The Iron Lady shines again

The Iron Lady shines again

July 29, 2018 @ 8:35 AM 4 years ago


 

 

Kakaiba talaga ang da­ting Pangulo at ngayon ay Pampanga Congresswo­man Gloria Macapagal Arroyo.

Noong mismong araw ng ika­tlong State of the Nation Address ni Pangulong RODRIGO ROA DUTERTE, nagkagulo sa Kongreso ng Mababang Kapulu­ngan, sa huli, siya ay ginawang bagong Speaker of the House of Representatives!

Mahigit isang oras bago natuloy ang SONA ni Pangulong DUTERTE dahil inayos muna ang gusot sa pagitan nina da­ting Speaker Pantaleon Alvarez at bagong Spea­ker GMA.

Sa huli, hina­ya­an mu­na na tumayo si Spea­ker Pantaleon bilang hu­ling sandal ng kanyang liderato sa Kamara.

Speaker GMA is really a quiet lady.

She never talks of anything but deep inside her, she is tough and prepared to face any challenge fronting her.

Meek like a sheep but robust too strong when attacking a challenge.

Yes, a clear picture of a ge­nuine IRON LADY. She’s SGMA!

Kaya nga ngayon ay pahinga si Pangulong RODY sa anomang klase ng atakeng pulitikal, eh.

Lahat halos ay nakatuon kay SGMA ang atake ng mga dati at bagong oposisyong pulitikal.

Matindi rin ang banat sa kanya ni Senadora Grace Poe na kung hindi raw mag-ii­ngat ang lahat, babalik si SGMA bilang li­der ng bansa na Prime Minister?

Magdilang anghel ka­ya si Grace?

Isa lang ang sagot ni Arroyo sa lahat ng ta­nong tungkol sa kanyang bagong papel sa Kamara.

Isusulong niya ang lahat ng agenda ni Pangulong DIGONG.

At kung mangyayari iyan, aba, happy ang Pangulo para sa bayan.

Si Arroyo ay pinanday ng kanyang talino. Alalahanin na noong 2003-2008, winasak ng krisis ang mundo sa ekonomiya pero ang Pili­pinas ay naigiya niya sa tamang direksyon.

Oo may mga bintang at alegasyon ng katiwalian at korapsyon sa kanyang administrasyon na normal naman sa lahat ng namuno sa gob­yerno.

Ang masakit, matapos ang kanyang termino ay hiniya siya ng rehimeng pumalit, ng rehimen ni Noynoy Aquino.

Papaalis na para magpagamot ay hinabol siya ni dating Justice Secretary Leila Delima, kinasuhan at ipinakulong.

Wala tayo narinig kahit isang hinaing. Limang taon.

Walang himutok. Walang panunumbat.

Pagdating ni Pangulong DUTERTE, siya ay pi­nalaya at bawat kaso ay naibasura.

Sa panahon na iyon ay naupo siya bilang kongresista ng Pampa­n­ga.

Kahit nakakulong, na­ngunguna at makulay ang kanyang mga panukalang batas.

Ngayon, House Spea­ker si GMA.

Walang duda, maaayos ang Kamara ng kinikilala natin bilang IRON LADY!

-BALETODO NI ED VERZOLA