‘RIP’: SERENO & MORALES

‘RIP’: SERENO & MORALES

July 14, 2018 @ 4:57 PM 4 years ago


NAKABUBUWISIT at pamin­san-minsa’y natutunghayan pa ring nagngangangakngak iyang sina ex-Chief Justice Ma­ria Lourdes Sereno at out­going Ombudsman Conchita Carpio-Morales.

Kung minamalas-malas ka ay bubulaga na lang sa inyong telebisyon ang isang panayam o pagbabalita kung saan nag­ta­tatalak ‘yang si Sereno ukol sa pagkakasipa sa kanya ng mga kapwa mahistrado sa Sup­reme Court.

Ganoon din ‘yang amoy-lupang si Morales na mahilig mag­patutsada kahit wala namang katuturan ang sinasabi.

Ngunit sa isang banda, na­kat­utuwa na ring isipin na wala na sa poder ang mga buwisit na ‘yan.

Nagkasabay pa ngayong taon ang pagtatapos ng kaliga­yahan ng dalawang tuta ni Noy­­noy  Aquino na kapwa niya itinalaga; si Morales noong 2011 at si Sereno noong 2012.

Matatandaang naluklok ang dalawang ‘yan sa parehong pamamaraan. Napilitang magbitiw si ex-Ombudsman Merceditas Gutierrez bago ang kan­yang impeachment trial sa Senado.

Sabihin pa, ganoong bulok na style ni ngoyngoy ang gina­wa kay ex-CJ Renato Corona para ipuwesto si Sereno.

Kung bakit nagtagal sa puwesto ang mga inutil na ‘yan.  Sisihin ang inutil na naglagay sa kanila sa kapangyarihan.

Biruin n’yong napakahalaga ng mga sangay ng gobyerno na kanilang pinamunuan ngu­nit nagsilbi lamang silang mga tuta ng bopol sa Palasyo.

Sabi ng ilan, “poetic justice” ang tawag d’yan sa kinahinatnan ng dalawa sa panahon ni Pangulong Duterte.

Pareho silang pinagtampuhan ng panahon. Ika nga, “weather-weat­her lang, finished or not finished,” layas!

Rest in peace, Sereno at Morales.

***

Matutunghayan ang inyong lingkod 10AM-12­NOON sa Radyo Pilipinas, 738AM band Lunes-Biyernes. Mapanonood  din ang  programa sa a­king Face­book sa Erwin Tulfo Live @erwintulforeal. Welcome po ang inyong mga reaksyon, opinyon at reklamo. Ipadala sa etulfo2011­@ya­hoo.com o bisitahin n’yo kami sa  ERWIN TULFO  CENTER For  Media and Public Service, Room 303 Castro Bldg.,  #58 Timog Avenue, Quezon City (taas ng PSBank).

– DEADSHOT NI TULFO