PULIS NA NAMARIL SA MAG-INA NAG-PLEA NG NOT GUILTY

PULIS NA NAMARIL SA MAG-INA NAG-PLEA NG NOT GUILTY

January 14, 2021 @ 12:17 AM 2 days ago

  •  
  •  
  •  

NAGHAIN kamakailan ng “not guilty plea” sa pamamagitan ng isang video conference sa kasong double murder ang dating pulis na si Jonel Nuezca.

Nakunan ng video nang pagbabarilin ni Nuezca sa ulo ang mag-inang kapitbahay niya sa Paniqui, Tarlac noong Disyembre 2020.

Hindi ko malaman kung titirisin o susunugin kong buhay ang ulol na pulis na ito dahil siya pa ang may ganang mag-plea ng not guilty gayung kitang-kita naman sa social media at sa iba pa ang ginawa niyang pagmamaril sa mga ulo ng mag-inang Sonia at Frank Anthony Gregorio dahil lang sa away sa lupa.

Kung sabagay hanggang hindi pa napatutunayan ang kaso, “everyone charged with a penal offence has the right to be pressumed innocent until proven guilty according to the law in a public trial which he has had all the guarantees necessary for his defense….”

Ang nakapanginginig lang kasi ng laman dito ay kung bakit siya pa ang may ganang “mag-plea ng not guilty” gayung milyon-milyong Filipino ang nakasaksi sa pamamagitan ng video ukol sa ginawa niyang pamamaril sa mag-ina.

Ang tanong ko ay tama ba ‘yun???

Alam ninyo, kung tutuusin, kulang na lang sa mamang pulis na ito na kunin na siya ni “Satanas” para kahit papaano ay mabawas-bawasan ang mga masasamang tao sa mundo na katulad niya.

Mahirap nang mabuhay ang mga tulad niya na maihahambing natin sa isang kriminal at hindi pulis.

Ang inaalala ko lang dito, baka sa bandang huli ay mahilot ng mamang pulis na ito ang kasong kinasasangkutan niya.

Buti na lang at napabilis ang pagbaba ng hatol ng PNP na tuluyan na siyang sibakin sa serbisyo ni PNP chief Gen. Debold Sinas

Dapat lang ‘yan, Heneral, dahil baka dumami pa ang mga ganitong uri ng pulis.

Ikaw rin ang mahihirapan niyan sa bandang huli. He..he..he..he.

Anyway, at least, tanggal na sa kanyang serbisyo at nakakulong na si Nuezca at umaasa tayo na magiging patas ang hustisya sa kasong double murder na kinasasangkutan ng ulol na pulis na ito!

Umaasa rin tayo na sana, ito na ang huling kaso na nagawa ni Nuezca at sana rin, dito na siya tuluyang hindi makalabas sa kulungan at hindi tulad ng dating naging mga kaso nito na pinaglalaruan niya ang hustisya.

Kaya, ikaw dating Police Sargeant Jonel Nuezca, habang may buhay ka pa, humingi ka na ng kapatawaran sa “Panginoong Jesus Kristo.”

Nawa’y patawarin ka niya sa lahat ng mga ginawa mong mga pagpatay sa mga inosenteng tao.

Kaya naniniwala po tayo na ang “batas ay hindi natutulog” at natutulog man, sa bandang huli ay nagigising naman!

Anomang puna o reklamo i-text sa 09189274764, 09266719269 o i-email sa juandesabog@yahoo.com o juandesabog48@gmail.com.


  •  
  •  
  •  

Loading...