PUV pre-pandemic routes muling binuksan ng LTFRB

PUV pre-pandemic routes muling binuksan ng LTFRB

December 29, 2022 @ 7:00 PM 4 weeks ago


MANILA, Philippines- Balik na ang public utility vehicles (PUVs) sa Metro Manila sa kanilang pre-pandemic routes, ayon sa Land Transportation Franchising and Regulatory Board (LTFRB) nitong Huwebes.

Sa ilalim ng Memorandum Circular No. 2022-084, ipinag-utos ng LTFRB pang pagbabalik ng operasyon ng traditional at modernized public utility jeepney services, kabilang ang utility vehicle express services sa Metro Manila Urban Transportation Integration Study Update at Capacity Enhancement Program area, sa kanilang orihinal na ruta bago magkaroon ng pandemya.

Epektibo ang pagbabalik ng nalalabing PUV routes noong Disyembre 26.

“With the resumption of operations of public transport in their original, pre-pandemic routes, commuting will become easier and more convenient for the riding public,” ani LTFRB Technical Division chief Joel Bolano.

Sinabi ni LTFRB Chairman Teofilo Guadiz III na ang inisyatiba ay dulot ng tumataas na demand sa public transportation sa pagluluwag ngf mobility restrictions.

“It took a while to assess everything based on existing public health protocols and we hope the reverting of these routes to their old structures will provide the riding public more convenience in reaching their destinations,” aniya.

Magbubukas din ng karagdagang 28 ruta saklaw ang mga lugar sa National Capital Region, gaya ng Manila, Parañaque, Makati, Pasay, Marikina, Pasig, Makati at Quezon City. RNT/SA