HINDI lang mga sunog sa mga kabahayan ang dapat na bantayan ngayon kundi maging ang mga nagaganap sa mga kagubatan.

Sana hindi natin maranasan ang katatapos lang na sunog na tumupok sa malaking bahagi ng Kho Laem sa Sangkhla Buri District sa Thailand.

Nagkaroon ng sunog dahil lang sa pagluluto ng isang babae ng noodle sa inipon niyang mga dahon at tangkay ng mga puno sa lugar.

Sa ‘di pa malamang dahilan, nagkasunog sa Valencia Region sa Spain at isang linggo na itong binabaka ng daan-daang bumbero, gamit pati ang mga eroplano.

Lumayas sa lugar na sentro ng turismo ang nasa 1,500 residente at karamiha’y walang naisalba, maging ang mga hayop at bisikletang pinagkakakitaan nila.

May 60 namang sabay-sabay na sunog, bagama’t maliliit, sa dakong Asturias, Spain pa rin, at tatlong araw nang nagaganap ito.

Maraming bayan ang nasusunugan at nasa 500 na mga bumbero, kasama ang mga bumbero ng military, ang nagtutulong-tulong na maapula ang mga apoy.

Kapag pinag-uusapan ang mga sunog sa kagubatan, maaaring isama natin ang magugubat na lugar sa mga kalunsuran gaya ng Ninoy Aquino Parks and Wild Life Center sa Quezon Avenue, Quezon City at mismong Quezon Memorial Circle.

Magubat din ang Arroceros Forest Park malapit sa Manila City Hall, Marikina watershed, La Mesa Dam and Ecopark sa Fairview, Q.C. at iba pa.

Kapag nagkasunog-sunog ang mga ito, libo-libong tao, mga brad, ang apektado.

Libong mga establisimyento at kabahayan ang posibleng magliyab at maaabo.

At lalong hindi maganda ang mga pangyayari kung madadamay pati ang mga sentro ng serbisyo ng pamahalaan gaya ng patubig sa kaso ng La Mesa Dam and Ecopark at kabuhayang itinayo sa mga lugar na ito.

Lahat dapat mag-ingat sa mga sunog at matutong pigilan o lumaban sa mga ito na nagdudulot ng mga ‘di masukat na perwisyo sa buhay at ari-arian.

KARUMAL-DUMAL ang pagpaslang kay Negros Oriental Gov. Roel Degamo noong Marso 4. Natural, galit ang unang naramdaman ng marami sa nangyari.

Pero kalaunan, unti-unting naging parang pelikula ang mga pangyayari. Dali-daling isiniwalat ng mga kinauukulan si Negros Oriental 3rd District Rep. Arnolfo Teves Jr. bilang mastermind at tila bilang katunayan ay kung ano-ano ang mga isinampang kaso laban sa mambabatas.

Ang nakapagtataka, walang kinalaman sa pagpaslang ang mga kasong nabanggit. Nandiyan ang diumano’y illegal possession of firearms and ammunitions, at mga pagpaslang na naganap noong 2019.

Ngayon naman, tinawag na pugante si Teves ni Department of Justice Secretary Jesus Crispin “Boying” Remulla kahit hindi pa sinasampahan ng kaso si Teves sa pagpaslang kay Degamo.

Ano ba ang nangyayari sa ating mga kinauukulan? Bakit parang ‘trial by publicity’ ang nangyayari sa kaso imbes na korte ang magpatunay sa kinasasangkutan ng akusado?

Dahil dito’y naging circus ang pangyayari. Nawawala ang kumpiyansa ng mga tao sa mga awtoridad.

Parang namimingwit ang ating mga opisyal imbes na mag-imbestiga nang maayos. Turo nang turo pero wala naman palang maipakitang kapani-paniwalang ebidensya.

Hindi natin masisi si Atty. Ferdinand Topacio, abogado ni Teves, sa mga nabitawang salita nito laban sa DOJ.

Tama ang sinabi niya na dapat ay ‘impartial’ ang DOJ ngayong nasa ‘preliminary investigation’ pa lang ang kaso. Bakit umaastang ‘prosecutor’ na agad ang mga ito? Ibig bang sabihin ay mahina ang ebidensyang hawak nila laban kay Teves kaya trial by publicity na lang ang gustong mangyari sa kaso?

Kung ganito ang kayang gawin ng mga awtoridad laban sa isang mambabatas, paano pa kung simpleng tao ang maakusahan ng ganito?

Aba’y nawawalan ng kuwenta ang kaso sa pagpaslang kay Degamo.

Mas mainam kung sampahan na nila ng kaso si Teves-sa tamang ‘venue’ at hindi sa ‘social media’ at mga ‘presscon’.

Sa ganitong galaw ng mga pinagkatiwalaang “ulo” ni Pangulong Bongbong Marcos, imbes na bangon Pilipinas, tayo ay magiging bangungot Pilipinas!

HUMABA nang humaba ang diskusyon sa ‘war on drugs’ na ipina-iral noong panahon ni dating Pangulong Rodrigo Duterte dahil ngayong Administrasyong Marcos na ang nagpapatakbo ng pamahalaan, patuloy ang mga patutsda ng International Criminal Court na tuloy-tuloy din ang kanilang pag-iimbestiga hanggang sa dapat mausig ang mga may kinalaman sa patayan laban sa droga.

Ako naman ay nagtataka na rin kung bakit habol nang habol ang ICC gayong ang mga patayang nabanggit ay naiimbestigahan na rin dito.

May mga nahatulan na nga nang habambuhay na pagkabilanggo na mga pulis na nakapatay ng mga inosente. At may mga gumugulong pang mga pagdinig ng kagayang kaso nito.

