Tirador ng convenience store todas sa engkwentro sa Bulacan

Tirador ng convenience store todas sa engkwentro sa Bulacan

June 25, 2022 @ 5:00 PM 2 months ago


Bulacan- Patay ang isang lalaking nanloob ng isang covenience store na pumalya ang baril sa mga rumespondeng pulis habang nakatakas ang kanyang kasamahan sa bayan ng Paombong.

Sa inisyal report ng Paombong police, bandang alas-3:10 ng madaling araw nitong Hunyo 25, naganap ang panghoholdap ng dalawang hindi nakilalalang lalaki sa Alfamart sa Brgy.San Isidro 1.

Ayon sa report ng pulisya, isang tawag sa cellphone ng store crew ang kanilang natanggap na nagsabing nilooban sila ng dalawang lalaki na kapwa armado ng baril.

Dahil dito, agad rumesponde ang mga pulis sa lugar hanggang sa maabutan ang dalawang lalaking nagmamadaling lumabas sa naturang tindahan.

Sa pagmamadali, naiwanan ng isang suspek lulan ng motorsiklo ang kanyang kasamahan na nagtatakbo palayo.

Nang mag-abot sa ‘di kalayuan ay tinutukan at sinubukang nang tumatakbong suspek na kalabitin ang gatilyo ng baril sa mga tumutugugis na pulis subalit nag-jammed ito.

Dahil dito, mabilis na pinaputukan ng pulis ang suspek na napuruhan at agad na namatay sa gilid ng kalsada.

Siinusulat ito patuloy ang imbestigasyon ng pulisya sa pagkakakilanlan ng mga suspek. Dick Mirasol III