Rwanda, Lao PDR COVID-19 vax certs oks na sa Pinas

Rwanda, Lao PDR COVID-19 vax certs oks na sa Pinas

April 29, 2022 @ 12:32 PM 2 months ago


MANILA, Philippines – Inaprubahan ng Inter-Agency Task Force (IATF) ang “acceptance and recognition” sa Pilipinas ng national COVID-19 vaccination certificates ng Lao PDR at Rwanda.

Sinabi ni Acting presidential spokesperson Martin Andanar, pumayag ang IATF na ang sertipikasyon mula sa dalawang bansa ay maaaring gamitin para sa protocols sa “arrival, movement, at quarantine.”

“This is in addition to other countries/territories/jurisdictions whose proofs of vaccination the IATF has already approved for recognition in the Philippines, and without prejudice to such other proofs of vaccination approved by the IATF for all inbound travelers,” ayon kay Andanar sa isang kalatas.

Ayon kay Andanar, ipinag-utos ng IATF sa Bureau of Quarantine, Department of Transportation-One-Stop-Shop, at Bureau of Immigration na ikunsidera lamang ang sertipikasyon na aprubado ng IATF. Kris Jose