PRRD, bukas makipag-usap sa Tsina sa isyu sa Spratly Island

PRRD, bukas makipag-usap sa Tsina sa isyu sa Spratly Island

April 5, 2022 @ 7:30 PM 3 months ago


MANILA, Philippines – Bukas na makipag-usap si Pangulong Rodrigo Duterte sa China kaugnay ng isyu ng agawan sa West Philippine Sea.

Ito ang binanggi ng pangulo kay Chinese Ambassador Huang Xilian, habang nagtatalumpati sa inagurasyon ng Binondo-Intramuros Bridge Project sa Maynila, hapon ng Martes, Abril 5.

Ang pahayag na ito ni Pangulong Duterte ay ilang linggo rin makaraang iulat ng Philippine Coast Guard ang “close distance maneuvering  incident” ng barko ng Tsina sa karagatan ng Panatag Shoal, dahilan para maghain ang Pilipinas ng diplomatic protest laban sa Beijing.

“Ambassador Huang, the Philippines and China, we don’t have any quarrel and we can talk about the Spratly Islands and probably the fishing rights of my countrymen, plain talk, nothing else,” saad ni Duterte.

“In doing so, our people are given the chance to experience economic growth and enhance productivity. In doing so, our nation is likewise working together towards greener, more sustainable and climate change resistance infrastructure.”

Nabatid na present din sa inagurasyon ng tulay si Ambassador Huang.

Sabi naman ni Huang, may magandang relasyon ang Pilipinas at China na aniya’y “good neighbors and close friends.”

“China and the Philippines are good neighbors and close friends. From the Binondo-Intramuros Bridge we can see our cooperation and the bright future of our relations,” anang Ambassador.

“We are willing to work with the Philippine site to further deepen our practical cooperation for more benefits to our peoples,” dagdag niya.

Samantala, sa Biyernes, Abril 8, ay magkakaroon ng virtual meeting sina Pangulong Duterte at Chinese President Xi Jinping.

Ang pulong ay inisyatibo ng gobyerno ng China. RNT/ JCM