Proyektong nasimulan ni Digong, dapat ituloy ni Sara; Isko sa Maynila muna – muslim group

Proyektong nasimulan ni Digong, dapat ituloy ni Sara; Isko sa Maynila muna – muslim group

February 26, 2021 @ 11:39 AM 2 months ago

  •  
  •  
  •  

MANILA, Philippines – Dapat umanong maipagpatuloy ang naumpisahang mga proyekto at progarama ng gobyerno ng susunod na uupong Presidente ng Pilipinas.

Kaya naman, nais grupo ng World Philosopher forum Chairman Shariff Ibrahim na kailangan ipagpatuloy ni Mayor Inday Sara Duterte ang sinimulan ng kanyang tatay na si Pangulong Rodrigo Duterte upang maipagpatuloy nito ang Legacy.

Paliwanag ni Ibrahim, hindi maaring mag-tandem ang magkalaban dahil lagi magkasalungat ng mga ipinaglalaban kaya hindi umuusad ang bansa.

Ayon pa kay Ibrahim, kaya aniya naghahati-hati ang mga Filipino, muslim at buong sambayan dahil sa hindi pagkakasundo ng mga namumuno kaya dapat si Inday Sara ang sumunod na maging Pangulo ng Pilipinas

Sakali naman aniyang tatanggi hanggang sa last minute ng paghahain ng kandidatura si Inday Sara ay hahanap sila ng maaring maging ulo na magpapatuloy ng nasimulan ni Du30.

Maari naman aniyang maging Vice Presidente si BongBong Marcos ngunit hanggang ngayon aniya ay hindi naman nagpaparamdam upang siya ay matulongan ng grupo.

Sa ngayon naka-focus ngayon ang grupo sa pagtutulak kay Inday Sara sa pagka-presidente.

Umikot na rin sila sa buong Mindanao kung saan 95 porsyento ng mga muslim liders ang kanilang kinunsulta at Duterte pa rin ang kanilang gustong magpatuloy sa sinimulan ng kasalukuyang nakaupo.

Ayon pa kay Ibrahim, walang sistema sa bansa dahil sa paiba-ibang presidente na hindi naman naipapagpatuloy ang mga nasimulan na adbokasiya dahil  aniya napapag-iwanan na ang Pilipinas.

Handa naman aniya ang grupo na ipagtanggol ang Pangulo sa mga batikos  para lamang maipagpatuloy ang kanilang nasimulan.

SAMANTALA, naniniwala rin ang grupo ng mga Muslim na kailangan munang ipagpatuloy ni Manila Mayor Francisco ‘Isko Moreno” Domagoso ang nasimulan nitong pagbabago sa Maynila bago sumabak sa Presidency.

Giit ni Chairman Ibrahim sa nasabi ring forum na pre-mature pa para maging Presidente ng Pilipinas si Isko.

“In fairness kay Mayor Isko napakaganda ng sinimulan niya sana ipagpatuloy pa muna… premature pa.. 3 years still young, tapusin  niya para maipakita at maghanda siya for 2028” ayon pa kay Ibrahim.

Inihalimbawa rin ni Ibrahim si dating Pangulong Ferdinand Marcos na ilang dekada nanungkulan sa gobyerno bago ito naging Pangulo ng Pilipinas kung saan nagawa nitong maging number 2 ang bansa pagdating sa ekonomiya.

Si Domagoso ay itinutulak din na tumakbong presidente ng netizens na sumusuporta sa kanya dahil sa magandang nagawa nito sa Maynila.

Ilang mga campaign materials na rin ang lumabas sa social media tulad ng tandem nila ni Senator Ping Lacson.

Ngunit sa kanyang pananaw, sinabi ng alkalde na marami pang problema sa Maynila na kailangang ayusin kaya ang pagtakbo bilang Pangulo ay wala pa sa kanyang isipan.

Lahat naman aniya ay may pangarap na tumaas ang posisyon ngunit darating din ang tamang panahon para diyan dahil sa ngayon nakatutok ito sa kapakanan ng Manilenyo. Jocelyn Tabangcura-Domenden


  •  
  •  
  •