PRIBATISASYON NG NAIA AT PALPAK NA OPERATION

January 4, 2023 @ 11:38 AM 4 weeks ago

MAYROON bang malalim na koneksyon ang pagpalpak ng operasyon ng Ninoy Aquino International Airport at Manila International Aviation Authority sa umuugong na balitang isasapribado na ang paliparan?

Habang tinitipa natin ito, mga Bro, sinasabing marami pa ring apektado na mga pasahero nang bumagsak ang operashon ng NAIA nitong Enero 1, 2023 na bagong-bago pa namang Taon.

Daan-daang flight o mahigit 300 ang nakansela nang magsimulang magsara ang NAIA dakong 9:49 sa umaga at maisaayos ito dakong 7:45 p.m.

Hindi naging sapat hanggang kahapon ang tuloy-tuloy na operasyon ng NAIA gabi at araw para maayos lahat ng nakansela o nabalam na biyahe.

Kinalimutan na nga ang ilang oras na inspeksyon na isinasagawa halos araw-araw sa buong sistema ng operasyon sa paliparan para matiyak na maayos ang lahat.

Mabuti na lang at walang nadidisgrasya sa mga eroplanong domestic o lokal o internasyunal na apektado sa hindi paglapag sa NAIA at pagbabalik nila sa kanilang mga pinanggalingang paliparan.

ANG PRIBATISASYON

Marami na ang pribadong kompanya na nagkagustong hawakan ang buong operasyon ng NAIA.

Naudlot lang ang consortium na naglalakad ng pribatisasyon nito nang dumating ang pandemya.

Ito kasi ang pinakamalaking paliparan sa buong bansa at sentro ng biyahe sa buong Pinas.

Dahil milyones ang gumagamit nito, napakalaki ring sentro ng negosyo at pagkakitaan.

Mula sa nagseserbisyong taxi, bus, restoran at iba pa hanggang sa mga tindahan ng halos lahat ng bilihin, nandiyan lang.

Malapit din ito sa mga estabilisimyento na hotel, restoran din, casino at iba pa nagseserbisyo sa mga pasahero, palabas at papasok sa banda.

Konektado o nagseserbisyo rin ang NAIA sa buong Metro Manila na sentro ng kalakalan ng buong bansa.

Kapag natapos ang underground na riles mula sa Quezon City at konektado mismo sa NAIA, lalong makikita ang halaga ng paliparang ito at ang salaping mapupundar dito.

Ito ang mga dahilan ng pribatisasyon ng NAIA at masasabing madali na lang gawin ang pagpapamoderno nito upang makapantay ito sa mga world class na paliparan ng Singapore, Thailand at iba pa.

PWEDENG ISARA?

Sa kabila ng lahat ng nabanggit nating umiikot na pagkakaperahan kaya marami ang nagkakainteres sa pribatisasyon ng NAIA, may posibilidad din na isara ito at ikumbert sa ibang estabilisimyento.l

Ito’y dahil maaaring mabawasan ang pagkakitaan dito kapag nagawa na ang $11 bilyong pag-aayos sa Sangley Airport sa Cavite at ang P750 bilyong paliparan sa Bulacan na ginagawa na.

Sa kabilang banda, umaasa naman ang iba na kikita pa rin ang NAIA kahit magiging katabi nito ang Sangley Ariport at ang Bulacan International Airport.

Pero kapag naisapribado na ang NAIA, ano naman kaya ang epekto nito sa mga mamamayang gumagamit ng eroplano sa kanilang pagbiyahe?

Halimbawa ang milyon-milyong overseas Filipino worker, sakaling magmahal lahat ng bayarin sa serbisyo at produkto NAIA, magiging ayos lang ba sa kanila?

PINAS, MASWERTE PA RIN SA MGA MASAKER?

January 31, 2023 @2:35 AM

MATAGAL-TAGAL na ring walang masaker sa Pinas at masasabi nating maswerte-swerte tayo.

Tingnan ninyo, sa South Africa, may walong minasaker ng dalawang tao sa gitna ng birthday party.

Naganap ang masaker gamit ang baril sa Gqeberha, Eastern Cape Province kamakalawa.

Kasama sa mga napatay ang may-ari ng bahay.

