Pulis at 12 drug personalities, timbog sa Navotas City

July 14, 2018 @ 1:27 PM 4 years ago

Navotas City – Isang Caloocan City pulis at 12 pa na mga drug personalities kabilang ang dalawang babae ang naaresto ng mga tauhan ng Northern Police District (NPD) sa isinagawang anti-illegal drug operation sa loob ng Navotas Fish Port Complex kagabi July 13 sa Navotas City.

Si PO2 Michael Del Monte, 42, na nakatalaga sa Caloocan City Police at residente ng 1614-B Herbosa St, Tondo, Manila kabilang ang siyam pang drug personalities ay naaresto ng mga awtoridad matapos maaktuhang nagpa-pot session.

Nauna rito pasado alas-11:30 ng gabi ay huli sa akto sina Romeo Santiago alias “Manok” 33, Melenia Santiago, 53, pawang taga -Sagingan, Market 3, Brgy. North Bay Boulevard North (NBBN) at si Mark Jay-r Ramirez, 30, ng Yellow Ville, Brgy. North Bay Boulevard South (NBBS) habang hawak ang isang pakete ng shabu iniabot sa poseur-buyer na pulis kapalit ng P500 marked money.

Kasama rin sa mga naaresto sina James Castelo alias “Choy”, 35, isang mangingisda na taga Brgy Pandayan, Bolinao Pangasinan; Joselito Amantillo, 54 ng Block 3 Lot 22 Market 3 Brgy. NBBN; Ronald Manalus, 22 ng Block Lot 2 Market 3 NBBN; Efren Alto 29, mangingisda ng Block 10 Lot 4 Brgy. NBBN; Ritchie Buenaventura, 33, mangingisda ng 46 Miguel St., Brgy. NBBN; Marvin Casil 38 11 C. Perez St. Judge Jose Oreta, Malabon city; Juan Batiancilla, 63 ng Block 7 Market 3 at si Rose Ann Leong, 27 ng 1430 M. Naval St. Brgy Tangos,

Nakarekober ng mga awtoridad sa mga naarestong suspek na umabot sa 20 pirasong plastic sachets ng shabu na umabot sa 40 gramo ng shabu, at isang .9mm Beretta pistol na may isang magazine na kargado ng anim live bullets mula kay PO2 Del Monte, at caliber. 28 revolver na may apat na live bullets, at ang buy bust money at maraming piraso ng drug paraphernalia.

Ayon kay Navotas City Police chief Sr. Supt. Brent Milan Madjaco ang mga narestong suspek ay sinamphan ng kasong paglabag sa Section 5 in relation to Section 26, Section 11 and Section 13 of Article II of R.A 9165 or the Comprehensive Dangerous Drug Act of 2002 at paglabag sa R.A 10592 or the Comprehensive Firearms and Ammunition Act sa Navotas City Prosecutors Office. (Roger Panizal)

3

Sun

3

Sun

Pulis at 12 drug personalities, timbog sa Navotas City

Pulis at 12 drug personalities, timbog sa Navotas City

Pulis at 12 drug personalities, timbog sa Navotas City

Pulis at 12 drug personalities, timbog sa Navotas City

MANILA, Philippines- Sa pagdiriwang ng International Plastic Bag Free Day, nagsagawa ng aktibidad ang BAN Toxics, isang environmental group kung saan hinikayat ang mga Filipino customers at vendors na tanggalin na ang single-use plastic bags pabor sa reusable at eco-friendly na mga alternatibo.

Ginanap ang aktibidad sa R. Calalay Frisco Market sa Quezon City upang itaas ang kamalayan sa krisis sa plastik sa Pilipinas at isulong ang mga eco-friendly na bag.

Ang International Plastic Bag Free Day ay idinisenyo upang itaas ang kamalayan ng publiko sa plastic pollution at ang epekto nito sa ecosystem at biodiversity, lalo na sa marine wildlife.

