MANILA, Philippines- Nais ni Pangulong Ferdinand R. Marcos Jr. na muling buhayin at pasiglahin  ang ”business partnerships” ng Pilipinas at Japan na bahagyang pinatulog ng COVID-19 pandemic.

Para sa Pangulo, makatutulong ito para lumago ang ekonomiya ng dalawang bansa.

Ang pahayag na ito ng Pangulo ay binanggit niya sa isang dinner meeting kasama ang mga executives ng Mitsui & Co. at Metro Pacific Investments Corporation (MPIC) makaraang dumating sa  Tokyo.

Sa official Facebook account ng  state-run Radio Television Malacañang (RTVM), makikita rito ang  video footage ni Pangulong Marcos kasama ang Mitsui at MPIC executives gaya nina  Mitsui & Co. chief executive officer Kenichi Hori at MPIC chairperson Manny Pangilinan.

“The partnership between not only Mitsui but the whole of Japan and the Philippines has been a long-standing one. We can point to so many of the developments that happened in the Philippines with the assistance of the different Japanese funding agencies and our government-to-government (G2G) arrangements and commercial arrangements, and these have been to the benefit of both our countries,” ayon sa Pangulo.

“The partnerships, I think, that we have developed with our friends here in Japan, with Mitsui, in particular…We will have to revitalize them as they have been dormant to a degree, during the lockdowns of the pandemic,” dagdag na pahayag nito.

Looking forward naman si Pangulong Marcos na ang mga pag-uusap na mangyayari sa panahon ng kanyang five-day official visit ay makatutulong para maging “a driver in the transformation of our economy.”

Maliban kay Pangilinan, ang iba pang  business leaders na kasama sa delegasyon ng bansa  ay sina San Miguel Corp’s Ramon Ang at Ayala Corp’s Jaime Augusto Zobel de Ayala.

Sinamahan naman ang Pangulo ni Unang Ginang Liza Araneta-Marcos at ilang key government officials kabilang na sina  Senate President Juan Miguel Zubiri, House Speaker Martin Romualdez at dating Pangulo at ngayon ay Senior Deputy Speaker Gloria Macapagal-Arroyo.

Ang Mitsui & Co. ay isang Japanese company “that primarily engages in product sales, logistics and financing, infrastructure projects, iron and steel products, information technology (IT) and communication, among other businesses. It currently operates in 128 offices in 63 countries including the Philippines.”

Samantalang ang  MPIC ay isang Philippine-based investment management at infrastructure holding company na karamihan ay inuugnay sa  strategic partnerships sa pamamagitan ng pag-improve sa “operational efficiency, pagtataas sa customer coverage, at mahigpit na pakikipagtulungan sa  regulators at iba pang  partners o katuwang sa gobyerno.

Samantala, sinabi pa ni Pangulong Marcos na masigasig ang Pilipinas na isapinal ang ilang proyekto sa Japan na natigil lamang dahil sa Covid-19 pandemic at maging sa bagong  viable projects.

Tinukoy nito kung paano ang dalawang bansa ay “very well-developed interactions about G2G or even commercial ventures.”

“So what we’re really having to do now is we are going to have to… we’re finalizing some of the projects that, for example, were postponed because of the pandemic lockdowns and also now some new projects that are follow on from kung ano ‘yung dati ng proyekto,” aniya pa rin.

Giit pa ng Pangulo,  ang  official trip niyang ito sa  Japan ay hindi na pagpapakilala sa Pilipinas kundi mayroong “very specific” schedule. Kris Jose

MANILA, Philippines- Idineklara ng Philippine Drug Enforcement Agency (PDEA) ang tatlong barangay sa San Juan City na kinabibilangan ng West Crame, San Perfecto, and Batis na drug-free, dahilan para kilalanin ang San Juan na unang lungsod sa National Capital Region (NCR) kung saan lahat ng barangay nito ay drug-cleared ng PDEA.

Dumalo sa pagkilala sina PDEA regional director Emerson R. Rosales at San Juan City Mayor Francis Zamora. Danny Querubin

MANILA, Philippines- Idineklara ng Supreme Court na maaring humingi ng protection at custody orders ang mga ama laban sa ina ng kanilang anak na lumabag R.A 9262 o Violence Against Women and Children Act (VAWC Law).

Sa makasaysayang desisyon, iginiit ng SC en banc na ang mga nanay na umaabuso sa kanilang anak ay maituturing na offenders sa ilalim ng Anti- Violence Against Women and Their Children (VAWC) Act at maaring magpasaklolo ang ama gamit ang naturang batas sa ngalan ng anak.

Nilinaw ng Supreme Court na bagama’t hindi sakop ng batas ang mga ama, hindi nangangahulugan na hindi ito maaring gamitin ng lalaki laban sa asawa na nagkasala.

“While the VAWC Act excludes men as victims, this does not mean the law denies a father of its remedies solely because of his gender or the fact that he is not a ‘woman victim of violence.’ The Court held that Section 9(b) of the VAWC Act explicitly allows ‘parents or guardians of the offended party’ to file a petition for protection orders,” nakasaad sa 18 pahinang desisyon ng SC.

Iginiit ng korte na saklaw sa VAWC Act ang mga sitwasyon na ang mismong ina ang nakagawa ng karahasan at pang-aabuso sa anak.

“The fact that a social legislation affords special protection to a particular sector does not automatically suggest that its members are excluded from violating such law,” ayon sa desisyon.

Binigyan-diin ng Korte Suprema na hindi kailanman ito magiging instrumento ng kawalan ng hustisya at kalokohan para sa mga gumagawa ng pagkakasala sa mahihinang sektor gaya ng mga bata. Teresa Tavares

MANILA, Philippines- Isang House Resolution ang inihain sa Kamara ng Makabayan Bloc na humihiling na alisin na ang terrorist tag sa mga leftist organizations gayundin ang hiling nito na ibalik na ang peace talk.

