MANILA, Philippines- Nakapagtala sa bulkang Kanlaon ng 41 volcanic earthquakes mula Hunyo 30, ayon sa Philippine Institute of Volcanology and Seismology (PHIVOLCSnitong Linggo ng hapon.

Sinabi ng Kanlaon Volcano Network (KVN) na sinabayan ang pagyanig ng “seven very shallow tornillo signals associated with volcanic gas movement along fractures within the upper volcanic slopes.”

Gayundin, base sa ground deformation data mula sa patuloy na GPS measurements, makikita ang short-term slight inflation ng lower anat d mid slopes mula Enero 2022.

“These are consistent with continuous electronic tilt recording of inflation of southeastern flanks since mid of March 2022,” sabi ng PHIVOLCS.

“The increased seismic activity and short-term ground deformation are likely caused by the shallow hydrothermal processes beneath the edifice that could generate phreatic or steam-driven eruptions from the summit crater,” dagdag nito.

Nagpaalala naman ang PHIVOLCS sa publiko na ang bulkang Kanlaon ay nasa Alert Level 1. Nangangahulugang ito ay nasa low level of unrest.

Ipinagbabawal din ang paglapit dito.

Hinikayat din ng PHIVOLCS ang civil aviation authorities na abisuhan ang mga piloto na iwasang magpalipad malapit sa tuktok ng bulkan dahil delikado ito. RNT/SA

Manila, Philippines – Sa eksklusibong artikulong inilabas ng PEP, mismong si Willie Revillame ang nagkumpirma na sa darating na September na magsisimulang maging fully operational ang Advanced Media Broadcasting Systems o AMBS.

Ang AMBS ay pag-aari ni dating Senator Manny Villar.

Nitong June 24 nagkaroon ng test broadcast.

Tiniyak ni Willie na sa kanya magmumula ang mga impormasyon na may kinalaman sa AMBS upang maiwasan ang disinformation.

Isang mahalagang posisyon ang hahawakan niya sa nasabing network.

Patunay ang pagiging punong abala ng TV host sa pagpili ng mga programang mapapanood doon, maging ang konsepto ng mga ito.

Pinag-aaralan din ang pagpasok ng Viva bilang partner ng AMBS.

Nakipagpulong na ang pamunuan sa mga del Rosario ng Viva.

Balita ring may mga programa sa ABS-CBN ang lilipat sa AMBS.

Curious ba kayo kung anu-ano ‘yon? Ronnie Carrasco III

MANILA, Philippines- Nais ni Pangulong Ferdinand “Bongbong” Marcos Jr. na pahusayin ang overseas Filipino Worker database management upang matukoy ang bilang ng mga OFW sa iba’t ibang bansa, maging ang mga bilang ng mga nais makauwi, upang malaman ang mga serbisyong maiaalok sa kanila, ayon kay Department of Migrant Workers (DMW) Secretary Susan “Toots” Ople nitong Linggo.

“Ipinag-utos… ni President Marcos na paigtingin ang database management para malaman ang bilang ng mga OFW na nasa iba’t ibang bansa at maging ‘yung bilang ng mga nais nang umuwi… anong serbisyo ang pwedeng ibigay sa kanila,” paliwanag ni Ople.

“Nais ni Pang. Marcos na magkaroon ng mga programa para sa mga OFW na papauwi ng bansa na nais makahanap ng trabaho, mag-retool or reskill at nais maging investor… Ili-link namin sila sa mga programa ng pamahalaan na angkop sa kanila,” dagdag niya.

Inihayag din ni Ople na inutusan din siya ni Marcos na alamin ang kalagayan ng mga pamilya ng mga OFW.

“Pinatutukan ni President Marcos ang pangangalaga, hindi lang sa mga OFW, kung di maging sa mga pamilya, lalo na ‘yung mga anak na parehong OFW ang magulang o isa sa mga magulang,” aniya.

Nilagdaan ni former President Rodrigo Duterte noong Disyembre 2021 anf Republic Act 11641 o ang batas na magtatalaga sa DMW. RNT/SA

MANILA, Philippines- Sinabi ng Malakanyang na hindi sila maglalabas ng anumang detalye  kaugnay sa  birthday celebration ni dating Unang Ginang Imelda Marcos,  ina ni Pangulong Ferdinand “Bongbong” Marcos Jr.

Sinabi ng Presidential Communications Operations Office (PCOO) na magpapalabas lamang sila ng kalatas kung may kinalaman sa public interest o kapakanan ng mamamayang Pilipino.

Ang pahayag na ito ng PCOO  ay matapos na magtanong ang Malacañang Press Corps hinggil sa detalye ng  photo releases ng pagdiriwang ng kaarawan ni Mrs. Marcos.

Ang Unang Ginang ay nagdiwang ng kanyang ika-93 kaarawan, kahapon Hulyo 2.

Nito lamang nakaraang Sabado, nag-post si Pangulong Marcos sa kanyang Instagram ng pagbati sa kanyang ina.

“I join the country in greeting our mother the happiest of birthdays! We wish you continued health, blessings, and joy,” ayon kay Pangulong Marcos. Kris Jose

MANILA, Philippines- Sa pagdiriwang ng International Plastic Bag Free Day, nagsagawa ng aktibidad ang BAN Toxics, isang environmental group kung saan hinikayat ang mga Filipino customers at vendors na tanggalin na ang single-use plastic bags pabor sa reusable at eco-friendly na mga alternatibo.

Ginanap ang aktibidad sa R. Calalay Frisco Market sa Quezon City upang itaas ang kamalayan sa krisis sa plastik sa Pilipinas at isulong ang mga eco-friendly na bag.

Dinaluhan ng mga boluntaryong ina at BT Patroller ang aktibidad at nagpakita ng iba’t ibang reusable at eco-friendly na mga bag na gawa sa mga likas na materyales tulad ng kawayan, rattan, pandan, niyog at dahon ng palma, tela, tela, at katsa upang hikayatin ang publiko na lumipat sa mga alternatibong magagamit muli.

Ang International Plastic Bag Free Day ay idinisenyo upang itaas ang kamalayan ng publiko sa plastic pollution at ang epekto nito sa ecosystem at biodiversity, lalo na sa marine wildlife.

Itinatag ito bilang isang pandaigdigang inisyatiba na may layuning ipagbawal ang mga single-use na plastic bag sa buong mundo at hikayatin ang lahat na lumipat sa mga alternatibong makakalikasan upang itaguyod ang pangangalaga sa kapaligiran.

Samantala, ang pandaigdigang produksyon ng plastik ay tumaas mula 2 milyong tonelada noong 1950s hanggang higit sa 438 milyong tonelada noong 2017, isang trend na inaasahang magpapatuloy. Jocelyn Tabangcura-Domenden