MANILA, Philippines – Itinutulak ni Pangulong Ferdinand R. Marcos Jr. ang digitalisasyon sa government transactions, partikular na sa Bureau of Customs (BOC), para masugpo ang malaganap na smuggling.

Sinabi ng Pangulo na mas maraming modernisadong data at transaksyon ang maaaring makatulong sa economic development ng bansa.

Sa isang panayam, tinuran ng Pangulo na sosolusyunan ng bansa ang mga usapin na may kinalaman sa malaganap at nagpapatuloy na smuggling kung saan lahat ng uri ng kalakal na ipinapasok sa bansa say idinadaan sa illegal na pamamaraan.

“It might be helpful to look into successful approaches being employed by several countries, and apply them to the Philippines,” ayon sa Pangulo.

Nauna rito, sinabi ng Pangulo na ang digitalisasyon sa BOC ay mahalagang bahagi nito.

Nanawagan din ang Pangulo ng matinding bureaucratic reforms para labanan ang smuggling, na aniya’y banta sa lokal na industriya at nakaaapekto sa tax collection ng gobyerno.

Isa sa mga rekomendasyon na nabanggit ay buksan ang BOC at Department of Agriculture (DA) upang matiyak ang epektibong pagpapalitan ng impormasyon.

Ang DA at BOC ay mayroong data-sharing agreement (DSA) na naglalayong pabilisin ang palitan ng impormasyon sa traded agricultural products.

“The DSA, which is governed by the Philippines’ Data Privacy Act, is one of the pacts forged between the DA and BOC to ensure that local agri-fishery products remain competitive,” ayon sa ulat.

“Through the program, each agency can promptly share and act upon critical and intelligence information,” ayon pa rin sa ulat.

Tinuran ng Chief Executive na kinikilala ng gobyerno ang kahalagahan ng digitalisasyon bilang “key driver” para sa long-term development at para sa economic transformation ng post-pandemic global economy.

“Although structural changes in the bureaucracy is quite painful, they have to be carried out, and digitalization is going to play a large part in that process,” ayon sa Pangulo sa kamakailan lamang na dayalogo sa World Economic Forum (WEF) sa Davos, Switzerland.

Naglagay din ang Pangulo ng ‘premium’ sa papel ng micro, small and medium enterprises (MSMEs) sa digitalization efforts ng administrasyon.

Tiniyak naman ng Pangulo na ang administrasyon ay nakaayon sa layunin nito na mapalakas ang MSME na makibahagi sa digital economy. Kris Jose

MANILA, Philippines – Pinangunahan ngayong araw, Enero 27 ni Department of Health officer-in-charge Secretary Dr. Maria Rosario Singh-Vergeire ang Philippine National AIDS Council (PNAC) 2023-2028 Strategic Planning at pinangunahan ang pagbuo ng mga action plan sa pagtugon sa epidemya ng HIV/AIDS sa bansa.

Ang mga nabalangkas na istratehiya ay higit na naaayon sa naunang binuo na 7th AIDS Medium Term Plan (AMTP), na nagha-highlight sa limang estratehikong haligi ng master plan, katulad ng: Prevent, Treat, Protect, Strengthen, at Sustain.

Ibat-ibang development partners tulad ng World Health Organization, Joint United Nations Programme on HIV/AIDS, at AIDS Health Foundation, civil society organizations at stakeholders tulad ng AIDS Society of the Philippines, Positive Foundation Philippines Incorporated Pilipinas Shell Foundation, Inc., Action Health Initiative, Pinoy Plus Advocacy Pilipinas Inc., at Dangerous Drugs Board ang nagpakita ng kanilang suporta sa Konseho, at nangako na patuloy silang makikipagtulungan sa iba’t ibang ahensya na miyembro upang gawing mas madali ang access sa serbisyo ng HIV.

Dumalo rin sa PNAC si Undersecretary Maria Francia Laxamana na siyang head ng Special Concerns Team.

“We will continue to work to address and combat discrimination and stigma associated with HIV. Through this strategic planning, the actions to address the HIV crisis combined with factors that fuel the epidemic such as: social and gender inequalities, stigma and discrimination, structural barriers that prevent equitable access of affected populations to prevention, treatment, and care, and challenges placed on health, non-health and community systems, will be harmonized and concretized,” ani Laxamana.

“We can not do this alone. We need the help of all our partners and stakeholders on the ground. When we work together, our goal of ending the stigma and creating healthier communities will be ultimately achieved,” sabi naman ni OIC Vergeire. Jocelyn Tabangcura-Domenden

MANILA, Philippines – Nagpasaklolo ang isang barkong pangisda ng China sa Philippine Coast Guard (PCG) sa bahagi ng baybayin sakop ng Eastern Samar.

