MANILA, Philippines- Simula ngayong araw ay nagpatupad ang punong tanggapan ng Bureau of Immigration (BI) ng tatlong araw na skeleton workforce.

Sa abiso ng BI, sinabi ni Commissioner Jaime Morente na ang pagbabago ay bunsod sa pagsasara ng ilang kalsada at traffic rerouting ng Metropolitan Manila Development Authority (MMDA) na nagsimula alas-12:01 ng madaling araw ng Hunyo 26 bilang bahagi ng security measures para sa inagurasyon ni President-elect Ferdinand “Bong Bong” Marcos, Jr.

“The venue for the inauguration is less than 3 kilometers from the BI Main office,” ayon kay Morente. “Hence we are expecting that the road closures may affect the transportation in the area,” dagdag pa nito.

Ayon kay Morente, ang nasabing direktiba ay naaayon sa Civil Service Commission (SC)’s memorandum sa alternative work arrangements.

“This shall ensure safe and convenient transportation of BI personnel without disrupting regular operations,” paliwanag ni Morente.

Siniguro naman ni Morente na ang serbisyo ay mananatili sa kabila ng schedule adjustment.

“We are ensuring unhampered services during this period,” dagdag nito.

“However, the public may also consider going to any of our numerous offices nationwide for their immigration transactions to avoid the possible traffic congestion in the area,” giit pa ni Morente. JAY Reyes

TALUGTUG, Nueva Ecija – Hindi na umano nakarating sa bahay ng kanyang girlfriend ang isang 15-anyos na binatilyo makaraang matagpuan ito na isa nang malamig na bangkay at tadtad ng saksak malapit sa isang small water impounding project sa Barangay Tandoc sa bayang ito noong Linggo ng umaga.

Kinilala ng Talugtug Police ang biktima na si Cyrus Vince Antonio, 15-anyos ng barangay Tandoc., dito

Tadtad ng saksak at isa nang malamig na bangkay nang matagpuan ng isang concerned citizen ang katawan ng biktima.

Ayon kay Virgilio Antonio, 40-anyos, ama ng biktima, noong gabi ng Hunto 25 ay nagpaalam ang biktima na dadalaw sa kanyang girlfriend sa barangay Guiset, Guimba sakay ng kanyang motor na Suzuki, walang plaka.

Subalit hindi na siya nakarating. Bagkus, natagpuan siya noong umaga ng Hunyo 26 na isa nang malamig na bangkay na tadtad ng mga saksak sa iba’t ibang bahagi ng katawan.

Habang isinusulat ang balitang ito ay patuloy na nag-iimbestiga ang Talugtog police para sa madaling pagkakilanlan sa suspek. Ver Sta. Ana

MANILA, Philippines- Muling inulit ni Outgoing Socioeconomic Planning Secretary Karl Kendrick  Chua ang panawagan  na  “fully resume” ang  face-to-face classes.

Nagpahayag ng kumpiyansa si Chua  na maipatutupad  ito ng  incoming administration.

Sa virtual briefing, sinabi ni Chua na ang education sector ay  “significantly lagged behind”, pagdating sa full resumption ng face-to-face classes  na hindi pa naipatutupad.

“As you know, the NEDA mandate covers development and for us, education is a foundation of development, so I hope this will be taken very seriously,” ayon kay Chua sa kanyang last briefing bilang hepe ng  National Economic and Development Authority (NEDA).

“The repercussions on children’s present and future development are very much affected by the ability to learn better,” pagpapatuloy nito.

Nitong Marso, sinabi ni Chua  na ang nationwide face-to-face learning  ay makadaragdag ng P12 bilyong piso  kada linggo sa ekonomiya,  ang ekonomiya kasi ay  nawalan ng  P22 trilyong piso sa nakalipas na dalawang taon matapos na ihinto ang face-to-face learning sa bansa.

Samantala, nakatakda namang i- turn over ni Chua ang kanyang tungkulin bilang NEDA chief sa kasalukuyang  Philippine Competition Commission na si  Chairperson Arsenio Balisacan —  na namumuno sa ahensiya sa ilalim ng administrasyon ng namayapa at dating Pangulong Benigno “Noynoy” Aquino III — araw ng Biyernes, Hulyo 1.

Sinabi ni Chua na tinalakay na niya ang kanyang panawagan para sa  full resumption sa face-to-face classes kay outgoing Education Secretary Leonor Briones at outgoing Health Secretary Francisco Duque III.

“I have personally wrote Secretary Briones and Secretary Duque twice — in March and in May, and we have had many discussions in the IATF and through messages,”  anito.

“These have been communicated and I hope it will be part of the transition message or notes of Secretary Briones to incoming Vice President and (Education) Secretary (Sara) Duterte,” dagdag na pahayag ni Chua.

