‘Sara para sa mga Barangay’ inilunsad sa Davao de Oro

‘Sara para sa mga Barangay’ inilunsad sa Davao de Oro

February 1, 2022 @ 1:33 PM 8 months ago


MANILA, Philippines – Upang masiguro na maabot sa grassroots level ang mga programa ni Vice Presidential Candidate Sara Duterte, isang inisyatibo na “Sara para sa mga Barangay” ang inilunsad ng mga opisyal sa Davao de Oro.

Nanguna sa inisyatibo sina Vice-Governor Maricar Zamora, Rep. Manuel “Way Kurat” Zamora, Davao de Oro Gov. Jayvee Tyron Uy, mayors, board members, councilors at iba pang community leaders.

“Mayor Sara will champion the interest of grassroots folk in this historic initiative wherein the vice presidential candidate will champion the interest of the people in the barangay level, especially on education” pahayag ni Zamora.

Sinabi ni Deputy Speaker at Surigao del Sur Rep. Prospero Pichay Jr na isang malaking pagbabago ang asahan sa mga barangay dahil sa inilunsad na programa.

“This is a very impressive event and I am very proudthat I am part of this history. So many programs in the government that need barangays as partners. Kung ano ang problemasa mga barangay, kinailangang bigyan ng malaking tulong” pahayag ni Pichay.

Kasabay ng paglunsad ng programa ay ideneklara din ng mga opisyal ang suporta nito sa vice presidential bid ni Davao City Mayor Sara Duterte at UniTeam Alliance ni Bongbong Marcos.

“We are happy na dito sa probinsiya namin ginawa ang launching ng Sara for the Barangays. As part of Davao region, gusto naming ipakita sa mga probinsiya ng Pilipinas na ang aming suporta sa kanya ay very strong,” pagtatapos pa ni Zamora.