MANILA, Philippines- Hiniling ni Senador Raffy Tulfo sa pambansang pamahalaan at iba pang kinauukulang ahensiya na maghanda kaagada ng contingency plan para sa Overseas Filipino Workers (OFWs) sakaling tumindi ang sigalot sa Peoples Republic of China at Taiwan.

Sa pahayag, sinabi ni Tulfo, lider ng Senate Committee on Migrant Workers, na dapat kumilos kaagad ang Overseas Workers Welfare Administration (OWWA), Philippine Overseas Labor & Office (POLO) at Department of Foreign Affairs (DFA) sa paglikha ng coordinated plan upang matiyak ang kaligtasan ang manggagawang Filipino sa Taiwan at katabing bansa.

“The tension between China and Taiwan is not something to be taken lightly. Dapat ngayon pa lamang ay gumagawa na ng contingency plan ang DFA, OWWA, at POLO in the event na lumala ang problemang ito. This is the perfect time for government agencies to show their united force by working together for the safety and security of our workers abroad,” aniya.

Umabot sa 200,000 ang OFWs sa Taiwan.

“In my experience of helping OFWs in the past two decades, the government agencies, oftentimes, were very reactive instead of proactive. Kapag nandiyan na ang gulo at problema, yung tipong na-stuck na ang OFWs sa ibang bansa, wala ng pera at makain, tsaka lamang sila kikilos. Hindi dapat ganoon!

“Ngayon pa lamang, dapat kumilos na tayo at ‘wag nang antaying lumala pa ang sitwasyon bago tayo umaksyon. We should be ready to evacuate OFWs in the event that the current situation escalates into a war,” giit niya.

Base sa media reports, nagsagawa ang China ang large-scale military drill sa anim na malalawak na lugar sa Taiwan Strait matapos bumisita si United States House Speaker Nancy Pelosi nitong August 2.

Inihayagmng Taiwanese government na dumaan ang mga Chinese fighter jets sa median lines sa Strait sa kabila ng matitibay na pagkondena ng United States, Japan at European Union.

Sa paghahanda ng contingency plan, sinabi ni Tulfo na dapat ikonsidera ng kinauukulang ahensiya ng pamahalaan sa pakikipag-koordinasyon sa national government ang ilang salik kabilang ang kaligtasan at suportang pinansiyal sa OFWs.

“The situation for OFWs in Taiwan is fraught with too much risk and many Filipino workers are now worried about their future abroad. Una nating kailangang siguraduhin ay ang kaligtasan ng OFWs dahil napakahalaga ng buhay ng bawat isa sa kanila,” aniya.

“The national government should provide enough funding assistance to all Filipino workers to ensure that they can smoothly re-enter the country once they are evacuated,” giit pa ni Tulfo. Ernie Reyes

MANILA, Philippines- Mayroon pang 92,343 kaso ng dengue sa bansa mula Enero 1 hanggang Hulyo 23 ngayong taon.

Ayon sa Department of Health (DOH), ito ay base sa National Dengue Data hanggang nitong 2022 (MW29).

Sa kabuuan, ang mga kaso sa taong ito ay 118% na mas mataas kumpara sa mga naiulat na kaso sa parehong panahon noong 2021 (42,294).

Sa kabuuan, karamihan sa mga kaso ng dengue ay naiulat mula sa Rehiyon III (15,951, 17%) Rehiyon VII (9,429, 10%) NCR (7,962, 9%) .

Sa kamakailang panahon (Hunyo 26 hanggang Hulyo 23, 2022) kung saan 21,566 na kaso ang naitala, ang rehiyon na may pinakamataas na bilang ng mga kaso: Rehiyon III: 5,186 (24%) NCR: 2,374 (11%); CALABARZON: 2,178 (10%).

Siyam mula sa 17 rehiyon ang lumagpas sa epidemic threshold sa nagdaang apat na linggo (June 26 hanggang July 23, 2022) kasama ang MIMAROPA, at NCR na nagpapakita ng patuloy na pagtaas ng trend mula Hunyo 26 hanggang Hulyo 23, 2022.

Sa buong bansa, mayroong 344 deaths na iniulat (Case Fatality Rate=0.4%).

Noong Enero mayroong 36; February, 31; March, 39; April, 46; May,63; June, 73; at July, 56. Jocelyn Tabangcura-Domenden

MANILA, Philippines- Nagpositibo si Senator Imee Marcos sa COVID-19, ayon kay Senate President Juan Miguel Zubiri nitong Lunes.

