Pinakamataas na heat index, naitala sa Dagupan City, Pangasinan

Pinakamataas na heat index, naitala sa Dagupan City, Pangasinan

May 1, 2022 @ 10:45 AM 2 months ago


MANILA, Philippines – Naitala ng PAGASA ang pinakamataas na heat index temperature sa Dagupan City, Pangasinan kahapon April 30.

Umabot sa 50 degrees Celsius ang heat index sa lungsod na naitala dakong alas-5:00 ng hapon.

Ang heat index ay tumutukoy sa temperatura na nararamdaman ng isang tao na taliwas naman sa aktwal na air temperature.

Ilang lugar din sa bansa ang nakapagtala ng heat index na mas mataas pa sa 40 degrees Celsius kabilang ang:

  • Aparri, Cagayan: 46ºC at 5 p.m.

  • Laoag City, Ilocos Norte: 44ºC at 2 p.m.

  • Casiguran, Aurora: 42ºC at 2 p.m.

  • Masbate City, Masbate: 42ºC at 1 p.m.

  • NAIA, Pasay City: 42ºC at 1 p.m.

Mula March 1 hanggang April 30, naitala rin sa Dagupan City ang pinakamataas na heat index na pumalo sa 54ºC alas-2 ng hapon ng April 22.

Sa klasipikasyon ng PAGASA, “danger” zone ang mga lugar na may heat index na 42ºC hangang 51ºC at “extreme danger” naman kapag 52ºC at pataas.

Sa mga lugar na may heat index na danger zone, maaaring makaranas ang mga residente ng heat cramps at heat exhaustion, at posibleng atakihin ng heat stroke.

Sa mga lugar naman na nasa extreme danger, malaki rin ang tiyansang makaranas ng heat stroke.

Kaugnay nito, pinaalalahanan ng PAGASA ang publiko na limitahan ang oras sa labas o iwasang magbabad sa sikat ng araw at uminom ng maraming tubig. RNT/ JCM