MANILA, Philippines- Itinutulak ni Pangulong Ferdinand R. Marcos Jr. ang promosyon ng educational tourism sa pagitan ng Japan at Pilipinas na mayroong espesyal na pagtuon  sa “exchange of students at professionals” sa  tourism-related institutions.

Inimbitahan din ng Pangulo ang mga Japanese students na mag-aral sa Pilipinas  sa isinagawang roundtable meeting kasama ang tourism stakeholders sa Tokyo, Japan.

Sa ilalim ng kanyang administrasyon, sinabi ni Pangulong  Marcos na ang  tourism industry “shifted its gaze to becoming more than just a promotion arm of the government, but also to ensuring that travel is not only convenient, connected, and equal for travelers, but as well as for locals who are living and preserving our invaluable key and emerging tourist destinations.”

“With this in mind, this government has set the direction to harness the development of tourism in key tourism destinations. Through this, we will make sure that hard and soft infrastructure is well-developed, from roads and bridges to medical facilities, clean water supplies, and readily accessible for tourists and locals alike,” ayon pa rin sa Chief Executive.

Matatandaang, sa unang  State of the Nation Address (SONA) ng Pangulo, binanggit nito na isa sa pangunahng prayoridad ng kanyang administrasyon ay ang turismo.

Sa panahon ng  pre-pandemic, tinuran ng Pangulo ang naging 12.9% o 13% na kontribusyon ng turismo sa  gross domestic product (GDP) ng bansa.

“We are banking on this potential to reshape the industry to be one of the key economic drivers of the country. We are well on our way to recovery, this I assure you, with more than 2.65 million foreign visitors we have welcomed last year, that’s exceeding the initial target of 1.7 million,” ayon sa Punong Ehekutibo.

Ang Pilipinas at Japan ayon sa Chief Executive ay  “deeply rooted  unique appreciation and preservation of our culture, our traditions, and our heritage.”

“Now, this is something we admire and can share with our Japanese friends, whose success in the tourism sector is profoundly etched in one’s cultural identity that has adapted and strengthened over time,” diing pahayag ng Pangulo.

Winika pa ng Pangulo na ang bansa ay bukas at handang i-welcome ang mga Japanese.

“As of January 30, Japan ranks sixth among the country’s foreign visitors,” ayon sa Pangulo.

“And as a country that recognizes the linkages of our success to that of our neighbors such as Japan, working together in boosting our tourism sector is vital to economic resurgence,” aniya pa rin. Kris Jose

MANILA, Philippines- Dapat imbestigahan ng Department of Migrant Workers (DMW) ang “dummy” Filipino owners ng recruitment agencies, ayon kay Senator Jinggoy Estrada.

“Let’s just request the DMW to scrutinize the recruitment agencies, whether the proprietors of these recruitment agencies have the financial capability to run its operations,” pahayag ni Estrada sa hearing nitong Miyerkules.

Sa ilalim ng Labor Code ng bansa, tanging Filipino citizens lamang ang makakukuha ng lisensya para magpatakbo ng recruitment agencies na may minimum capital na P5 milyon.

Ayon sa DMW, babawiin ang lisensya ng recruitment agencies at ilalagay ang incorporators sa derogatory kapag lumabag ang mga ito.

Inihayag ni Estrada ang pagkabahala sa recruitment agencies matapos patayin si Jullebee Ranara, isang household helper sa Kuwait, ng 17-anyos na anak ng kanyang employer.

Batay sa inisyal na imbestigasyon ng DMW, hindi nakasunod ang local at foreign recruitment agencies fni Ranara sa compulsory monitoring requirements ng deployed workers. RNT/SA

LANAO DEL SUR- Nakabalik na sa kanilang command post sa Bukidnon ang 39 miyembro ng 1st Special Forces Battalion matapos harangin ng mga kasapi ng Moro Islamic Liberation Front (MILF) makaraan mapagkamalan na New People’s Army (NPA) noong Martes sa probinsyang ito.

Paglilinaw ni Philippine Army spokesperson Colonel Xerxes Trinidad, napagkamalan lamang ng mga MILF ang mga sundalo na teroristang grupo na minsan at nagpapanggap na tropa ng pamahalaan.

Aniya, nagkaroon ng verification process para patunayan na totoong kasapi ng PA ang 39 na sundalo para maiwasan na magkaroon ng engkuwentro.

Sinabi pa ni Trinidad na nagkaroon ng koordinasyon ang militar sa MILF sa lahat ng isasagawa nilang operasyon lalo na sa mga liblib na lugar.

Dagdag pa ni Trinidad na maaaring mahina ang signal sa lugar kaya nagkaroon ng miscommunication.