Itinatag ito bilang isang pandaigdigang inisyatiba na may layuning ipagbawal ang mga single-use na plastic bag sa buong mundo at hikayatin ang lahat na lumipat sa mga alternatibong makakalikasan upang itaguyod ang pangangalaga sa kapaligiran.

Samantala, ang pandaigdigang produksyon ng plastik ay tumaas mula 2 milyong tonelada noong 1950s hanggang higit sa 438 milyong tonelada noong 2017, isang trend na inaasahang magpapatuloy. Jocelyn Tabangcura-Domenden

MANILA, Philippines- Nasabat ng mga awtoridad nitong Linggo ang P272 milyong halaga ng hinihinalang “shabu” (crystal meth) mula sa isang Chinese national sa isang buy-bust operation sa Quezon City.

Nagtulungan ang Philippine National Police Drug Enforcement Group at Philippine Drug Enforcement Agency (PDEA) sa isang operasyon na ikinasa sa Barangay Lourdes.

Sa nasabing operasyon, naaresto ang isang Chinese national alyas “Jia,” 33.

Nakumpiska rin ang 40 kilo ng hinihinalang shabu mula sa suspek na kasalukuyang hawak ng PDEA. RNT/SA

MANILA, Philippines- Swak sa kulungan ang dalawang bagong indentified drug personalities, kabilang isang misis matapos makuhanan ng higit P97,000 halaga ng shabu sa Malabon City, kamakalawa ng madaling araw.

Kinilala ni Malabon police chief Col. Albert Barot ang naarestong mga suspek bilang sina Celia Orenda, 56 at Nilo Orlanda alyas “Unuo”, 46, kapwa ng Caloocan City.

Ayon kay Barot, dakong alas-2:30 ng madaling araw nang magsagawa ang mga operatiba ng Station Drug Enforcement Unit (SDEU) sa ilalim ng pangangasiwa ni Alexander Dela Cruz ng buy bust operation sa kahabaan ng P. Aquino St. Corner Dr. Lascano St., Brgy. Tugatog.

Isang pulis na nagpanggap bilang poseur buyer ang nagawang makipagtransaksyon sa mga suspek ng P500 halaga ng shabu at nang tanggapin ng mga ito ang marked money mula sa poseur-buyer kapalit ng isang plastic sachet ng shabu ay agad silang sinuggaban ng mga operatiba.

Nakumpiska sa suspek ang limang heat-sealed transparent plastic sachet na naglalaman ng tinatayang 14.37 grams ng hinihinalang shabu na may Standard Drug Price P97,716 at buy-bust money.

Ani PSSg Jerry Basungit, kakasuhan ang mga suspek ng paglabag sa RA 9165 o ang Comprehensive Dangerous Drug Act of 2002. Boysan Buenaventura

MANILA, Philippines- Lubos na ikinatuwa ni Navotas Mayor John Rey Tiangco ang pagtatapos ng 39 na kapwa Navoteño na dating gumamit ng ilegal na droga sa Bidahan community-based rehabilitation program dahil sa kanilang pagsisikap na magbago at suporta ng kanilang mahal sa buhay.

“Suportahan po natin sila para tuluyan ng magbago ang kanilang buhay at maging produktibo silang mamamayan ng ating lungsod,” paghikayat ni Tiangco. Jojo Rabulan

MANILA, Philippines- Nasunog ang isang hotel isa Pasay City nitong Lunes ng umaga, ayon sa Bureau of Fire Protection (BFP).

Bataysa ulat ng BFP-National Capital Region Public Information Office nagsimula ang apoy sa kusina ng Sofitel Philippine Plaza Manila.

Itinaas ang sunog sa first alarm kaninang alas-11:37 ng umaga.

Nakontrol naman ito pagsapit ng alas-12:01 tanghali at tuluyang naapula kaninang alas-12:09 ng tanghali.

Sa kasalukuyan ay wala pang ibang inilalabas na detalye ukol sa insidente. RNT/SA