MANILA, Philippines- May kabuuang 66 bansa ang nagpadala ng tulong sa Turkey sa patuloy na search and rescue operations kasunod ng magnitude 7.9 na lindol, ayon kay Turkish Ambassador to the Philippines Niyazi Akyol nitong Huwebes.

“Right now, 66 countries actually extended their assistance to us with over 3,000 aid personnel from those countries. Search and rescue, and medical aid personnel, including the Philippines, are now in the region,” pahayag ni Akyol.

“We are very grateful for the assistance of the international community and of course we are very grateful to the Philippines for the generous assistance at this difficult time of need, extended to us,” dagdag niya.

Sinabi ni Akyol na kabilang sa mga hamon sa search and rescue operations ay ang -5 to -10 degree Celsius temperature at pag-ulan ng yelo, maging sira at hindi madaanang mga kalsada.

Umabot na sa 15,000 ang naiulat na nasawi sa Turkey at inamin ni Turkish President Recep Tayyip Erdogan ang mga pagkukulang sa pagtugon ng pamahalaan.

Sinabi ni Akyol na hindi bababa sa 52,979 ang naiulat na nasugatan habang 6,444 gusali ang gumuho. RNT/SA

Sinabi ng World Health Organization (WHO) na “mahigpit na sinusubaybayan” nito ang kaso ng bird flu sa mga mammal na iniulat kamakailan sa ilang bansa kabilang ang United Kingdom, France, at United States.

Sa isang virtual press conference, kinumpirma ng WHO ang spillover ng H5N1 Avian Influenza strain sa maliliit na mammal ngunit sinabing nananatiling “mababa” ang tsaysa nito na mailipat sa mga tao.

“Over the past few weeks, there have been several reports of mammals including minks, foxes, otters, and sea lions having been infected with H5N1 Avian Influenza. H5N1 has spread widely on wild birds and farm poultry for 25 years but the recent spillover to mammals needs to be monitored closely,” ani WHO Director General Dr. Tedros Adhanom Ghebreyesus.

“For the moment, WHO assesses the risk to humans as ‘low’ since H5N1 first emerged in 1996, we have only seen rare and non-sustained transmission of H5N1 to and between humans,” dagdag pa niya.

Ayon sa isang ulat ng Agence-France Presse, ang spillover ng highly-transmissible virus na karaniwan sa mga ligaw na ibon at domestic poultry ay iniulat sa UK, US, at France.

Gayunpaman, iniulat ng Ecuador ang unang kaso ng A(H5) bird flu virus sa South America sa isang tao noong nakaraang buwan — isang siyam na taong gulang na batang babae na nakipag-ugnayan sa backyard poultry.

Sinabi ng WHO na ang kaso ay “bihirg” at hindi pa ito nakatanggap ng anumang katulad na mga ulat ng impeksyon.

Nilinaw ni Briand na ang virus ay “zoonotic” at nananatiling “napaka adaptive” sa mga hayop at hindi sa mga tao, idinagdag na dahil sa mga katangian nito, ito ay mahalaga upang mapigil ang pagkalat ng virus sa mga hayop upang maiwasan ang paghahatid sa populasyon ng tao.

Pinayuhan naman ni Ghebreyesus ang publiko na manatiling mapagmatyag at iwasang makipag-ugnayan sa mga patay o may sakit na hayop upang maiwasan ang panganib sa virus. RNT

LONDON – Idineklara ng World Health Organization (WHO) ang nangyaring lindol sa Türkiye at Syria bilang isang “grade three emergency” – na may “critical 48-hour window” upang iligtas ang mga taong nakulong.

Sinabi ni WHO Regional Director Hans Kluge sa Sky News na ibinibigay nila ang lahat ng resources sa dalawang bansang ito, na nagsasabing ang “pangunahing isyu ngayon ay Search and rescue.”

Sinabi naman ni WHO spokesperson Margaret Harris na ang lawak ng mga pagkalugi mula sa dalawang bansa ay hindi malalaman sa “medyo matagal na panahon.”

Sa pinakahuling bilang nasa higit 11,000 na ang nasawi at higit 50,000 naman ang sugatan mula sa lindol.

Ang magnitude 7.7 at 7.6 na lindol, na nakasentro sa lalawigan ng Kahramanmaras, ay tumama sa 10 lalawigan at nakaapekto sa mahigit 13 milyong tao. RNT

ISTANBUL — Umakyat sa 11,200 noong Miyerkoles ang bilang ng mga nasawi mula sa magnitude 7.8 na lindol na tumama sa Turkey at Syria.

Sinabi ng mga opisyal at medics na 8,574 katao ang namatay sa Turkey at 2,662 sa Syria na umabot sa kabuuang 11,236.

Halos 50,000 katao din ang nasugatan sa Turkey at isa pang 5,000 sa Syria, sinabi ng mga opisyal at rescuer sa magkabilang panig.

Nangako naman si Turkish President Recep Tayyip Erdogan na muling itatayo ang mga nasirang rehiyon sa loob ng isang taon.

Lumitaw din siya para sagutin ang mga kritisismo ukol sa sinasabing makupad na apgtugon ng gobyerno sa mga sakuna.

“Initially there were issues at airports and on the roads, but today things are getting easier and tomorrow it will be easier still,” aniya sa pahayag sa telibisyon. “We have mobilized all our resources.”

“The state is doing its job.” RNT

TURKEY – Umakyat pa sa mahigit 8,700 ang bilang ng mga nasawi dahil sa magnitude 7.8 na lindol sa Turkey at Syria nitong Lunes, Pebrero 6.

Kasabay ng puspusang pagsagip ng mga rescuers sa mga biktima na natabunan ng mga gumuhong gusali, sinabayan pa ng malamig na panahon ang hirap na dinaranas ng mga apektadong residente doon.

Sa nasabing bilang, nasa 6,234 na ang death toll sa Turkey at patuloy pang tumataas.

Mahigit 2,500 naman ang naitala sa Syria sa nakalipas na magdamag.

Nagdeklara na si Turkish President Tayyip Erdogan ng state of emergency sa 10 probinsya.

Ayon sa mga awtoridad, nasa 13.5 milyon katao ang apektado ng lindol sa 450 kilometro na lupain mula Adana sa kanluran at Diyarbakir sa silangan. RNT/JGC