MANILA, Philippines – Magsasagawa pa rin ng mga committee hearing ang House of Representatives kahit pa man naka-Holy Week break, ayon kay House Speaker Martin Romualdez.

Ayon kay Romualdez pinahintuluan niya ang pagdaraos ng mga pagdinig upang mapabilis ang pagpapatibay sa mga nakabinbin pang priority bills.

Bago ang break ng Kamara ay naipasa nito sa ikatlo at huling pagbasa ang 23 sa 31 na mga panukalang batas na prayoridad sa Legislative-Executive Advisory Council(LEDAC).

“These measures were already transmitted to the Senate,” pahayag ni Romualdez.

“We have done our share in passing important pieces of legislation
that will help the country recover from the crippling impact of the
COVID-19 pandemic and external shocks that adversely affect the
economy and the nation. That was our commitment during the series of meetings at LEDAC. That is our continuing commitment to the Filipino people,” dagdag pa nito.

Sa listahan ng mga priority bills ni Pangulong Ferdinand Bongbong Marcos Jr., dalawa dito ang naisabatas na kabilang ang Mobile Subscriber Information Registration Act at pagpapaliban sa Barangay at Sangguniang Kabataan elections sa Oktubre 2023.

Ang LEDAC-endorsed bills na naaprubahan na ng Kamara sa ikatlo at huling pagbasa ay ang mga sumunusunud: Magna Carta of Seafarers,
E-Governance Act / E-Government Act, Negros Island Region, Virology
Institute of the Philippines, Passive Income and Financial
Intermediary Taxation Act, National Disease Prevention Management
Authority or Center for Disease Control and Prevention, Medical
Reserve Corps, Philippine Passport Act; Internet Transaction Act /
E-Commerce Law, Waste-to-Energy Bill, Free Legal Assistance for Police
and Soldiers, Apprenticeship Act, Build-Operate-Transfer (BOT) Law,
Magna Carta of Barangay Health Workers, Valuation Reform, Eastern
Visayas Development Authority, Leyte Ecological Industrial Zone,
Government Financial Institutions Unified Initiatives to Distressed
Enterprises for Economic Recovery, National Citizens Service Training
Program, at Rightsizing the National Government.

Ang walo pa na nakabinbin ay ang Regional Specialty Hospitals (for second reading approval), Enabling Law forthe Natural Gas Industry (under technical working group or TWG deliberation), National Land Use Act (TWG); Department of Water
Resources and Services and Creation of Water Regulatory Commission
(TWG), Electric Power Industry Reform Act (for committee
deliberation), Budget Modernization (for committee deliberation),
National Defense Act (for committee deliberation) at Unified System
of Separation, Retirement and Pension for Uniformed Personnel (for committee deliberation).

“We are working double time to pass the remaining eight LEDAC measures
and our own priority bills. We are confident of approving them on
third and final reading before the sine die break,” ani Romualdez.

Maliban sa 31 LEDAC priority bills ay 21 pang panukala ang nais na tutukan ng Kamara. Gail Mendoza

MANILA, Philippines – Inaresto ng mga operatiba ng National Bureau of Investigation- National Capital Region (NBI-NCR) ang tatlong indibidwal dahil sa pag-iisyu ng pekeng official receipts at invoices.

Kinilala ang mga naaresto na sina Gabrille Samantha Marie Chua y Lao, John Lim Chua at Jose Joaquin Lai y Limjap, residente ng Quezon City na nahaharap sa kasong paglabag sa Falsification of Commercial Documents under Article 172 in relation to Article 171 of the Revised Penal Code.

Batay sa impormasyon na nakuha ng NBI-NCR, isang kompanya ang itinatag na ang negosyo nito ay mag-isyu ng official receipts at sales invoices bagama’t wala itong active business operation at assets.

Nabatid pa na ang mga inisyung resibo at invoices ay may katumbas na 7% sa kabuuang halaga ng resibo upang makaiwas sa pagbabayad ng taxes sa gobyerno.

Dahil dito, nagsagawa ng transaksiyon ang NBI-NCR kung saan nakumpirma na ang nasabing kompanya ay nag-ooperate sa ilalim ng “Smart Ideas Marketing” at noong Marso 3 ay nag-isyu sila ng search warrant laban sa naturang kompanya na matatagpuan sa E. Rodriguez, Quezon City.

Nagresulta ito sa pagkakaaresto sa may-ari nito na si Gabrille.

Inaresto rin sina John at Jose na nag-iisyu ng official receipts at invoices sa mga undercover agent.

Kinumpiska naman ng mga awtoridad ang mga resibo at invoices na kanilang ginagamit sa kanilang pekeng transaksyon. Jocelyn Tabangcura-Domenden

TIGBAUAN, Iloilo City- Tadtad ng tama ng bala ng baril, nakapiring ang mata at nakagapos ang mga kamay ng isang notoryus na kawatan matapos matagpuan ang bangkay nito sa bakanteng lote, kahapon ng umaga, Marso 23 sa bayang ito.

