Presidential guards inatake ng COVID-19; Digong ligtas

Presidential guards inatake ng COVID-19; Digong ligtas

April 7, 2021 @ 7:30 PM 2 weeks ago

  •  
  •  
  •  

MANILA, Philippines – Inatake ng Coronavirus Disease 2019 ang 126 miyembro ng Presidential Security Group kung saan 45 dito ang aktibong kaso.

 

Ito rin ang naging dahilan kung bakit hindi matutuloy ang Talk to the Nation ni Pangulong Rodrigo Duterte ngayon sanang gabi ng Miyerkoles.

“The physical safety of the President remains our utmost concern,” ayon kay Presidential spokesperson Harry Roque ukol sa pagkansela sa Cabinet meeting.

Siniguro naman ni Senador Bong Go na walang PSG personnel na nagka-COVID ang direktang nakasalamuha ng Punong Ehekutibo.

Sa kabila nito, siniguro ng PSG na patuloy ang pagprotekta nila sa Pangulo.

“We protect our VIPs; guard the PSG compound, the residence and the whole Malacañang Complex 24/7, where civilian residents are also situated, thus, exposure to the virus is inevitable,” pagsisiguro ni PSG Commander BGen. Jesus P. Durante III.

Giit at tiniyak din ni Durante na wala ni isa man sa mga PSG personnel na infected ng virus ang direkta at malapitang naka-detailed kay Digong.

Lahat aniya ng mga ito ay asymptomatic at hindi nakaranas ng kahit na anumang adverse symptom.

“Hence, rest assured that the President is safe and in good health,” diing pahayag ni Durante.

Gayundin, ang PSG sa pamamagitan ng Task Force COVID-19 at ang medical staff ay patuloy na mahusay at epektibong pinamamahalaan ang situwasyon upang matiyak na ang mga nagpositibo sa COVID-19 ay makukumpleto ang kanilang quarantine protocols at maayos na naproseso.

Idagdag pa na ang lahat ng health at safety protocols ay mahigit na ipinatutupad sa lahat ng PSG personnel at kanilang dependents.

“Despite the challenges posed by the virus, PSG continues to perform its mandate. As earlier mentioned, we have established protocols to contain the spread of the virus and we will continue to enforce it so that the President is kept safe and secured from all forms of threats at all times,” giit ni Durante. Kris Jose


  •  
  •  
  •