MANILA – Itinampok ng Google ang “tender, juicy, and soulful” adobo, isang sikat na Filipino dish, bilang animated doodle ngayong Miyerkules.

Ayon sa website nito, ang doodle ay nilikha ng artist na si Anthony Irwin, ang anak ng isang US immigrant.

“Maaari kong i-claim ang pagkaing Filipino bilang bahagi ng aking kultura at ipagdiwang ang koneksyon na nagagawa nito sa pagitan ng pagkakakilanlan ng aking ina at ng sarili ko,” sabi niya.

Ang signature smell ng Adobo ang naging inspirasyon niya sa pagdidisenyo ng doodle, sabi ni Irwin.

“It was so bright and nostalgic, and instantly filled my apartment with that familiar feeling: this is exactly how things are supposed to be. So I tried to capture that simple childhood joy of leaning in and savoring the kind of food that makes home feel like home,” aniya pa.

Nagsama rin ang Google ng maikling paglalarawan ng ulam sa website nito kasama ang ilang trivia tungkol sa pagkaing Filipino.

“After evolving throughout the century, this iconic dish is now enjoyed worldwide. It’s a symbol and expression of Filipino pride that varys from region to region, family to family, palate to palate,” saad dito.

Itinampok din ang doodle sa Canada, Iceland, United Kingdom, Ireland, at US, ayon sa Google. RNT

MANILA, Philippines – Shoot sa worst dishes in the world ng Taste Atlas, isang “encyclopedia of flavors” publication, ang mga Pinoy foods na hotsilog at kinalas sa 100 worst-rated dishes in the world.

Sa inilabas na ulat, nasa ika-17 pwesto ang kinalas sa 2.4 na ranking habang ang hotsilog naman ay nasa ika-36 na pwesto sa 2.6 score.

Maliban dito, nakasama rin sa kumpletong listahan ng worst-rated dishes in the world ng Taste Atlas ang Pinoy-style spaghetti at balut.

Ang Filipino-style spaghetti ay tinukoy ng Taste Atlas na “sweet, combining the noodles with ground meat, hot dogs, banana ketchup, and sugar” hindi gaya ng sa Italian version.

Samantala, ang balut naman ay isang “popular, although unusual Filipino delicacy, served everywhere from street stalls to upscale restaurants. It is a duck egg that has been hard-boiled, fertilized, and incubated. Traditionally, the cooked embryo is consumed straight from the shell.”

Ilang araw bago inilabas ang resulta ng pag-aaral ng Taste Atlas, inanunsyo naman ang bibingka na isa sa 100 best cakes in the world. RNT/JGC

MANILA, Philippines – Mas lumiliit pero nagmamahal pa rin ang presyo ng mga bangus sa bansa kasabay ng malamig na panahon.

Ito ang sinabi ng Board of Fishery kung saan ang mga isda partikular na ang mga bangus ay hindi kaagad lumalaki kapag malamig ang panahon.

“Ito ‘yung problema natin, kasi ‘yung metabolism ng mga isda ‘yung paggamit ng mga kinain ng isda ay hindi maayos, hindi normal kaya tuwing malamig ang panahon i-expect natin na ‘yung paglaki ng isda ay hindi normal keysa kung nasa tag-araw tayo o mainit ang panahon,” sinabi ni Dr. Westly Rosario, chairman ng Board of Fishery.

Sa impormasyon, kapansin-pansin ang pagtaas ng presyo ng mga bangus at iba pang isda sa mga pamilihan kung saan sa pinakahuling datos, ang oversized bangus ay nagkakahalaga ng P150 hanggang P160 kada kilo habang ang maliliit na bangus ay nasa P110 kada kilo.

Mas maliit din umano ang mga bangus na ibinibenta sa mga pamilihan na mula sa standard size nito na 15 sentimetro ay nasa anim na sentimetro na lamang ang mga ito.

Inaasahan pa na mas magmamahal ang presyo ng bangus sa mga susunod na araw sa pagpapatuloy ng malamig na panahon na mararanasan hanggang sa Pebrero. RNT/JGC

MANILA, Philippines – Itinanghal na ‘most ordered food in 2022’ ng “PH Food and Grocery Trends 2022” ng Grab ang fried chicken.

Naungusan nito ang dating nangunguna sa Pinas noong 2021 na burger.

Sa pag-aaral mula sa datos na nakuha mula Enero hanggang Setyembre 2022, lumabas na mayroong halos 55,000 na order ng fried chicken araw-araw sa bansa ngayong taon.

Maliban sa fried chicken, nakapagtala rin ang Grab ng pagtaas sa demand para sa kape na nasa ika-limang pwesto, burger steak sa ikaanim na pwesto, nuggets sa ikasiyam at halo-halo sa ika-10 pwesto.

Nananatili naman ang burger sa ikalawang pwesto ng most-ordered food sa 2022, sinundan ng pasta, ice cream, fries at pie. RNT/JGC

MANILA, Philippines – Hindi lang sa lamesa at eskinita ng mga Pilipino bumida ang pinakakaabangan at nilalantakang lumpiang shanghai kundi pa ri na rin sa buong mundo matapos na kilalanin bilang ikalawang pinakamasarap na street food sa buong mundo.

Sa isang post sa social media, inihayag ng Taste Atlas ang 50 Best Street Foods sa buong mundo noong Setyembre 2022, kung saan nakakuha ang lumpiang shanghai ng 4.9 na rating mula sa audience ng travel guide.

Isang crispy deep-fried Filipino snack na nag-evolve mula sa Chinese spring rolls, ang shanghai ang pinakasikat na iba’t ibang lumpia, ayon sa Taste Atlas.

“Even though lumpia appears in numerous variations, the Shanghai version is characterized by a savory filling which combines ground pork or beef with carrots, onions, various seasonings, and (occasionally) shrimps,” saad ng Taste Atlas.

Ang Lumpiang shanghai ay karaniwang ibinebenta sa mga street stall sa buong bansa at inihahain din sa mga espesyal na okasyon, na may matamis at maasim na sarsa.

Ang pinakamahusay na lumpiang shanghai ay matatagpuan sa The Aristocrat Restaurant sa Malate, Manila, base sa rekomendasyon ng Taste Atlas.

Ang pinakamahusay na shanghai sa listahan ay ang Roti canai, “isang tradisyonal na Malaysian pan-fried flatbread na gawa sa harina, tubig, itlog at taba.”

Samantala, niraranggo din ng Taste Atlas ang pagkaing Filipino bilang ika-19 na pinakamahusay na lutuin sa mundo noong unang bahagi ng Hunyo. RNT