Inilahad ng Senate chief ang impormasyong ito matapos ang roll call sa Senate session.

“Senator Imee Marcos, for the record, had written to us that she had tested positive for COVID-19,” pahayag ni Zubiri.

“[She] is asking if she should still have to go on cam because she has raging fever. Maybe she can acknowledge, just acknowledge that she is online so we can mark her as present without having to open cam,” dagdag niya. RNT/SA

MANILA, Philippines- Isang panukala na magpapatupad ng curfew sa mga minors ang inihain sa Kamara.

Layon ng House Bill 1016 o Nationwide Curfew Act na inihain ni Bagong Henerasyon party-list Rep. Bernadette Herrera na mula alas-10 ng gabi hanggang alas-5 ng umaga ay bawal nang lumabas ang mga minors o ang mga 17-anyos pababa.

Nakapaloon din dito na magiging illegal kung ang isang magulang o guardian ay papayagan ang isang minor na lumabas at papatawan din ng parusa kung hindi nila makokontrol ang paglabas ng menor-de-edad.

Sa unang offense ay dadalhin sa barangay o police station ang minor na mahuhui sa curfew habang ang kanilang magulang o guardian ay papatawan ng 48 oras na communoty service o P2,00 multa.

Sa ikalawang offense ay dadalo na sa counselling ang minor at ang magulang nito na papangasiwaan ng Barangay Council for the Protection of Children (BCPC) bukod pa sa 72 oras na community service o P3,000 multa.

Sa ikatlong offense ay ituturnover na sa Department of Social Welfare and Development (DSWD)ang minor habang ang magulang nito ay papatawan ng P5,000 mula o pagkakakulong ng 6 na buwan.

Mayroon namang exemption sa curfew, ito ay kung ang minor ay kasama ng kanyang mga magulang at kung mayroong emergency kasi ito nasa labas.

Sinabi ni Herrera na mahalagang magpatupad ng curfew dahil na rin sa dumaraming kaso ng pang aabuso sa mga minor at ilang insidente na nasasangkot ang menor de edad sa drug addiction at ilang kasong kriminal.

“This vulnerability has resulted to an increasingly alarming rate of children who have gone missing for over 24 hours, children that are abused by syndicates and unscrupulous individuals, as well as have been involved in crimes concerning abduction, rape, abuse, and theft, murder, among others,”ani Herrea.

“The bill seeks to mandate and strictly implement a set of hours during night time within which minors are prohibited from remaining outside of the home not only as a means of maintaining public order and safety and preventing the further rise in criminality but also in order to protect minors from potential threat that may arise in the remote environment which maybe harmful or detrimental to their development,” pagtatapos pa ng lady solon. Gail Mendoza

MANILA, Philippines- Suportado ni House Speaker Martin Romualdez ang plano ng Marcos Administration na magkaroon pa ng public-private partnerships (PPP) sa pagtatalaga ng mga proyekto gaya ng ginawa sa Iloilo City kung saan nakipagpartner si Iloilo Mayor Jerry Treñas sa private sector para sa redevelopment ng dalawang public markets.

“I support the appeal of President Bongbong Marcos for LGUs to get into more PPPs to speed up growth in the regions, which in turn will generate employment and livelihood opportunities for our people,” pahayag ni Romualdez.

Aniya, ang ganitong proyekto sa pagitan ng private sector ay isang daan para mabawasan ang dagdag pasanin pa sa local government units (LGUs) gaya sa usapin ng budget.

“Local governments could tap big companies like the Iloilo City-SM market development project that would benefit thousands of vendors and small, medium and micro entrepreneurs,” paliwanag ni Romualdez sa naging sistema sa Iloilo kung saan nakipagpartner ito sa SM Prime Holdings Inc.

Sa ilalim ng proyekto ay magkaroon ng 25 taon lease agreement para sa redevelopment ng Central Market at Iloilo Terminal Market na walang anumang gastusin sa LGUs at pakikinabanganng may 2,800 vendor.

Ang dalawang palengke ay gagastusan ng P3 billion ng SM.

Sinabi ni Romualdez na bukod sa mga public markets ay marami pang proyekto ang maaaring gawin gaya ng toll roads, hospitals, irrigation systems at housing areas.

“These could easily attract private funding because such projects would not run out of customers and users,” pagtatapos pa ni Romualdez. Gail Mendoza