SRA: Sugar production sa 2022-2023 ilaan para sa domestic use

SRA: Sugar production sa 2022-2023 ilaan para sa domestic use

September 13, 2022 @ 6:14 PM 3 weeks ago


MANILA, Philippines- Ipinag-utos  ng Sugar Regulatory Administration (SRA)  na ilaan ang lahat ng  na-produce na sukal  na  naani  sa taong  2022-2023 para sa  domestic consumption.

Sa  ipinalabas na “Sugar Order No. 1. series of 2022-2023,” sinabi ng  SRA  na ang  100% ng raw sugar production para sa naani ngayong taon ay  dapat na  i-classify bilang  “B” o domestic sugar market.

Ang  crop year 2022-2023 ay nagsimula nito lamang Setyembre 1 at magtatapos sa Agosto 31, 2023.

“The  SRA classifies and allocates sugar produced as “A” for US quota, “B” for domestic consumption, “C” for reserve, and “D” for the world market,” ayon sa ulat.

Sa pagtantiya ng ahensiya, tinatayang aabot sa  1,876,135.36 metric tons  ang domestic raw sugar production para sa 2022-2023 crop year.

Ang  Sugar Order No. 1 ay nilagdaan ni Pangulong  Ferdinand Marcos Jr.,  kasalukuyang Kalihim ng Department of Agriculture.

Lumagda rin sa nasabing kautusan sina Agriculture Undersecretary Domingo Panganiban, Acting SRA Administrator David John Thaddeus Alba, and SRA acting board members Ma. Mitiz Mangwag (kinatawan ng millers) at Pablo Luis Azcona (kinatawan ng planters).

Nauna nang sinabi ng SRA na ilalaan nila ang lahat ng sugar produced  sa panahon ng 2022-2023 crop year para sa  local use. Kris Jose