PET kinulit ng kampo ni VP Leni

August 3, 2018 @ 2:40 PM 5 years ago

Manila, Philippines – Hiniling ng kampo ni Vice President Leni Robredo sa Presidential Electoral Tribunal na gamitin ang 25 porsyentong threshold sa paglutas ng election protest na isinampa ni dating Senador Ferdinand “Bongbong” Marcos Jr.

Sa kanyang urgent ex-parte omnibus motion, hinirit ni Robredo sa PET na atasan ang head revisors na ihiwalay sa pagbilang ang mga balotang nagtataglay ng mas mababa sa 50-percent ngunit sakop ng 25-percent at huwag ikonsiderang stray ballots habang hindi pa nadedesisyunan ng PET ang nakabinbin niyang urgent motion for reconsideration na may petsang April 18, 2018.

Ang mosyon ay inihain ni Robredo matapos na kumpirmahin ng Commission on Elections (Comelec) na ang 25-percent threshold ay ginamit ng vote counting machines sa ginanap na halalan noong 2016.

Kasama rin sa hinirit ng kampo ni Robredo na atasan ang Head Revisors na bilangin ang mga balotang saklaw ng threshold issues.

Sinabi ng bise presidente na hindi naman ito makasasagabal sa proseso ng manual counting kundi makatitiyak din ang publiko na walang mababalewalang boto. (Jocelyn Tabangcura-Domenden)

4

Sat

4

Sat

PET kinulit ng kampo ni VP Leni

PET kinulit ng kampo ni VP Leni

PET kinulit ng kampo ni VP Leni

PET kinulit ng kampo ni VP Leni

MANILA, Philippines- Tututukan ng Philippine central bank ang inflation sa halip na ang pinakabagong policy action ng Federal Reserve sa pulong nito sa Feb. 16 para suriin ang key interest rates,ayon sa pinuno nito ngayong Sabado.

“Next meeting will focus on inflationary expectations in PH, not the Fed’s 25 bps rate increase,” pahayag ni Bangko Sentral ng Pilipinas Governor Felipe Medalla.

Inaasahang papalo ang Philippine inflation sa range na 7.5% hanggang 8.3% sa January, ayon sa central bank nitong Martes, kasunod ng 8.1% rate noong December, na itinuturing na 14-year high. Ipalalabas ng statistics agency ang inflation data sa Feb. 7. RNT/SA

SANTIAGO- Tinupok ng wildfires sa Chile 13 buhay at 14,000 ektarya (35,000 acres), ayonsa mga awtoridad nitong Biyernes, sa pag-iral ng summer heatwave sa bansa sa southern hemisphere.

Namatay ang 11 indibidwal, kabilang ang isang bumbero sa bayan ng Santa Juana sa Biobio, isang rehiyon na 310 milya (500 km) timog ng kapital na Santiago, ayon sa local authorities.

Naiulat din ng Minister of Agriculture ang pagbagsak ng emergency-support helicopter sa southern region ng La Araucania had crashed, na sanhi ng pagkamatay ng isang piloto at isang mekaniko.

Nagdeklara na ng states of catastrophe sa farming at forest areas ng Biobio at mga katabi nitong Nuble,.

Napinsala ang daang mga tahanan habang 39 sunog ang naitala sa bansa, ayon kay nterior Minister Carolina Toha.

“The conditions in the coming days are going to be risky,” pahayag ni Toha.

Sinabi niya na available ang ground equipment at tumutulong ang fleet ng 63 planes sa pagtupok sa apoy, at inaasahang magiging katuwang ang Brazil at Argentina.

Nagtungo si President Gabriel Boric nitong Biyernes sa Nuble at Biobio, na may pinagsamang populasyon na halos dalawang milyong katao.

“My role as president today is to ensure that all resources will be available for the emergency and so that people feel that they are not going to be alone,” ani Boric mula sa Biobio.

Binanggit din niya ang mga senyales na maaaring sinadya ang pagkalat ng sunog.