Walang pang naaresto at nag-iimbestiga pa ang mga pulis.

Inaalam pa ang motibo rito.

SA CALIFORNIA, UNITES STATES

Dalawang magkasunod na massacre ang naganap dito, kamakailan lang.

Unang pinagpapatay sa baril ang 11 tao sa isang dancing club na dinarayo karamihan ng mga senior citizen, na karamiha’y Asyano.

Si Huu Can Tran, 72, ang gumawa ng krimen na nagbaril din sa sarili nang makorner siya ng mga pulis habang tumatakas.

Mga tsismosa na nagmamarites habang nakatalikod siya ang sinasabing dahilan ng pagpatay niya sa mga tao sa dance studio.

Kasama sa mga nahagip ng bala at nasawi ang Pinoy na si Valentino Alvero na isa ring senior citizen.

Sa Halfmoon Bay, 7 katao naman ang minasaker sa magkahiwalay na mushroom farm ng isa ring Asyano.

Si Zhao Chunli, 66, na isang Chinese, ang pumatay sa kanyang superbisor at isang obrero makaraang pagbayarin siya ng $100 para sa nasirang bahagi ng buldoser at forklift.

Dalawa pang obrero ang pinagbabaril niya sa lugar at lumipat sa isa pang malapit na farm na roon niya isinagawa ang pamamaril din sa tatlo katao at namatay rin.

MATINDI SA MEXICO DAHIL SA DROGA

Maya’t maya, may mga masaker o patayan na marami ang namamatay sa bansang Mexico.

Simula noong 2006 na ginamit na ang militar ng gobyerno laban sa mga drug cartel, meron nang 340,000 namamatay at 100,000 missing.

Kasama sa mga pinapatay ang nasa 50 pari.

Sa bahagi ng mediamen, may 43 na namatay simula Disyembre 2018 hanggang Hulyo 2021 at iba pa ang 16 na pinatay nitong 2022.

Nitong unang linggo ng Enero, nahuli ng mga pwersa ng pamahalaan ang bosing ng Sinaloa cartel na si Ovidio Guzman.

Ngunit bago siya nahuli sa magdamag na labanan, pito katao ang namatay, kasama ang ilang sundalo, 21 ang nasugatan, dalawang eroplano ang natamaan ng bala at 250 sasakyan ang sinunog.

GIYERANG RUSSIA-UKRAINE

Pinakamatindi ang patayan sa giyera sa Ukraine at Russia.

Maaaring titindi ang giyera kapag dumating na ang mga malalakas na armas galing sa Amerika at Europa na kakampi ng Ukraine gaya ng mga makabong tangke de giyera, na may kasamang mga drone, missile at iba pa.

May 200,000 namamatay nang mga sundalo ng magkabilang panig at libo-libo na rin ang napapatay sa sibilyan sa halos isang taong nang giyera.

Kapag may naghuramentado gamit ang nuclear bomb o mambomba sa mga plantang nukleyar, gaano karami ang mamamatay?

BOMB THREAT AT BOMB JOKE

January 31, 2023 @2:33 AM

MAKARAAN ang ilang bomb threat at bomb joke sa mga iskul sa Quezon City, gumawa na ang lungsod ng panukalang ordinansa laban dito.

Ayon kay 1st District Councilor Dorothy Delarmente, kailangan ang ordinansa para masaklaw ang bomb threat a t bomb joke na ginagawa sa social media at internet at ng mga menor-de-edad.

Paliwanag ni konsehala, mga brad, may batas na sa bomb threat, ang Presidential Decree No. 1727 na pinairal ni noo’y Pangulong Manong Ferdie Marcos noong Oktubre 1980.

Kaya lang wala itong sinasabi ukol sa mga kabataan at sa paggamit ng internet bagama’t binabanggit ang pranksters o nagbibiro sa bomba.

Ang pagkakulong bilang parusa sa PD 1727? Hindi lalagpas sa limang taon. At ang multa? Hindi lalagpas sa P40,000.

Sa panukalang ordinansa, nasa anim na buwan hanggang isang taon ang parusang kulong at nasa P5,000 pataas ang multa, depende sa sitwasyon o apektadong biktima.