So, ano ang papel ng ICC? Hindi ba dapat lang manghimasok ito sa mga lugar o bansang walang umiiral na hustisya? Ito lang ang kanilang papel. Pero kung ang mga bansa o lugar na gaya nang sa atin na may matibay na sistema ng batas at hustisya, hindi dapat ito makialam. Ganun lang kasimple ‘yun!

Ang nangyayari ngayon kasi, eh parang pinalalabas ng ICC na ang mga kaso nila laban sa dating administrasyon ay tila mga kaso na rin laban sa Pilipinas. Kaya pati si Pangulong Bongbong Marcos ay naaalibadbaran na rin sa mga pahayag ng ICC at sinabi nito na mas maigi pa ‘atang i-dedma na lang natin ang mga ‘puting’ ito.

Sang-ayon ako Kay PBBM, deadmahin ang ICC at tutukan na lang natin ang palala nang palala na sitwasyon ng iligal na droga sa bansa. Tinitingnan din kaya ng ICC ang mga ganitong isyu? Bakit di sila naglalabas ng mga pahayag na sila rin ay kontra sa iligal na droga?

Baka naman kaya sila habol nang habol Kay Digong ay nakasagasa ito na kakulay at kauri nilang nasa linya pala ng iligal na droga?

Para sa akin, bakit natin pagkakaabalahan ang mga kaso sa ICC? Wala silang kinalaman dito dahil tayo mismo ay nag-iimbestiga sa anomang kamaliang nagagawa ng ating mga kababayan, mapamataas na opisyal man o’ ordinaryong Juan.

Ang pagtutuunan natin ng pansin ay ang muling pamamayagpag ng mga smuggler ng iligal na droga sa bansa. Mainam naman at ang ating mga taga-bantay ay nasasawata ang mga puslit na iligal na droga. ‘Yan ay kahit walang namamatay at paki-alamerong ICC.

oOo oOo oOo

Assalamu Alaikum Warahmatullahi Wabarakatuh!

PUTTING the blame on prosecutors and assisting lawyers, Quezon City-Regional Trial Court Branch 13 Judge Lily Ann Marcos-Padaen has inhibited herself from further handling the ‘Dengvaxia’ case filed by parents of children whose deaths were linked to the controversial anti-dengue vaccine which was later banned by then president Rodrigo Roa Duterte.

She said in her own order that her conscience was clear and that she devoted herself to her mandated duty as a magistrate to hear the cases ‘with utmost diligence, competence and impartiality.’

The judge’s order was in reply to the urgent motion by parents-complainants led by Ian Colite and Analyn Ebona who sought for the inhibition of the former whom they claimed was partial and unfair.

They cited instances like the presentation of a prosecution witness whom Padaen declined to testify for reason that only those inoculated with the vaccine must have a vaccination card, among others, and the judge’s rejection of other witnesses’ testimonies before they are presented in open court.

The judge didn’t let her decision to inhibit pass without going after the prosecutors and assisting lawyers (in apparent reference to the Public Attorney’s Office).

“The prosecutors and the assisting lawyers were not faithful to their duty as officers of the court.

They did not faithfully explain to the legal rationale of what transpired during the hearings but instead aggravated and encouraged the movants’ (complainants) suspicion and derision of this court’s rulings…,” Padaen said.

Aside from Colite and Ebona, another complainants were Ramil Pestilos, Liza Maquilan, Elena Baldonado, Ariel Hedia, Almer Bautista, Darwin Bataan and Merly Bataan who accused former Health secretary and now Iloilo Rep. Janette Garin and her eight co-respondents as behind the deaths of their children when the Department of Health at the time of Garin as its secretary in 2016, carried out mass vaccination for schoolchildren.

PAO chief Persida Rueda-Acosta, PAO-Forensics Division director Dr. Erwin Erfe as well as public lawyers have been all-out in supporting the parents in Dengvaxia cases.

“EL Niño is here, and food and water crisis are real. Ayaw na po nating bumalik sa pilahan at umabot na naman tayo sa pagrarasyon.” Hihiramin at gagamitin ko ang linyang ito ni Sen. Nancy Binay nang pagsabihan niya ang National Water Resources Board sa trabaho nito.

Matagal nang naisabatas ang Rainwater Collector and Spring Development Act of 1989 (Republic Act 6116) upang ilatag ang isang pinaigting na water supply program na dapat na magbibigay-proteksiyon sa atin mula sa epekto ng mapaminsalang tagtuyot.

Niratipika ang batas na ito nang ang El Niño ay tawaging phenomenon o pambihirang insidente.

Ngayon, isa nang regular na pangyayari ang El Niño at minsan, mas madalas pa nating maranasan ito kaysa leap year, pero mistulang wala pa ring ginagawa ang NWRB laban dito.

Sa totoo lang, sino sa inyo, mula Aparri hanggang Jolo, ang tumira o nakabisita man lang sa mga komunidad na gumagamit ng nakolektang ulan bilang kanilang tubig sa araw-araw? Meron ba?

Nakakahiyang aminin na ang tanging silbi ng ating gobyerno sa mga ganitong sitwasyon ay ang alertuhin ang publiko tungkol sa mahaba-habang tag-init, mapaminsalang tagtuyot, parang impiyerno nang init ng temperatura na nakaka-heat stroke, at mga anunsiyo tungkol sa pansamantalang pagkawala ng supply ng tubig. Panahon nang solusyon naman ang hilingin natin mula sa kanilang mga kinauukulan, sa halip na babala.

* * *

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.