PBBM sa Senado: Maharlika fund bill suriing mabuti
January 24, 2023 @ 10:07 AM
1 week ago
Views: 140
Remate Online2023-01-24T10:07:48+08:00
MANILA, Philippines – Hiniling ni Pangulong Ferdinand Marcos Jr. sa Senado na suriing mabuti ang panukala ng administrasyon na sovereign wealth fund o mas kilala bilang Maharlika Investment Fund (MIF) bill.
Sinabi ng Pangulo na ang panukalang batas ay “well thought-out rather than hastily passed.”
“Ang message ko sa Senado suriin ninyo nang mabuti para magandang-maganda ‘yung batas natin. Suriin niyo nang mabuti,” ani Pangulong Marcos.
Mas maganda aniya na matapos ito sa lalong madaling panahon subalit hindi naman dapat madaliin dahil napakaimportante aniya ang bawat salitang ilalagay sa nasabing batas.
“Ako sa akin, mas importante na maging tama kaysa maging mabilis. So kailangan gawin nating tama. Kahit na – lahat naman masyadong matagal eh. Pero basta’t makuha – we have to get it right. We cannot make that – getting it wrong would be a very poor – would be a very bad mistake,” dagdag na wika pa ng Pangulo.
Sa ulat, aprubado na sa ikatlo at huling pagbasa ng Kamara noong Disyembre 15 ang Maharlika Investment Fund (MIF) bill.
Nakatanggap ang House Bill 6608 o panukalang magtatatag ng isang sovereign wealth fund ang bansa, ng 279 yes votes, anim na no votes at zero abstentions.
Matatandaan na sinertipikahan ni Pangulong Marcos ang naturang panukala bilang urgent kung kaya’t naipasa ang ikalawa at ikatlong pagbasa sa magkaparehong araw.
Binasa ang kanyang mensahe kasabay ng plenary session ng Kamara ilang sandali lamang makalipas aprubahan ang panukala sa ikalawang pagbasa sa pamamagitan ng voice vote.
Nauna nang nagpahayag ng pag-asa si Marcos na makatutulong sa bansa ang Maharlika sovereign wealth fund.
Layon ng MIF bill na gamitin ang investible funds mula sa state-run financial institutions upang palaguin pa ang kita ng bansa.
Kabilang sa mga magpopondo para rito ang LandBank of the Philippines sa P50 bilyon, Development Bank of the Philippines sa P25 bilyon at ang mga kita o dibidendo mula sa Bangko Sentral ng Pilipinas.
“We view the proposed Maharlika Investment Fund Act as an effective vehicle to execute and sustain high-impact infrastructure projects, urban and rural development, agricultural support, and other programs that would generate more income and economic activity in the country,” pahayag ng co-author ng MIF bill na si Speaker Martin Romualdez makaraang maaprubahan ang panukala.
“By gaining financial independence from global economic factors such as inflation and economic regression, we will build a business climate that will attract more companies to invest in the country, generate jobs, support agricultural modernization, sustain social welfare programs, and achieve economic transformation,” dagdag pa niya. Kris Jose
February 3, 2023 @2:47 PM
Views: 5
MANILA, Philippines – Isang 52-anyos na ginang ang mahaharap sa paglabag sa kasong kriminal matapos na magpalabas ang korte ng arrest warrant laban dito, sa lungsod ng Cabanatuan, Nueva Ecija.
Sa report na nakalap mula sa Nueva Ecija Police Provincial Office (NEPPO), kinilala ng pulisya ang arestadong suspek na si
Dolly Mariado y Villante, may asawa, residente ng Barangay Minabuyok, Talavera, Nueva Ecija.
Ayon sa ulat ng Talavera police station, kay Nueva Ecija director, P/Col. Richard Caballero, ganap na 8:40 ng umaga, nitong Huwebes, Pebrero 2 nang arestuhin ang sinasabing suspek ng pinagsanib na operatiba ng Warrant at Intelligence Section ng Talavera police station, katuwang ang 2nd Provincial Mobile Force Company (PMFC) at 303rd Memorandum Circular – Regional Mobile Force Battalion 3 (MC-RMFB3).
Si Mariado ay tuluyan nang nahulog sa batas matapos na ikasa ang manhunt charlie operation, sa Barangay Pag-asa, Talavera, Nueva Ecija sa bisa pa rin ng warrant of arrest na inilabas ng korte noong Enero 30 sa MTCC, Branch 2, Cabanatuan City, Nueva Ecija, sa paglabag di-umano sa BP 22 (3 Counts) (An Act Penalizing the making or drawing and Issuance of a Check) o (Bouncing Checks Law) na may criminal cases number 99288 hanggang 99290.
Napag-alaman din sa report, na ang suspek ay nakatala at kasama sa mga Most Wanted Person at nasa Rank Number 10 ng Municipal Level nang nabatid na pulisya.
Natanggap umano ng Talavera police ang sinasabing warrant noong
Enero 31, 2023 at may piyansa na halagang P18, 000.
Pansamantala, ang suspek ay nasa kustodiya ng Talavera Municipal Police Station. Elsa Navallo
February 3, 2023 @2:46 PM
Views: 8
MANILA, Philippines – Mapipilitang maghanap ng ibang katunggali ang dating world champion na si Nonito Donaire Jr. matapos umatras sa negosasyon ang sana ay makakalaban niyang si Jason Moloney.
Nakatakda sanang magsagupa ang dalawa para sa vacant WBC bantamweight crown na binitiwan kamakailan lang ni Naoya Inoue upang umakyat sa super bantamweight class.
