MANILA, Philippines – Inanunsyo ng Department of Public Works and Highways (DPWH) na nakumpleto na ang P41.9-M quarantine facility sa Barangay Alasasin Mariveles, Bataan.

“We have officially turned over to the local government of Mariveles a total of three (3) units of health facilities with individual quarters, comfort rooms, separate quarters for health personnels, and nurses’ station to aid in the LGU’s intensified efforts,” ayon kay DPWH Secretray Mark Villar.

Kasama sa proyekto ang pag-convert ng 20-feet container vans sa 16-units ng  air-conditioned emergency health facility na may persons with disability (PWD) friendly ramps, portable generator sets, single-phase electrical power distribution system, at  electrical room.

Maari ding magamit ang pasilidad  kapag natapos na ang pandemya bilang pangunahing mga lugar ng paglikas sa panahon ng mga kalamidad at iba pang mga health-related emergencies. Jocelyn Tabangcura-Domenden

MANILA, Philippines – Nasagip ng Philippine Coast Guard ang 15 mangingisda sa Mindanao na nagpalutang-lutang sa karagatan ng anim na araw.

Ayon sa ulat nitong Biyernes na lumubog ang bangka ng mga mangingisda matapos na pasukin ng tubig sa kalagitnaan ng pananalasa ni Auring sa northern Mindanao.

Ayon sa PCG, na maswerteng walang malalang sugat ang mga mangingisda na dinala agad sa General Santos City. RNT

BATANGAS – Nakapagtala ang PHIVOLCS, Biyernes, ng 113 pagyanig sa  Taal Volcano na tumagal ng isa hanggang 34 minuto sa nakalipas na 24 oras.

Mas mataas ito kumpara sa 69 pagyanig na naitala noong Huwebes na tumaga ng isa hanggang halos kalahating oras.

Sa pinakahuling bulleting ng PHIVOLCS, nagbuga ng mahinang steam-laden plumes ang main crater ng bulkan.

Nananatili ang Alert Level 1 sa Taal Volcano, na nangangahulugang posible ang biglaan paglalabas ng phreatic explosions, volcanic earthquakes, minor ashfall, at lethal accumulations o pagbuga ng volcanic gas. RNT

MANILA, Philippines – Suportado ni Manila Mayor Isko Moreno, Biyernes, ang panukala ng Department of Tourism na magtatag ng ‘family day’ sa mga tourist site sa Maynila.

Ibig sabihin nito, base sa hiling ni DOT Secretary Bernadette Romulo-Puyat sa Inter Agency Task Force Against COVID-19 na payagang ikansela kahit isang araw lang ang ipinatutupad na age restriction sa Maynila para makapamasyal ang buong pamilya sa mga pasyalan sa lungsod.

Sa ilalim kasi ng guidelines ng IATF na hindi pinapayagang makalabas ang 15-anyos pababa at 65-anyos pataas malibang na lang kung kinakailangan talaga tulad ng pagpapaospital.

“Aprub! Of course, we want to support tourism, lalo na ngayon, domestic tourism, tayo-tayo lang ang nagpapasyalan. Wala tayong mga banyagang pumupunta rito,” komento naman ni Isko sa nasabing panukala.

Ani Moreno na makatutulong ng malaki ang nasabing banukala sa ekomoniya na pinalubog ng pandemya.

“Pangalawa, if there’s an open space as an alternative for our people to go to, hinihikayat namin ‘yan, especially sa Intramuros, especially in Intramuros,” giit pa ng alkalde.

Kamakailan lang nang buksan ng Maynila ang Intramuros para sa mga turista na maaring makalabas ng bahay.

“Nakapagtiyaga na tayo ng 11 months. I think a few days will not harm,” ayon pa sa alkalde. RNT

MANILA, Philippines – Pinag-iingat ng Philippine Embassy sa Washington, Biyernes, ang mga Filipino na nasa United States ukol sa tumataas ng bilang ng insidente ng hate crimes laban sa mga Asyano sa nasabing bansa.

“We note with concern the rise in attacks on Asian Americans in various parts of the country. Filipinos are advised to exercise utmost caution in view of these incidents,” ayon sa abiso ng embahada.

Iniuulat ng ilang US media outlets ang apgtaas ng kaso ng pag-atake sa mga Asian American sa iba’t ibang estado na naghihikayat ng pag-aksyon.

Nauna nang naiulat ang nilaslas na mukha ng isang 61-anyos na Pinoy sa New York matapos na atekehin subway, at ang pag-atake rin sa isang matandang Pinay sa San Diego, California.

Naiuulat din ang pagnanakaw at pag-atake sa Chinatowns sa ilang mga pangunahing US cities, habang kumakalat din ang pandemic-related racism na tinatarget ang Asian-Americans sa social media.

Sa kabila nito, kinilala naman ng embahada ang mabilis na aksyon ng lokal na gobyerno sa Amerika.

“However, we call on federal, state and local authorities to further ensure the protection of persons of Asian descent, including Filipinos,” ayon pa sa embahada. RNT