Napilitang magpanukala ng nasabing ordinansa ang Kyusi dahil biktima ito ng mga sunod-sunod na bomb threat na sa kalauna’y masasabing biro lamang o kapritso ng kabataan o estudyante at iba pa.

Nagbunga ito ng pagkaistorbo o pagkakansela ng mga klase, pagkasayang ng mga oras, pinansya, tao, gamit at panahon ng mga awtoridad, takot ng mga bata at kanilang mga magulang at iba pa.

Kung tutuusin, hindi imposibleng magkaroon ng bombahan sa mga eskwela dahil meron naman ito talaga sa bansa, sa Kamindanawan man o sa mga lugar na may mga rebeldeng komunista.

Kaya magandang may bomb threat o bomb joke para maging alerto lagi ang lahat.

At makagawa sila ng mga paraan kung sila’y nagkukulang sa ilang mga bagay sa kanilang pagresponde.

Pero ang bomb joke ay iba pa rin, gawa man ng mga kabataan o hindi.

Paano kaya magkaroon ng pambansang batas para rito, mga kagalang-galang na kongresman at senador?

LAHAT NA LANG NEGOSYO SA BILIBID

January 31, 2023 @2:32 AM

HINDI ba’t itinaas na ang sahod ng mga unipormadong kawani ng pamahalaan? Mula sundalo, kapulisan at maging mga bumbero at jail guards? Bakit maugong ngayon ang bagong raket sa New Bilibid Prisons?

Umusok ito nang ipahayag noong nakaraang linggo ni Bureau of Corrections officer-in-charge Gregorio Catapang Jr. na may mahigit P300,000 cash silang nadiskubre mula mismo sa mga bantay ng NBP.

Sabi ni Catapang, ang pera ay mga patago raw ng mga bilanggo sa kanilang mga tagabantay. May kakaiba na palang banko sa loob ng bilibid?

Nadiskubre ni Catapang na ang mga patagong pera ng mga bilanggo ay kadalasang galing sa mga kamag-anak ng mga ito na ipinadadala sa pamamagitan ng electronic wallet gaya ng g-cash, pay-maya at iba pa.

Ang masaklap dito, may binabawas na “charges” ang mga bantay na tumatanggap ng padalang pera para sa mga bilanggo. Bilang kabayaran, ibinabawas ng mga tagabantay ng mga preso ang sampu hanggang dose porsiyento na halaga ng padala, at kung minsan ay 20 percent pa nga ang kaltas.

Kaya sa ipinadalang P1,000 halimbawa ay may kaltas na P100 o kaya’y P200. Ilagay natin sa nakumpiskang P300,000, ang 10 percent nito ay P30K at kung 20% ang kaltas, ito ay P60K.

Ibig sabihin ay pinagkakakitaan ito ng mga bantay ng BuCor. Ayaw ni Catapang nito dahil agrabiyado rito ang kanyang mga preso.

Anoman ang paggagamitan ng mga perang padala para sa mga preso, para kay Catapang, ay ‘di dapat sinasamantala ito ng kanyang mga taga-bantay sa mga preso sapagkat tumatanggap naman ang mga ito ng sahod.

Iba talaga diyan sa bilibid. Lahat ay nagagawang pagkakitaan. Magagaling palang mga negosyante itong correction officers.

Noon pa natin naibulgar ang mga iligal na negosyo diyan sa NBP. Mula sa P500-P1,000 na ‘lagay-sa- bantay’, ang isang bilanggo ay maaari nang magkaroon ng ordinaryong cellfone o kaya naman ay telebisyon.

Ang pagpa-process ng ‘release paper’ ay may katumbas na P50,000. Bukod pa yan, sa kagustuhang magpasok ng babae ang isang preso. Iba rin ang presyo kung gustong magpatakbo ng sugalan sa loob.

Ang alak, sigarilyo at droga ay kaya rin, mabilis sa halagang P1,000. Kaya naman hayahay ang buhay ng karamihang correction officials at officers. Iba’t ibang hanapbuhay ang meron pa kayo!

oOo oOo oOo

Assalamu Alaikum Warahmatullahi Wabarakatuh!

