Rayver, nanliligaw kay Julie Anne, nagpaalam na sa magulang!

Rayver, nanliligaw kay Julie Anne, nagpaalam na sa magulang!

August 13, 2022 @ 1:39 PM 1 month ago


Manila, Philippines – Totohanan na nga ang panliligaw ni Rayver Cruz kay Julie Anne San Jose.

Sa podcast ni Nelson Canlas, inamin ni Rayver na nagpaalam siya sa mga magulang ni Julie Anne para umakyat ng ligaw.

Pagtatapat ni Rayver na si Julie Anne ang una niyang naging ka-close nang lumipat siya sa GMA 7. Lalo raw sila naging close nang makasama niya ang Asia`s Limitless sa Siquijor para sa musical trilogy ng actress.

Nagsimula sa tuksuhan at kantiyawan ang lahat, lalo na nang magsama sila sa All-Out Sunday! That time ay kapwa loveless ang dalawa kaya walang dahilan para sila mailang sa isa`t-isa.

Samantala, tuloy-tuloy ang tinatamasang tagumpay ni Julie Anne, bukod sa lucky in love ang singer/actress ay tumanggap din siya ng Silver Award para sa kanyang Limitless: A Musical Trilogy, mula sa New Yorkk Festivals TV and Film Awards 2022. May special collaboration pa sila ni Gary Valenciano na matagal nang pangarap ni Julie Anne. Gerry Ocampo