Sa inihaing House Resolution 756 ay umapela sina ACT Teachers Partylist France Castro, Gabriela PartyList Rep. Arlene Brosas at Kabataan Party-list Rep. Raoul Manuel sa Anti-Terrorism Council na tanggalin na ang pagtukoy bilang terorista sa Communist Party of the Philippines (CPP),New People’s Army (NPA) at National Democratic Front of the Philippines (NDFP).

Iginiit ng tatlong mambabatas na ang pagtanggal sa terrorist tag ay “prelude” o bilang pagumpisa na ng gagawing peace talk.

Matatandaan na ang peace talk sa pagitan ng gobyerno at makakaliwabg grupo ay natigil noong 2018 sa termino ni dating Pangulong Rodrigo Duterte.

“Be it further resolved that the Government of the Philippines restart peace negotiations with the NDF with the aim of achieving just and lasting peace through negotiated binding agreements that will institute social, economic, and political reforms to address the roots of armed conflict,” nakasaad sa resolusyon.

Sinabi ni Castro na sa kasaysayan ay napatunayan na ang peace negotiations ay epektibong paraan para sa kaayusan sa pagitan ng eftist groups at umaasa ito na sa kasalukuyang administrasyon ay matatamo ang hangad kapayapaan.

“Such ‘terrorist tagging’ is used to justify government suppression of constitutionally protected rights and liberties, including freedom of expression, freedom of the press, freedom of association, freedom of assembly, and academic freedom, and is often followed by state surveillance, harassment, arrest and prolonged detention on trumped-up charges, enforced disappearances, and extrajudicial killings,” dagdag pa ni Castro. Gail Mendoza

Manila, Philippines – Hindi man tinukoy ni Willie Revillame ang ilang pinaringgang personalidad sa kanyang mahabang litanya sa programa niyang Wowowin ay isa roon ang pumiyok.

Cristy Fermin took to her radio program Cristy Ferminute on Radyo Singko her reaction to Willie’s backlash.

Isa kasi si Cristy sa laman ng blind item ni Willie na malapit sa kanya na niregaluhan niya ng condo unit sa Wil Tower at brandnew na sasakyan pero tinawag daw siyang mayabang.

Dagdag pa ni Willie, pinaunlakan din niya ang pabor ng taong ‘yon na tulungan ang ilang mga reporter noong panahon ng pandemya, na binigyan naman ng TV host ng sampung libong piso kada buwan.

Ayon kay Cristy, tumawag daw siya kay Willie para tanungin kung napanood daw ba nito ang February 6 and February 7 episodes ng kanyang radio program.

Depensa ni Cristy, sa kabuuan kasi ng show ay hindi niya siniraan si Willie.

Inamin ni Willie na hindi niya mismo napanood ang mga nasabing episode.

Palagay ni Cristy ay nasulsulan si Willie ng mga taong nakapalibot sa kanya na takot magutom kapag wala na ang mga ito sa kanya.

Inisa-isa ni Cristy ang mga bagay na isinusumbat sa kanya ni Willie.

Pagdating sa condo unit, sumumpa si Cristy na minsan lang daw niya itong napuntahan.

Mangyaring tanungin daw ni Willie ang guwardiya ng Wil Tower.

Sa isyung pamimigay naman ng tulong sa mga reporter, dumepensa si Cristy sa pagsasabing panahon ‘yon ng pandemya, kung kailan nangangailangan ng tulong ang mga ito.

Ipinamukha ni Cristy kay Willie na huwag na lang tumulong kung isusumbat din lang niya ito pagdating ng panahon.

Ang mga reporter ding ‘yon din naman ang takbuhan ni Willie para ipagtanggol siya.

On the car issue, iginiit ni Cristy na katas ‘yon ng pinagtrabahuhan niya sa halip na pera ang hingin niyang kapalit.

Inuudyukan nga raw ni Boss Vic del Rosario ng Viva si Cristy na dapat ay nangongomisyon ito ng 20% sa mga tulong na ipinagkaloob nito kay Willie.

Naging instrumento kasi si Cristy kung bakit nakapasok si Willie sa TV5.

Bilang pagtanaw ng utang na loob, pinamili raw ni Willie si Cristy kung ano ang gusto nito: pera o kotse.

Pinagmatigasan ni Cristy na kapwa sila ni Willie ang walang utang na loob na dapat tanawin sa isa’t isa, “Nagkatulungan tayo. Wala akong utang na loob sa iyo, wala ka ring utang na loob sa akin.”

Cristy reiterated that it was not her intention to discredit Willie kung kaya’t nagsasalita siya sa kanyang programa.

Aniya, “Gusto kong malaman mo, Willie Revillame, ang kaibahan ng pagmamahal at pagmamalasakit.”

Bago raw nagtapos ang pag-uusap nila sa telepono’y tinanong ni Willie si Cristy, “Mahal mo pa rin ba ako?”

Basta ang paniniyak ni Cristy sa kanya, hindi siya ang tipong nang-iiwan ng taong mahal niya.

“Ngayon ko pa ba naman iiwan si Willie sa ganoong sitwasyon? Kailangan niya ngayon ng kausap dahil tuliro siya.”

Binanggit din ni Cristy kung bakit walang kaalam-alam si Willie sa mga nagaganap sa AllTV.

Ayon naman daw kay Willie, walang kumakausap sa kanya.

Ilang beses na raw siyang tumatawag sa mga kinauukulan pero wala siyang makausap para maliwanagan siya. Ronnie Carrasco III