard (PCG) at Commission on Higher Education(CHED) ng Memorandum of Agreement (MOA) sa monitoring shipboard training para sa mga maritime students.
Pinangunahan nina PCG Commandant, CG Admiral Artemio Abu, at CHED Chairman, Prof Popoy De Vera III, ang signing ceremony.
Sa ilalim ng naturang kasunduan, bubuo ang CHED ng database ng mga mag-aaral na iniulat ng Maritime Higher Education Institutions (MHEIs) para makasakay sa mga domestic ship para sa pagsasanay.
Kukuha rin ng datos ang CHED regional office para sa wastong pagsubaybay sa mga mag-aaral na sakay ng mga domestic ship na sumasailalim sa pagsasanay.
Ang PCG naman ay magsasagawa ng mga panayam sa mga kadete at Shipboard Training Officer (STO) upang maberipika kung ang mga kadete ay tumatanggap ng wastong pagsasanay.
Dapat ding suriin ng PCG kung ang mga barkong may sakay na mga kadete ay may mga iskedyul ng pagsasanay at ginagamit lamang ang mga kadete para sa mga gawain sa barko na mayt kaugnayan sa layunin ng onboard training program.
Higit pa rito, dapat ding i-validate ang aktwal na bilang ng mga kadete na nakasakay sa barko batay sa pinayagang bilang ng mga deck at engine cadets gaya ng itinatadhana sa mga kaukulang regulasyon ng Maritime Industry Authority (MARINA).
Dapat ding tiyakin ng PCG na tanging mga kadete lamang na present on board ay makikita sa opisyal na listahan ng mga tripulante upang malaman ang ilang mga kasanayan kung saan ang ilang mga kadete ay naglilingkod sa kanilang mga shore-based offices sa halip na maglingkod on board.
Gayundin, dapat iulat ng PCG ang kanilang mga natuklasan sa CHED upang matiyak na ang lahat ng maritime students ay makakatanggap ng wastong pagsasanay sa barko bilang bahagi ng kanilang educational curriculum. Jocelyn Tabangcura-Domenden
February 2, 2023 @7:04 PM
Views: 18
MANILA, Philippines – Inaasahang magsisimula na sa Disyembre 2026 ang operasyon ng New Centennial Water Source – Kaliwa Dam Project (NCWS-KDP) na magbibigay ng 600 milyon litro ng tubig kada araw.
Ayon kay Metropolitan Waterworks and Sewerage System (MWSS) administrator Leonor Cleofas, nagsimula na ang tunnel boring mula sa Teresa patungong Morong, sa probinsya ng Rizal na may habang 22 kilometro.
Sinabi pa ni Cleofas na ang 42 pamilya na maaapektuhan ng konstruksyon ng tunnel ng Kadiwa Dam ay aalalayan ng pamahalaan.
Idinagdag pa niya na nakadagdag sa pagkaantala ng konstruksyon ng proyekto ang peace and order situation sa lugar na agad naman nang natugunan ng National Task Force to End Local Communist Armed Conflict (NTF-ELCAC) at Philippine National Police Special Action Force (PNP-SAF).
“Many studies have shown that the Kaliwa Dam is a viable option for preventing water shortage problems in the medium to long term,” sinabi naman ni MWSS chairman of the Board of Trustees Justice Elpidio Vega.
Inalala niya ang naranasang water shortages sa Metro Manila noong 2019. RNT/JGC
