MANILA, Philippines- Swak sa hoyo ang isang sekyu nang mahulihan ng baril, saktan, at takutin ang kinakasama.
Paglabag sa Anti-Violence Against Women and Their Children Act of 2004 at Comprehensive Firearms and Ammunition Regulation Act ang ikinasolaban kay Aguilar, 39, ng Pasolo ng lungsod, habang kinilala naman ang biktima na si Tinaliga, 44.
Humihingi ang biktima sa suspek ng pambili nang habang sila ay nagtatalo ay hinila ng huli ang buhok ng una at pinalayas.
“Magpokpok ka na lang, kikita ka pa ng P1,500 kada araw,” sigaw pa ni Aguilar kay Tinaliga.
Nang makalabas ng bahay ay nagtungo sa kanilang tindahan ang biktima. Sinundan ito ng suspek at tinakot, “Gusto mo paghiwa-hiwalayin ko ang katawan mo? Itago ko ang ulo mo?” banta umano ng suspek.
Dumulog na si Tinaliga sa tanggapan ng Barangay Pasolo na mabilis namang nag-ulat sa mga pulis.
Nabulaga ng mga parak ang suspek na may baril sa bewang, kaya dinampot nang walang maipakitang dokumento ng baril, at kinumpiska ang nasabing armas, walong bala, at isang holster. Merly Iral
