Trending Now

Tatlong bebot patay sa pamamaril sa Taguig City

Tatlong bebot patay sa pamamaril sa Taguig City

July 9, 2018 @ 4:32 PM 5 years ago
Views: 1,182
   

Taguig City – Patay ang tatlong kababaihan at sugatan ang isang lalaki sa magkahiwalay na pamamaril sa Taguig City kamakalawa ng gabi at kahapon ng umaga.

Sa unang insidente,  dahil  walang ID ay inaalam pa ng pulisya ang pagkakakilanlan ng mga nasawing biktima,  na ang isa ay nakasuot ng itim na t-shirt at yellow na leggings,  habang ang isa naman ay naka-floral na t-shirt at pantalon na may stripe na red at puti. Nagtamo ang mga ito ng tama ng bala sa ibat ibang bahagi ng katawan buhat sa hindi pa batid na kalibre ng baril.

Ayon kay PO1 Quaina Cabbuag, ng Taguig City Police, naganap ang insidente alas-7:20 kamakalawa ng gabi sa Marinduque St., Brgy. New Lower Bicutan ng naturang siyudad.

Habang nakatayo ang mga biktima sa naturang lugar ay biglang sumulpot ang isang motorsiklo na walang plaka at magkaangkas ang mga suspect.

Walang salitang pinagbabaril ang mga biktima na naging dahilan ng agarang kamatayan ng mga ito at ang mga suspect ay mabilis tumakas.

Ayon kay Barangay Ex-O Alfredo Enano, ito na ang ikatlong insidente ng pamamaril sa kanilang lugar, na hindi kilala ang mga biktima.

Hindi naman isinasantabi ng barangay ang posibilidad na may kaugnayan sa droga ang insidente.

Batay sa pagsisiyasat ng Souther Police District, Scene of the Crime Office (SPD,SOCO),  walang nakitang anumang kontrabando mula sa katawan ng dalawang hindi pa nakikilalang biktima maliban lang sa isang bag na may lamang mga personal na gamit.

Dalawang hindi pa nakikilalang babaeng patay sa pamamaril sa Marinduque Street, Sa Brgy. New Lower Bicutan, Taguig City. KUHA NI VAL LEONARDO

REMATE FILE PHOTO | VAL LEONARDO

Alas-9:00 naman kahapon ng umaga, pinagbabaril din ng hindi kilalang  riding in tandem ang isang babae at nahagip naman ng tama ng bala ang isang lalaki sa harapan ng Mini-Stop, boundaries ng Brgy  South Signal, Upper Bicutan at Western Bicutan.

Kaagad na nasawi ang babaeng biktima na nakilalang si Lorna Campos at nakatira sa 19 Int. 12 Dominador St., TS Cruz Subdivision, Baesa, Quezon City matapos itong magtamo ng ilang tama ng bala sa ibat-ibang bahagi ng katawan buhat sa hindi pa batid na kalibre ng baril.

Samantala, ang sugatang lalaking nahagip ng tama ng bala ay nakilalang si Michael Dongon at nakatira sa 09 Patricio St., Zone 5, Lower Bicutan,Taguig City na   kaagad na isinugod sa Taguig-Pateros District Hospital. Base sa pahayag ni Dongon sa pulisya, sakay siya ng kanyang motorsiklong Yamaha Mio125cs ng makarining siya ng putok na baril at Makita si Campos na duguang bumagsak.

Dagdag pa ni Dongon nakaramdam din siya ng pamamanhid sa kanag bahagi ng bewang kung kayat siya ay kaagad humingi ng saklolo para siya agaran madala sa ospital.

Patuloy pa rin ang imbestigasyon ng mga awtoridad sa  motibo ng pamamaslang at posibleng nasa likod nito. (James I. Catapusan)


   

P4.9M halaga ng ismagel na sigarilyo, nasabat sa Zamboanga

March 26, 2023 @8:13 AM
Views: 11
   

MANILA, Philippines – Nasabat ng Bureau of Customs Port of Zamboanga (BOC-POZ) ang isang motorized wooden vessel na kargado ng hindi dokumentadong sigarilyo na nagkakahalaga ng P4.9 milyon.