Kinilala ang biktimang si Allen Sanchez, at nakatira sa Barangay Sto. Niño Norte, Arevalo, Iloilo City.

Batay sa report ng Tigbauan Municipal Police Station, bandang alas-6 ng umaga nang matagpuan ang nakadapang bangkay ng biktima sa bakanteng lote na sakop ng Brgy. Linobayan, ng naturang bayan.

May nakasulat sa likod ng suot ng t-shirt ng biktima na, “Para sa bayan, Toto Desilos Ungka BJMP Munti Drug Group.”

Kinumpirma naman ni Ungka BJMP Warden Atty. Jairus Anthony Dogelio ang pagkakakilanlan ng biktima na dalawang taong nakulong si Sanchez sa kasong Theft taon 2013 at nakalabas taon 2014.

Subalit, muling nakulong ito noong Hunyo 2019 at nakalabas ng kulungan Oktubre 2019.

Nakumpirma rin na may isang nagngangalang Toto Desilos ang nakakulong sa BJMP, Ungka at iniimbestigahan ngayon kung may kinalaman siya sa pagkamatay ni Sanchez.

Nagpapatuloy naman ang imbestigasyon ng pulisya para alamin ang tunay na motibo sa krimen. Mary Anne Sapico

MANILA, Philippines – Nakatakdang repasuhin ng Commission on Elections (Comelec) en banc ang mga panukalang pag-amyenda sa 1985 Omnibus Election Code.

Sinabi ni Comelec Chairman George Garcia sa CNN Philippines na ang komite ay bumuo ng isa pang komite upang ilista ang mga posibleng pag-amyenda sa katatapos na 964-pahinang draft.

“We are hoping that the same will be submitted to us with the commission en banc for our review,” sabi ni Garcia.

Ipinaliwanag ni Garcia na ang panukala ng pag-amyenda ay layong iakma ang 1985 Omnibus Election Code sa pagbabago ng panahon, lalo na sa gitna ng mga pagsisikap sa pagsasagawa ng botohan na automated.

Isa sa panukalang amendments ang pagpapabuti sa probisyon para sa pag-screen ng mga aplikante sa party-list.

Binanggit niya na may mga reklamo na ang ilang party-list ay hindi na tumutugon sa mga dapat nilang kinakatawan sa Kongreso.

Binanggit din ni Garcia ang desisyon ng Korte Suprema na hindi kailangang maging bahagi ng sektor na gusto niyang katawanin hangga’t napatunayan ang kanyang adbokasiya.

Tatanggapin aniya ng Comelec ang hiwalay na batas para amyendahan ang Party-List System Act.

“We have to ensure greater and equal participation of the marginalized and the underrepresented sector,” saad ni Garcia.

Ang isa pa aniyang panukala ay ang pagpayag sa online voting, na magiging kapaki-pakinabang para sa mga overseas Filipinos, partikular sa mga marino, dagdag niya. Jocelyn Tabangcura-Domenden

MANILA, Philippines – Itinalaga ni Pangulong Ferdinand Marcos Jr. si Henry Bensurto Jr. bilang Ambassador Extraordinary and Plenipotentiary sa  Republic of Turkiye.

Sinabi ni Presidential Communications Office (PCO) na ang appointment ni Bensurto ay  may concurrent jurisdiction sa Georgia at Republic of Azerbaijan.

Si Bensurto  ay nagsilbi bilang  Philippine Consul General to San Francisco mula 2014 hanggang  2020.

Samantala,  inilabas naman ng PCO  ang listahan ng pinakabagong appointments sa administrasyon. Kabilang dito sina:

Department of Agrarian Reform (petsa ng appointment: Marso 21, 2023)
-McDonald M. Galit, Director IV

Department of Agriculture, Bureau of Agriculture and Fisheries Engineering (petsa ng appointment: Marso 21, 2023)
-Ariodera C. Rico, Director IV
-Juana T. Tapel, Director III

DA, National Meat Inspection Service (petsa ng appointment: Marso 21, 2023)
-Alvin A. Leal, Director II

Department of Human Settlements and Urban Development (petsa ng appointment: Marso 21, 2023)
-Wilfredo S. Mallari, Undersecretary

Department of Labor and Employment (National Tripartite Industrial Peace Council) (petsa ng appointment: Marso 21, 2023)
-Renato B. Almeda, miyembro, kumakatawan sa Employers’ Sector

-Luis C. Corral, miyembro, kumakatawan sa Labor Sector

Luis C. Corral, miyembro, kumakatawan sa  Labor Sector
-Roland C. De La Cruz, miyembro,  kumakatawan sa Labor Sector

National Security Council (petsa ng appointment: Marso 21, 2023)
-Francis Jude S. Lauengco, Assistant Director-General
-Cornelo H. Valencia Jr., Director V
-Cyril P. Cusi, Director IV
-Ruperta T. Salvanera, Director IV. Kris Jose