Ayon kay Commodore Arman Balilo, nakatanggap ng distress call ang PCG ngayon umaga, Enero 27 mula sa dayuhang barko na may pangalang KAI DA 899 kaya agad rumesponde ang Coast Guard personnel.

Sa inisyal na impormasyon, binayo ng malalakas na alon ang dayuhan barko dahil sa masamang panahon sa nasabing lugar.

Patungo na sa kinalalagyan ng Chinese vessel ang MRRV 4409 o ang BRP Suluan ng PCG para tumulong sa dayuhang barko. Jocelyn Tabangcura-Domenden

MANILA, Philippines – Hiniling ni Senador Cynthia A. Villar sa kapwa mambabatas na maipasa ang kanyang panukalang batas na magpapalakas sa yellow corn industry dahil sa kahalagahan nito sa poultry.

Sa pahayag, sinabi ni Villar na layunin ng Senate Bill No. 120 o an Act to Develop and Promote the Yellow Corn Industry, to Enhance Availability of Affordable and Quality Feeds, and to Provide for a Corn Competitiveness Enhancement Fund, upang itaas ang produksiyon ng mais at maibenta sa murang halaga para sa livestock at poultry sector.

“This can be achieved by institutionalizing mechanization, hybrid seeds propagation and distribution, credit, extension and training, provision of insurance, marketing, organization of farmers, among others,” sabi pa ng chairperson ng Senate committee on Agriculture and Food.

Inihayag din ni Villar na isa sa pangunahing agricultural crops sa bansa ang yellow corn na gamit bilang livestock and poultry feeds.

“It is a rainfed crop, requires simple land preparation, and can be grown in upland, even in sloping areas. It is usually harvestable after 55 – 75 days. It is mainly used for livestock and poultry feeds,” sabi pa ng Senador.

Aniya, mas pinipili ang mais bilang pagkain/patuka dahil sa mataas nitong carotene content. May 50% ng sangkap ng patuka (feeds) ay yellow corn.

Bagama’t patuloy ang pagtaas ng produksyon ng yellow corn simula 2017 base sa Philippine Statistics Authority (PSA), iginiit ni Villar na hindi ito sapat sa kailangan ng livestock and poultry sector.

Binigyan diin niya na hindi matugunan ng ating produksyon ang kailangan ng bansa na 8.8 million tons.

Dahil dito, sinabi ni Villar na patuloy tayo sa pag-iimport ng mais, patuka (feeds) at iba pang sangkap ng patuka na nakaaapekto sa kita at kapakanan ng mga magsasaka ng mais.

Bukod sa importasyon, apektado rin ang corn farmers ng mataas ng halaga ng inputs, klima, peste at mga sakit.

Ang National Corn Program, ang banner program ng Department of Agriculture, ang tugon ng pamahalan sa mga hamong kinahaharap ng corn industry.

Pero sa kabila ng programa, dismayado pa rin ang senador na napag-iiwanan ang paglago ng industriyang ito.

“Our corn farmers are still dealing with these issues even if there has been sufficient budget given to the program through the years,” ayon kay Villar.

Mulo siyang nanawayan na isulong at palakasin ang corn industry dahil magreresulta ito sa mas angat na livestock, poultry and dairy industries. Ernie Reyes

MANILA, Philippines – Aabot sa P500,000 halaga ng karneng baboy at iba pang poultry products ang nasabat sa Negros Occidental at sa Bacolod City sa unang tatlong linggo ng Enero.

Ayon kay Dr. Placeda Lemana, acting provincial veterinarian, nitong Huwebes, Enero 26 ay nasa 331.75 kilo ng assorted pork-products ang nasabat ng African Swine Fever Task Force mula sa iba’t ibang bahagi ng bansa sa mga pantalan, checkpoint at palengke sa probinsya mula Enero 1 hanggang Enero 22.

Mula Enero 14 hanggang Enero 20 naman, nainspeksyon ng quarantine team ang nasa 3,592 paparating na sasakyan at refrigerated container van sa mga checkpoint sa probinsya at tanging ang mga produktong may kumpletong dokumento ang pinapayagan nilang pumasok.

Matatandaan na ipinatupad ang ban sa pagpasok ng pork at poultry products sa probinsya para maprotektahan ang local poultry industry sa banta ng African swine flue. RNT/JGC