Lumikas ang ilang pamilya sa shelters, ayon sa Chilean disaster agency Senapred.

Batay sa weather forecasts nitong Biyernes, aabot sa 100 degrees Fahrenheit (38 Celsius) ang temperatura sa Chillan, kapital ng Nuble na sinabayan pa ng malakas na hangin na lalong nagpalala sa fire conditions. RNT/SA

MANILA, Philippines- HIndi mapigilan ni P3PWD Party-list nominee Rowena Guanzon na ihayag ang kanyang pagkabahala hinggil sa anunsyo kamakailan ng Malacañang na inaprubahan nito ang paglikha ng Water Resource Management Office (WRMO).

Para kay Guanzon, nanganganib mapuno ang opisina ng mga “kaibigan ng administrasyon”.

“They might pack this Office with incompetent cronies. Dami naka pila,” saad sa Twitter post ng dating Commission on Elections (Comelec) commissioner.

Subalit, hindi naman nagbanggit si Guanzon, ng pangalan ng itinuturing niyang “crony” ng kasalukuyang administrasyon.

Base sa Malacañang, pangangasiwaan ng WRMO ang water resources ng bansa.

Sinuportahan ni Guanzon ang presidential bid ni dating vice president Leni Robredo noong May 2022 national elections. Natalo ni Pangulong Ferdinand “Bongbong” Marcos Jr. sa halalan si Robredo. RNT/SA

MANILA, Philippines- Sinisilip ng Philippine Army (PA) ang posibilidad ng pagppaalawig ng relasyon sa United Kingdom, partikular sa land domain training and education, matapos ang pagbisita ng UK’s defense attaché to the Philippines, Group Captain Beatrix VH Walcot.

Sinabi ni PA spokesperson Col. Xerxes Trinidad nitong Sabado na nagkita sina Walcot at Army vice commander Brig. Gen. Steve D. Crespillo sa kanyang introductory call sa PA headquarters sa Fort Bonifacio nitong Biyernes.

Magugunitang nakatanggap ang team ng PA Scout Rangers ng Silver Medal citation sa pre-pandemic Exercise Cambrian Patrol (Ex CP) 2019 sa Wales, UK.

Kabilang sa Ex CP, itinuturing na “British Army’s premier patrolling event”, ang mission-focused at scenario-based exercises na naglalayon na palakasin ang kapabilidad ng participating units, base kay Trinidad.

Itinalaga ng British government kamakailan ang resident defense attaché to the Philippines na nakabase sa British Embassy in Manila mula sa nakaraang Brunei-based non-resident attaché.

Alinsundo ito sa 2021 Integrated Review of Foreign and Security Policy ng British government, na tumututok na ngayon sa Indo-Pacific region. RNT/SA

MANILA, Philippines- Maglalabas ang National Economic and Development Authority (NEDA) ng pinal na listahan ng major projects sa ilalim ng administrasyong Marcos sa pagtatapos ng first quarter ng 2023.

Kasunod ito ng paunang pagpapalabas ng 7 “high-impact projects” ngayong linggo.

Sinabi ni NEDA Undersecretary Rosemarie Edillon, hinihimay mabuti at sinusuri ng socioeconomic planning body ang mahabang listahan ng mga proyekto.

“So far, mga 206 iyong nasa listahan ngayon. And that’s just for iyong tinatawag nating magiging flagship. That could still be trimmed down… iyon nga tinitingnan natin iyong viability nito,” ayon kay Edillon.

Winika pa nito na ang mga proyekto ng pamahalaan ay popondohan sa pamamagitan ng iba’t ibang schemes o pamamaraan gaya ng “public private partnership (PPP), grants at government allocation.”

Sa pagpapatupad ng PPP projects, sinabi ni Edillon na nakatuon ang pansin ng administrasyon sa “solicited PPPs, or those well-crafted and vetted projects, which could help the government achieve its targets of economic growth, increased employment and poverty reduction.”