Ayon sa BOC-POZ, nasabat ng Enforcement and Security Service (ESS) and Customs Intelligence and Investigation Service (CIIS), at PNP 2nd Zamboanga City Mobile Force Company (2nd ZCMFC) ang bangkang “Jungkong” noong Marso 21 sa dalampasigan ng Barangay Arena Blanco, Zamboanga City.

Lulan ng barko ang apat na crew members mula sa Parang, Sulu at nagmula sa Jolo, Sulu patungong Zamboanga City.

Sa pagsisiyasat, bigong makapagpakita ng legal na dokumento ang mga crew ng barko.

“The 141 master cases of cigarettes were apprehended in violation of Section 117 of R.A. 10863 or the Customs Modernization and Tariff Act (CMTA) of 2016 in relation to Executive Order Number 245 entitled Amended Rules and Regulations Governing the Exportation and Importation of Leaf Tobacco and Tobacco Products,” pahayag ng BOC.

Inaasahan na ang warrant of seizure and detention mula sa Port of Zamboanga.

Samantala, nangako naman si BOC Commissioner Bienvenido Rubio na patuloy na lalabanan ng ahensya ang mga magtatangka pang magpuslit sa kanilang mas pinalakas na anti-smuggling campaign sa bansa. RNT/JGC


   

Dinukot na 6 misyonero sa Surigao ‘di totoo – PNP

March 25, 2023 @2:32 PM
Views: 92
   

BUTUAN CITY- MARIIN pinabulaanan ng Police Regional Office-13, ang mga kumalat na ulat na may kinalaman sa pagdukot sa anim na misyonero sa Surigao del Sur, kahapon.

Sa pahayag ng PRO-13, naglunsad sila ng operasyon kasama ang 75th at 36th Infantry Battalion ng Philippine Army, mga force multiplier, at mga lokal na opisyal para kumpirmahin ang kumalat sa mga post sa social media at mga text message na dinukot ang 6 misyonero ng Wycliffe Bible Translators, kabilang ang isang dayuhan habang bumibiyahe sa probinsiya noong Huwebes, Marso 23.

Ayon sa mga awtoridad nagtungo ang mga misyonero sa Barangay Bagyang, San Miguel, Surigao del Sur noong Huwebes hanggang Abril 14, 2023 para sa outreach program.

Pagdating ng mga awtoridad sa nasabing lugar , nakumpirma nilang walang insidente ng kidnapping at wala rin kasamang dayuhan ang mga misyonero.

“Walang dayuhan sa grupo ng mga misyonero, na lahat ay ligtas at maayos.”, ani ng PRO-13.

Umapela naman ang PRO-13 sa publiko na iwasang magkalat ng mga hindi pa beripikadong ulat na maaaring magdulot ng panic o lumikha ng takot, lalo na kung hindi pa ito napapatunayan ng Philippine National Police at iba pang law enforcement agencies.

“Sa halip na magpadala ng maling impormasyon, mangyaring tulungan kaming subaybayan ang pagkakaroon ng mga kahina-hinalang tao o paggawa ng mga krimen/iligal na aktibidad para sa mabilis na pagtugon ng pulisya,” dagdag pa ng PRO-13./Mary Anne Sapico


   

P1.5-M marijuana binunot at sinunog sa Bukidnon

March 25, 2023 @2:18 PM
Views: 88
   

CAGAYAN DE ORO CITY – BINUNOT at sinunog ng mga awtoridad ang nasa P1.5M halaga ng marijuana sa Sitio Bagalbal, Barangay Guinuyoran, Valencia City, Bukidnon, kahapon.

Ayon kay Lt. Col. Kaddafy Bitor, officer-in-charge ng Bukidnon 2nd Provincial Mobile Force Company (PMFC), higit sa 7,500 pirasong pananim ng fully-grown marijuana ang nadiskubre sa lupain ng may lawak na ¼ ektarya.

Sinabi ng pulisya, na nakatanggap sila ng impormasyon hinggil sa mga ektaryang nakatanim na mga marijuana sa nasabing lugar.

