Puganteng Korean national naaresto ng BI

Puganteng Korean national naaresto ng BI

April 25, 2022 @ 5:00 PM 2 months ago


MANILA, Philippines- Nahuli ng mga operatiba ng Bureau of Immigration (BI) ang isang puganteng South Korean na pinaghahanap sa South Korea sa kasong murder at pagkakasangkot sa massive telecommunications fraud.

Naaresto si Jang Youngjn, 38, ng Fugitive Search Unit (FSI) ng BI sa kanyang tinutuluyan sa Cubao, Quezon City nitogn Biyernes.

Ayon kay BI-FSU chief Rendel Ryan Sy, si Jang ay kasama sa Interpol red notice at may dalawang magkahiwalay na outstanding warrants of arrest mula sa Cheongju District court at sa Seoul Central District court.

Ang kanyang murder case ay mula sa isang insidente sa Parañaque City noong Enero 16, kung saan ginulpi umano ni Jang ang isa pang Korean national sa isang pagtatalo sa inuman kung saan namatay ang biktima dahil sa head trauma.

Dawit din umano si Jang sa isang telecom fraud syndicate sa Tsina na nambibiktima ng  mga Korean sa pamamagitan ng voice phishing scam.

Kasalukuyang nakakulong ang suspek sa BI Warden Facility sa Camp Bagong Diwa, Taguig City at naghihintay ng deportation. RNT/SA