Nagtungo sa Lanao del Sur ang 1st Special Forces Battalion ng 403rd Brigade, na nasa ilalim ng Eastern Mindanao Command (Eastmincom), bilang tugon sa impormasyon tungkol sa mga miyembro ng NPA sa lugar.

Dagdag pa ni Trinidad na nagkaroon ng koordinasyon ang Army sa Western Mindanao Command (Westmincom), na sumasaklaw sa Lanao del Sur, para sa pagpapalawak ng area of cooperation ng brigada.

“Kung mapapansin niyo sa parte po ng Bukidnon itong under ng 403rd Brigade. Parte po ng Lanao del Sur, na-coordinate po natin yan dito sa Westmincom. Kung saan po coordinated din po ‘yan sa ating mga kasamahan sa MILF,” ani pa Trinidad.

“Para matiyak ang kaligtasan ng mga tropa ng AFP, ang MILF-BIAF ay nagpalipas ng gabi muna ang mga ito sa ligtas na lugar. Ang militar at MILF ay magkatuwang sa pagsugpo sa mga teroristang grupo at matuldukan ang karahasan,” dagdag pa ni Trinidad. Mary Anne Sapico

MANILA, Philippines- Makararanas ang bahagi ng Taytay, Angono, at Binangonan sa Rizal Province ng hanggang anim na oras na water service interruption mula alas-10 ng gabi sa Feb. 9.

Sa water service advisory ng Manila Water, inanunsyo ng water concessionaire announced na mawawalan ng tubig sa bahagi ng Barangay San Juan sa Taytay simula alas-10 ng gabi sa Feb. 9, Huwebes, hanggang alas-4 ng madaling araw sa Biyernes, Feb. 10.

Magreresulta ang pipe maintenance works ng Manila Water personnel sa Summerfield Villas area sa Barangay San Juan, Taytay, sa kawalan ng tubig.

Simula alas-11 ng gabi sa Feb. 9, magsasagawa rin ng scheduled line meter replacement works ang Manila Water sa Valle Street, Jupiter Street, at Javier Compound, sa Taytay, na magreresulta sa water service interruption hanggang alas-5 ng umaga sa Feb. 10.

Sa Angono, magkakaroon naman ng line replacement activity ang Manila Water sa San Lorenzo Ruiz  sa harap ng McDonald’s Angono na magreresulta sa water service disruption sa Feb. 9 simula alas-10 ng gabi sa bahagi ng Barangay Kalayaan. Nakatakdang ibalik ang water service pagsapit ng alas-4 ng madaling araw sa Feb. 10.

Sa Binangonan, inaasahang magsisimula ang scheduled water service interruption dakong alas-10 ng gabi sa Feb. 10 hanggang alas-4 ng madaling araw sa Feb. 11, Sabado, sa bahagi ng Barangay Pantok at Barangay Bilibiran. RNT/SA

MANILA, Philippines- Naupo si Vice President at Education Secretary Sara Duterte bilang presidente ng Southeast Asian Ministers of Education Organization (SEAMEO) nitong Miyerkules.

Sa opening ceremony ng SEAMEO Council Conference, si Duterte na kinatawan ng Pilipinas ang itinalagang pinuno ng  international agency mula sa Singapore.

Sa kanyang talumpati, hinikayat ni Duterte ang member countries na umaksyon na at resolbahin ang mga umiiral na isyu sa ASEAN education systems.

“In all of these, one thing is clear: we need to act now. We cannot afford to waste more time,” giit niya.

“As education leaders, we cannot allow ASEAN children to miss out on the beauty and benefits of learning, and the wonders of being able to use it positively to impact ASEAN and the world,” dagdag ni Duterte.

Kinilala rin ni Duterte na “learning poverty has worsened,” batay sa UNICEF report kung saan nakasaad na mahigit kalahati ng1 edad 10 sa low at middle income nations ang hindi marunong magbasa at makaintindi ng kwento kahit pa bago magsimula ang pandemya.

Inilatag din ni Duterte ang “MATATAG” agenda kung saan kabilang ang mga inisyatiba para oagbutihin ang curriculums, pabilisin ang paghahatid ng basic education facilities at supplies, at pagsusulong ng inclusive education at mas mainam na suporta para sa mga guro.

“As the SEAMEO Council convenes today, I urge everyone to embrace the spirit of bayanihan, keeping in mind who is at the heart of the work that we do: our ASEAN learners,” pahayag ni Duterte.

Huling pinamunuan ng Pilipinas ang SEAMEO Council sa ilalim ng termino ni dating Education Secretary Bro. Armin Luistro noong 2010.

Ang SEAMEO ay isang international group na naglalayong pag-igihin ang “regional understanding and cooperation in education, science and culture for a better quality of life in Southeast Asia.”

Inaasahang pangungunahan ng Pilipinas ang council mula 2023 hanggang 2025. RNT/SA