Sa ngayon inaalam na ng mga awtoridad kung sino ang may-ari ng mga pananim ng marijuana para managot.

Nag-spray na rin ng herbicide ang mga awtoridad sa mga binunot na marijuana para hindi na ito tumubo pa./Mary Anne Sapico


   

5 durugista nabingwit sa P200K shabu sa Navotas buy bust

March 25, 2023 @2:03 PM
Views: 93
   

Rehas na bakal ang kinasadlakan ng limang drug personalities matapos makuhanan ng mahigit P.2 milyon halaga ng shabu sa ikinasang buy bust operation ng pulisya sa Navotas City, kahapon ng madaling araw.

Kinilala ni Navotas police chief P/Col. Allan Umipig ang naarestong mga suspek na sina Adriano Ordoñes alyas “Onse”, 44, fisherman, Joseph Centeno alyas “Balat”, 44, fisherman, Micheal Torero, 23, fisherman, Marvin Santos, 41, fisherman, at Joseph Magaway, 35, fisherman, pawang residente ng Brgy. Tangos North.

Sa kanyang ulat kay Northern Police District (NPD) Director PBGen Ponce Rogelio Peñones Jr, sinabi ni Col. Umipig na dakong ala-1:30 ng madaling araw nang ikasa ng mga operatiba ng Station Drug Enforcement Unit (SDEU) sa pangunguna ni PCpt Luis Rufo Jr, ang buy bust operation kontra kay Ordoñes sa B. Cruz Steet matapos ang natanggap na impormasyon hinggil sa pagbebenta umano nito ng shabu.

Kaagad sinunggaban ng mga operatiba ang suspek matapos bentahan ng P12,500 halaga ng umano’y shabu ang isang undercover police poseur-buyer.

Habang nagaganap naman ang transkasyon ay nakita ng pulis sa bukas na pinto ng bahay ni Ordoñes ang apat pang suspek na sumisinghot ng shabu sa loob kaya kasama din silang pinosasan ng mga operatiba.

Nakumpiska sa mga suspek ang humig’t kumulang 30 grams ng hinihinalang shabu na may standard drug price P204,000.00, buy bust money na isang P500 bill at P12-pirasong P1,000 boodle money at mga drug paraphernalias.

Nahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002. (Boysan Buenaventura)


   

Nagwala sa Las Piñas swak sa selda

March 25, 2023 @1:51 PM
Views: 92
   

Swak sa selda ang isang nagwawalang lalaki na armado ng baril at naghahasik ng lagim sa kanilang lugar matapos maaresto sa pagsasagawa ng “Oplan Galugad” ng mga tauhan ng Barangay CAA police sub-station sa Las Piñas City.

Sa report ng Southern Police District (SPD) ay kinilala ang inarestong suspect na si Johnrick Salangsang, 20, alias “Madre.”

Inaresto si Salangsang dakong alas 8:30 ng gabi sa kahabaan ng Lemon St., corner Saging St., Barangay CAA, Las Piñas City.

Bago ang pag-aresto kay Salangsang ay habang nagsasagawa ng “Oplan Galugad” ang mga tauhan ng Barangay CAA police sub-station ay nilapitan ang mga ito ng isang residente kung saan ipinaalam nito na nagwawala si Salangsang na armado ng baril at naghahanap ng away sa Lemon Street.

Matapos na matanggap ang impormasyon sa isang residente ay agad na nagtungo sa lugar ang mga tauhan ng Brgy. CAA police sub-station at inabot nila si Salangsang na patuloy ang paghahamon sa kanyang mga kapitbahay.

Maayos namang sumuko si Salangsang sa mga rumespondeng pulis at narekober sa posesyon ng suspect ang isang kalibre .9mm pistoling may magazine na kargado ng limang bala, isang Granada na nakalagay sa kanyang sling bag, at pinaghihinalaang shabu na tumitimbang ng 0.77 gramo na nagkakahalaga ng P5,236.

Agad na dinala si Salangsang sa Station Drug Enforcement Unit (SDEU) para sa patuloy na imbestigasyon sa suspect na kasalukuyang nakapiit sa custodial facility ng Las Piñas City police. James I. Catapusan