Task force para sa ‘pricey’ DepEd laptops bubuuin ng COA

Task force para sa ‘pricey’ DepEd laptops bubuuin ng COA

August 17, 2022 @ 5:52 PM 1 month ago


MANILA, Philippines- Bumuo ang Commission on Audit ng task force upang imbestigahan ang umano’y overpriced laptops para sa public school teachers, ayon sa Department of Education nitong Miyerkules.

“Nagko-convene na ng task force ‘yong COA, ‘yong audit team, naggagawa ng fraud audit,” ani DepEd Spokesperson Michael Poa.

Nagbigay ng update si Poa matapos hilingin ng ahensya sa COA na magkasa ng fraud audit sa mga biniling laptop ng Department of Budget and Management-Procurement Service (PS-DBM) para sa DepEd.

“Dito rin sa loob ng Department of Education, we can plan our ways forward based on the findings of their [fraud] audit,” sabi ni Vice President and Education Secretary Sara Duterte.

Inanunsyo naman ni Senate Blue Ribbon Committee Chairman Francis Tolentino na ikakasa ang laptop procurement probe sa Agosto 25. RNT/SA