PBBM housing program, win-win para sa mga property owners, ISFs

PBBM housing program, win-win para sa mga property owners, ISFs

January 19, 2023 @ 9:47 AM 2 weeks ago


MANILA, Philippines – INILARAWAN ni Department of Human Settlements and Urban Development (DHSUD) Secretary Jose Rizalino Acuzar ang Pambansang Pabahay para sa Pilipino Program ng administrasyong Marcos para sa mga urban area bilang “advantageous” kapuwa sa real estate owners at informal settler families (ISF) na kasalukuyang nakatira sa private properties.

Ito’y alinsunod sa prayoritisasyon ng in-city settlements sa ilalim ng Pambansang Pabahay (National Housing) program ng administrasyong Marcos.

Sa isang panayam, sinabi ni Acuzar na pangunahing nakatuon ang pansin ng Pambansang Pabahay sa pag-develop ng lupain para sa human settlements malapit sa pinagkukuhanan ng ikinabubuhay ng mga target beneficiary.

Karamihan sa mga lupain na ito ay matatagpuan sa metropolis o sa sentro ng urban areas – ang ilan ay pag-aari ng private citizens – kung saan tuloy-tuloy ang pagtira at pag-unlad ng ISFs.

“For a long time, we are not able to provide proper shelters to ISFs living in private properties, especially in urban areas. At the same time, the owners of these lands do not have the opportunity to develop their properties for optimum advantage. With the ‘Pambansang Pabahay’, we can offer to achieve both with appropriate planning,” ayon kay Acuzar, sabay sabing ‘win-win’ situation ito.

Sa ilalim ng Pambansang Pabahay flagship program, layon ng gobyerno na makapagtayo ng isang milyong housing units kada taon hanggang 2028 para tugunan ang pangangailangan na pabahay ng bansa.

Gaya ng isa sa initial strategies, ginagamit ng DHSUD ang available lands para sa housing development sa buong bansa kabilang ang government idle lands, kasama ang local government units.

“I am calling on all private owners of lands in the cities that can be used for government housing development to coordinate with DHSUD so that we can make use of these properties for human settlements and urban development. Allow us to explore prospects which can be mutually beneficial to all parties involved,” ayon kay Acuzar.

Nauna rito, sinabi ni Pangulong Marcos na magpapalabas sya ng executive order para gamitin sa government idle lands para sa housing development para suportahan ang programa.

Maliban sa pagtatayo ng housing units, pino-promote rin ng Pambansang Pabahay ang township development para magbigay sa housing communities ng easy access sa “sources of income and other services” na kakailangin ng mga home dwellers sa pang-araw-araw nilang pamumuhay.

“Through this, we can ensure sustainable economic activities to continuously improve the living conditions of homeowners, and even extend this to nearby communities,”ayon kay Acuzar.

Samantala, binalaan naman ni Acuzar ang publiko at iba pang stakeholders na makipag-transaksyon lamang sa departamento, key shelter agencies nito at local government kaugnay sa housing program.

“We encourage everyone, including interested real property owners, to directly come to us for any queries on the program,” ayon pa kay Acuzar. Kris Jose