Pero ayon kay WBC president Mauricio Sulaiman, wala nang interes si Moloney na habulin pa ang bantamweight title.
“The WBC has received confirmation from Top Rank that [Moloney] will not be fighting for the WBC bantamweight title,” ani Sulaiman sa ulat ng Boxingscene.
“With this letter the process of [Moloney] vs Donaire is hereby cancelled.”
Wala naman aniyang problema ito para kay Donaire na prino-promote ng Probellum.
“The good news is that Nonito Donaire is a warrior who is willing to face anyone,” ani Richard Schaefer ng Probellum. “Our stance was always the same — Nonito Donaire was going to challenge for the WBC bantamweight title.”
“We wish [Moloney] the best of luck,” ayon naman kay Sulaiman. “The WBC will be announcing future steps towards the fight for such vacant title.”JC
February 3, 2023 @2:44 PM
Views: 5
MANILA, Philippines – Nahigitan pa ng Bureau of Customs ang target na kita nito ngayong Enero ng hanggang 11.79% o P7.415 bilyon.
Batay sa preliminary report na inilabas nitong Biyernes, Pebrero 3, nakakolekta ang BOC ng kabuuang P70.327 bilyon nitong nakaraang buwan, sobra sa target revenue na P62.911 bilyon.
Mas mataas din ng 20.53% o P11.98 bilyon ang nakolekta sa kaparehong panahon noong 2022 sa P58.346 bilyon.
Nakapag-ulat naman ang BOC nitong Enero ng 36 na operasyon sa iba’t ibang pantalan at paliparan.
Katumbas ito ng nasa P908.137 milyon na halaga ng mga nasabat na iba’t ibang produkto na lumabag sa Republic Act 10863 o ang Customs Modernization and Tariff Act (CMTA).
Kabilang sa mga ito ay ang nasa P794.463 milyon halaga ng smuggled agricultural products at P104.833 milyon halaga ng illegal na droga.
Sa ilalim ng pamumuno ni Commissioner Yogi Filemon Ruiz, nananatiling positibo ang ginagawa ng ahensya upang maproteksyunan ang bansa laban sa mga smuggled na produkto.
Ipagpapatuloy rin nito ang modernisasyon at reporma sa polisiya upang maiwasan ang fraud at korapsyon sa ahensya. RNT/JGC
February 3, 2023 @2:43 PM
Views: 9
MANILA, Philippines — Naitala ni Pole vaulter EJ Obiena ang isa pang season best at napantayan ang Philippine indoor record patungo sa bronze medal finish sa Mondo Classic 2023 sa Uppsala, Sweden noong Huwebes (maagang Biyernes ng umaga, oras ng Maynila).
Si Obiena, ngayon ay three for three sa podium finishes para simulan ang indoor season, ay nakakuha ng 5.91m sa kanyang huling pagtatangka na makuha ang ikatlong puwesto sa likod ng home bet at world record holder na si Mondo Duplantis at ang KC Lightfoot ng Estados Unidos.
Na-reset ni Duplantis ang meet record na may 6.10m clearance para sa ginto. Samantala, si Lightfoot ay nakakuha din ng 5.91m ngunit nangangailangan ng mas kaunting mga pagtatangka kaysa kay Obiena para makamit siya ng pilak.
Tinangka ni Obiena na lumampas sa 6m sa mga pagsubok sa 6m at 6.05m ngunit hindi siya nagtagumpay.
Gayunpaman, ang 27-taong-gulang ay tumugma sa kanyang pagganap sa pambansang rekord, na itinakda niya sa Perche Elite Tour sa France noong nakaraang taon.
Si Duplantis, sa kanyang bahagi, ay sinubukang basagin ang kanyang sariling world indoor record na 6.20m sa mga pagsubok sa 6.22m sa meet ngunit hindi ito nalampasan.
Ang iba pang mga pole vaulter na lumahok sa kompetisyon ay sina Thiago Braz ng Brazil at Sam Kendricks ng US.
Si Obiena ay mayroon na ngayong isang ginto, isang pilak at isang tansong medalya sa kanyang unang tatlong pagkikita sa 2023 indoor season.JC
February 3, 2023 @2:39 PM
Views: 8
INDIANAPOLIS — Kumamada si LeBron James ng 26 puntos, pitong rebounds, at pitong assist para makalapit ng 63 puntos para maging career scoring champ ng NBA nang mag-rally ang Los Angeles Lakers para talunin ang Indiana Pacers 112-111 ngayon Huwebes ng gabi (Biyernes, oras ng Manila).
Ibinigay ni James sa Los Angeles ang unang kalamangan nito sa isang 3-pointer sa 2:35 ang natitira sa laro, at ang 11-footer ni Anthony Davis sa 35.1 segundo ang natitira para sa decisive basket.
Nagtapos si Davis na may 31 puntos at 14 rebounds.
Umiskor si Aaron Nesmith ng career-high na 24 puntos, nagdagdag ng 26 puntos at 12 assists ang pasok na All-Star na si Tyrese Haliburton sa kanyang unang laro sa loob ng tatlong linggo habang si Myles Turner ay may 20 puntos at 13 rebounds matapos pumirma ng dalawang taong extension ng kontrata noong Lunes.
Noong Huwebes, si James ang naging pangalawang manlalaro sa kasaysayan ng liga na nangunguna sa 38,300 puntos at umalis sa bayan na may 38,325.
Si Kareem Abdul-Jabbar ang may hawak ng scoring record ng NBA na may 38,387 puntos.JC