CONSUMERS, ONLINE SELLERS NOW PROTECTED

January 31, 2023 @2:30 AM

MALABON City Rep. Jaye Lacson-Noel assured that both consumers and online merchants along with ride-hailing providers will now be fully protected with the passage of House Bill 00004 or the Internet Transactions Act.

Her bill will also pave the way for the establishment of the e-Commerce Bureau that’ll be under the Department of Trade and Industry.

This will be headed by a director who’ll be appointed by the President, said Rep. Lacson-Noel who expressed gratitude to her colleagues led by House Speaker Ferdinand Martin Romualdez and Senior Deputy Majority Leader Sandro Marcos, the son of President Ferdinand ‘Bongbong’ Marcos Jr.

“This bill, which was already transmitted to the Senate, once it becomes a law will surely guarantee the protection for both consumers and merchants in online transactions which have become a trend when we’re struck by the Covid-19 pandemic.”

Her bill adhered to the policy of the State to promote and maintain a robust electronic commerce environment in the country by building trust between online merchants and consumers.

On the functions of the e-Commerce Bureau, Rep. Lacson-Noel said it’s primarily tasked to implement, monitor and ensure strict compliance by e-commerce stakeholders of the provisions of the law.

While the interest of the consumers, online merchants or e-commerce platform operators as well as the ride-hailing providers are fully protected under the bill, they have mutual obligations that they must observe and follow.

For online merchants, they must ensure that any commercial communication should be clearly identifiable as a commercial communication and so the person on whose behalf the commercial communication is made, among others.

While the online merchant could be liable to the consumer because of a lack of conformity with the contract resulting from an act or omission by a person in earlier links of the chain of transactions, “the online merchant is entitled to pursue remedies against the person or persons liable in the chain of transactions,” she said.

“Also, the consumer is not entitled to a remedy to the extent that the consumer has contributed to the lack of conformity with the contract or its effects,” she stressed.

INDIGENT SENIOR CITIZENS, MAKATATANGGAP NG P12K NGAYONG 2023

January 31, 2023 @2:28 AM

TUTUTUKAN ng tanggapan ni Senator Juan Edgardo “Sonny” Angara ang Department of Budget and Management at ang Department of Social Welfare and Development para maseguro na makukuha ng tinatayang 4.1 million indigent senior citizens ang kabuuang P12,000 na social pension simula ngayong taong 2023.

Pinaalalahanan ng senador ang dalawang kagawaran na malinaw na itinatadhana ng Republic Act No. 11916 ang 100% na pagtataas ng pensyong matatanggap ng mga nakatatanda. May inilaang badget ang national government at ang Kongreso para rito na nakapaloob sa P5.268 trillion national budget ngayong taon.

Alinsunod sa bagong batas, mula sa dating P500 ay magiging P1,000 na ang social pension ng mga nakatatanda na kabilang sa sector ng mga mahihirap. Ginawa ito upang matulungan sila sa kanilang mga pangangailangan partikular sa kanilang maintenance medicines, maliban pa ito sa 20% discount na bahagi ng kanilang pribilehiyo.

Ayon sa DSWD, ang mga lolo at lola na maaari lamang makakuha ng P1,000 kada buwan na social pension ay mga may sakit, may kapansanan, nanghihina, walang nakukuhang pension mula sa Social Security System at Government Service Insurance System, walang trabaho o negosyo, at walang sumusuportang kamag-anak.

Sinasabing may 10% ng 9 million senior citizens sa ating bansa ay namumuhay na mag-isa. Hindi nila napaghandaan ang kanilang pagtanda, walang SSS o GSIS, mga maagang nawalan ng asawa, mga tumandang dalaga o binata, at may mga inabandona ng sariling pamilya.

Pakiusap natin sa mga kapwa natin senior citizens na kung kayo naman ay medyo nakaaangat sa buhay, huwag ng pag-interesan pa ang P1,000 kada buwan na pension. Sa totoo lamang, saan pa ba makakarating ang P1,000 sa mahal ng mga bilihin ngayon.

Sana ay may makita pang pamamaraan ang Marcos administration at ang Kongreso sa pamamagitan ni senator Angara na mapataas pa bawat taon ang social pension para talagang mapakinabangan ng ating mga kababayang nakatatanda.