SUSPENSYON SA PAG-DEPLOY NG OFWs PATUNGONG KSA, TINANGGAL NA!

SUSPENSYON SA PAG-DEPLOY NG OFWs PATUNGONG KSA, TINANGGAL NA!

May 30, 2021 @ 6:56 AM 2 years ago


MATAPOS makatanggap ng opisyal na komunikasyon ang Department of Labor and Employment (DOLE) mula sa pamahalaang Saudi Arabia, umaga ng May 30, na tinitiyak nila na ang foreign employers at agencies ang sasagot sa mga gastusin sa mga institutional quarantine at iba pang mga COVID-19 protocol pagdating ng mga manggagawang Filipino sa KSA, ang pansamantalang suspensyon ng pag-deploy sa Kingdom ay tinanggal ng DOLE.

Pinayuhan ni Labor Secretary Silvestre Bello III ang Philippine Overseas Employment Administration (POEA) na agad ipatupad ang direktibang ito at ibigay ang kinakailangang clearance sa lahat ng mga umaalis na manggagawang Filipino upang mapadali ang kanilang paglalakbay sa KSA.

Nauunawaan ni Kalihim Bello na ang kanyang order ng suspensyon ay nagdulot ng pagkalito at dismaya sa mga apektado at papaalis na sana ng bansa na manggagawang Pinoy.

Muli, humihingi ng paumanhin ang kalihim sa abala at panandaliang pagdurusa na maaaring napagdaanan ng mga minamahal nating OFW.

Ang naturang desisyon ay para sa interes ng mga OFW na dapat gawin.

“Nagpapasalamat ako sa gobyerno ng KSA sa pagkilos at pagbibigay sa amin ng katiyakan. Ang ating mga manggagawa na papuntang Saudi ay hindi na mapapahamak.” – mensahe ni Kalihim Bello.

TURTLE HATCHLINGS PINAKAWALAN SA BAGUAN ISLAND

 

Pinangunahan ni Department of Environment and Natural Resources (DENR)–9 Regional Executive Director Crisanta Marlene P. Rodriguez (dulong kanan) ang pagpapakawala sa 100 green sea turtle (Chelonia mydas) hatchlings sa dalampasigan ng Baguan Island sa Tawi-Tawi noong Mayo 22 kasama sina Ministry of Environment, Natural Resources and Energy (MENRE) Forest Management Services Director Abdul-Jalil S. Umngan at Coast Guard District Southwestern Mindanao Commodore Edgar B. Boado (ikalawa at ikatlo sa kanan, ayon sa pagkakabanggit).

Ito ay isinagawa bago ang pag-turn-over ng pangangasiwa at pamamahala ng 242,967-hectare Turtle Islands Wildlife Sanctuary (TIWS) sa Sulu Archipelago mula sa DENR-9 sa MENRE-Bangsamoro Autonomous Region in Muslim Mindanao noong Mayo 23.

Ang TIWS ay isang major nesting ground sa Southeast Asia ng endangered green sea turtle at ng critically endangered hawksbill sea turtle (Eretmochelys imbricata).

 

Ang TIWS ay ginawang protected area noong 1999. Kasama rin sa larawan ang mga MENRE personnel at ibang stakeholders.