Nakatakda namang mag-take over si VP Sara Department of Education, kasabay ng kanyang tungkulin bilang bise-presidente, at nag-commit na tingnan ang posibilidad na “fully resume”  ang face-to-face classes.

Matapos ang i-turn over ang kanyang tungkulin, nakatakdang  mag-aral ng isang taon si Chua. Hindi naman dinetalye ni Chua ang kanyang “future plans”.

“No offer (from the incoming administration), but I have already enrolled to study in a week’s time, full-time study to be relevant,” aniya pa rin. Kris Jose

MANILA, Philippines- Kalaboso sa kulungan ang isang lalaki makaraang ireklamo ito ng panggagahasa diumano sa isang menor-de-edad sa Purok 3, Barangay San Vicente, Gapan City, Nueva Ecija nitong Linggo.

Kinilala ni P/Lt. Col. Alexie A. Desamito, hepe ng Gapan City police station ang umanoy itinuturong suspek na si Berny Mahinang y Buen, 38, binata at
residente ng Brgy. Makabaklay, Gapan City.

Sa imbestigasyon ng pulisya, ganap na alas-12:30 ng madaling araw nang mangyari ang nasabing reklamo laban sa suspek. Kasalukuyan umano na gumagawa ng module exams ang biktima mula sa biranda ng kanilang bahay ng biglang lapitan at kausapin ito ng suspek kasabay umano ng pananakot ng suspek sa biktima habang hinihila ito papunta sa kanilang banyo at doon ay isinagawa di-umano ng suspek ang panghahalay sa biktima.

Nang malaman ito ng kapatid ng biktima ay kaagad itong tumawag sa himpilan ng pulisya na nagresulta sa pagkakasakote sa suspek.

Habang iniimbestigahan ng pulisya ang suspek ay nakitaan ito ng umanoy (2) maliit na pakete ng iligal na droga mula sa kaha ng sigarilyo na nakalagay sa sling bag ng suspek.

Pansamantala, ang suspek ay nasa kustodiya ng Gapan City police station habang kasong paglabag sa Republic Act 8353, Art 151 ng RPC at paglabag RA 9165 ang kakaharapin ng suspek. Elsa Navallo

MANILA, Philippines- Kinalampag ni Senador Win Gatchalian ang Land Transportation Franchising and Regulatory Board o LTFRB na siguraduhin na mapapabilis na ang ang pamamahagi ng fuel subsidies sa mga target na benepisyaryo sa public transport sector.

Ang panawagang ito ni Gatchalian ay kaugnay sa kanyang planong pagsulong ng ikatlong yugto ng pagbibigay ayuda sa sektor ng pampublikong transportasyon na nalulugmok sa epekto ng tuloy-tuloy na pagtaas ng presyo ng langis.

“Marami na ang tumitigil sa pamamasada at nawalan ng hanapbuhay ang maraming PUV drivers. Ang susi dito ay ang mabilis na pamimigay ng ayuda sa kanila,” sabi ng Senate Energy Committee Chairperson sa mga kinatawan ng LTFRB noong nakaraang consultative meeting sa Senado kung saan pinag-usapan ang mga posibleng hakbang para matugunan ang mataas na presyo ng langis.

Nais ni Gatchalian na ipamigay na ang ikatlong bahagi ng Pantawid Pasada Program na nagkakahalaga ng P3,000 kada buwan para sa susunod na limang buwan.

Ang unang yugto ng fuel subsidy para sa mga driver at operator ng public utility vehicles na dapat sana ay natapos nang ipamigay noong ikalawang linggo ng Mayo ay nabahiran pa ng pagkaantala dahil sa kakulangan ng database ng mga benepisyaryo.

Sa nasabing consultative meeting sa Senado, sinabi ni LTFRB Chairman Martin Delgra kay Gatchalian na nakumpleto na nila ang database ng mga kwalipikado at lehitimong franchise holders nitong buwan lamang matapos isumite ng Department of the Interior and Local Government o DILG ang listahan ng mga kwalipikadong tricycle driver.

Noong Hunyo 16, umabot na sa 88% o 232,586 ang kabuuang bilang ng mga naipamahaging subsidiya at ang natitirang 31,992 ay ipinangako ng Landbank na ire-remit sa mga account holders sa ikatlong linggo ng buwan.

Binigyang-diin ni Gatchalian ang pangangailangan ng pagkakaroon ng sistema ng pamamahagi ng ayuda upang magarantiya ang maagap at tamang paglilipat ng pera, pati na rin ang accessibility sa anumang pinansyal na tulong mula sa gobyerno.

Ang mga kwalipikadong PUV driver-beneficiaries ay tumatanggap ng kanilang ayuda sa pamamagitan ng kanilang Pantawid Pasada cash card habang ang mga hindi cardholder ay binigyan ng cash card sa mga itinalagang sangay ng Landbank na tinukoy ng LTFRB. Ernie Reyes