SYRIA – Nagkasa ang US military ng airstrike sa eastern Syria nitong Huwebes, Marso 23 kasunod ng drone attack na pumatay sa isang American contractor at ikinasugat ng limang US service personnel.

Sa pahayag ng Department of Defense, napatay ang US contractor “after a one-way unmanned aerial vehicle struck a maintenance facility on a Coalition base near Hasakah in northeast Syria.”

Sugatan din ang isa pang US contractor sa naturang UAV attack, at batay sa pagsusuri ng US intelligence community, ang UAV ay mula Iran.

Ani Defense Secretary Lloyd Austin, ang precision airstrike sa eastern Syria ay batay na rin sa utos ni Pangulong Joe Biden target ang pasilidad na ginagamit ng grupong may kaugnayan sa Islamic Revolutionary Guards Corps ng Iran.

“The airstrikes were conducted in response to today’s attack as well as a series of recent attacks against Coalition forces in Syria by groups affiliated with the IRGC,” dagdag niya.

Hanggang sa ngayon ay may mahigit isang daan pa ring mga US troops sa Syria para labanan ang mga natitirang miyembro ng
Islamic State (IS) group.

“As President Biden has made clear, we will take all necessary measures to defend our people and will always respond at a time and place of our choosing,” ani Austin. RNT/JGC

MANILA, Philippines- Tuluyan nang ipagbabawal ang pagtuturo sa lahat ng public school ang anumang may kinalaman sa SOGIE o sexual orientation and gender identity expression sa estado ng California, United States.

Sa ngayon, mula Kindergarten hanggang Grade 3 pa lang ito ipinagbabawal subalit sa mga darating na araw, maging sa buong K to 12 na.

Ito’y makaraang ipanukala ng Florida Department of Education sa State Board of Education ang pagbabawal ng SOGIE nang buo.

Hindi na umano kailangan pang idaan ang panukala sa kamay ng mga mambabatas sa nasabing estado at dedesisyunan na ito ng State Board sa Abril 17.

Nauna rito, inaprubahan ang pagbabawal ng SOGIE sa mababang antas ng mga eskwelahang pampubliko ni Republican Florida Governor Ron DeSantis noong nakaraang taon.

Ipinaalam na ito sa mga magulang ng mga bata ang nasabing batas at ang panuklang magpapalawak nito sa buong sistema ng edukasyon, ayon kay DeSantis spokesperson Bryan Griffin.

Walang dahilan para ituro ito sa mga eskwela at dapat nang buong itigil ito, dagdag niya.

Kung gusto ng iba na ituro o pag-usapan ito, sa labas na lamang umano ng eskwela.

Binatikos naman ito ng mga nagtataguyod ng Lesbian, Gay, Bisexual, Trasgender and Queer at kasama nila si White House spokesman Karine Jean-Pierre na isang Democrat nagsabing maling-mali ang panukala.

Kasama ang Florida ng Alabama, Louisiana, Arizona, Mississippi, Oklahoma, South Carolina, Texas, Utah at North Carolina na nagbabawal sa mga pampublikong eskwela na isama sa aralin ng mga bata ang SOGIE. RNT

BEIJING – Inihayag ng militar ng China nitong Martes na na-monitor at pinaalis nito ang isang US destroyer na ilegal na pumasok sa katubigang pumapalibot sa Paracel Islands sa South China Sea.

Sinabi ng militar na ilegal na pumasok ang guided-missile destroyer Milius illegally sa territorial waters ng China kahit walang pahintulot ng gobyerno, na bumulabog umano sa kaayusan at kapayapaan sa waterway.

“The theater forces will maintain a high state of alert at all times and take all necessary measures to resolutely safeguard national sovereignty and security and peace and stability in the South China Sea,” pahayag ni Tian Junli, tagapagsalita ng China’s Southern Theatre Command.

Umiigting ang tensyon sa pagitan ng United States at China sa nasabing lugar.

Nakikipag-alyansa ang United States sa Asia-Pacific sa layuning kontrahin ang pagsusulong ng Beijing ng territorial claims nito sa South China Sea at sa Taiwan Strait. RNT/SA

QATAR – Aabot sa 30 Filipino ang apektado makaraang gumuho ang isang apat na palapag na gusali sa Qatar nitong Miyerkules, Marso 22.

Sa pahayag, sinabi ng Philippine Embassy sa Qatar na kasalukuyan na nilang tinutugunan ang mga pangangailangan ng mga apektadong indibidwal at inaalam na rin kung anong tulong ang maaari pa nilang maibigay.

Hinimok din ng embahada ang Filipino community na kamustahin ang mga kaibigan at pamilya ng mga ito na naninirahan sa kalapit na lugar.

Ayon sa mga awtoridad sa Qatar, isa katao ang nasawi nang gumuho ang gusali sa Bin Durham Miyerkules ng umaga. RNT/JGC

PAKISTAN – Umabot sa 13 katao ang nasawi at mahigit 90 ang nasaktan sa nangyaring magnitude 6.5 na lindol sa Pakistan at Afghanistan nitong Martes, Marso 21.

Sa ulat, siyam na katao ang nasawi sa northwest Pakistanh habang 44 naman ang nasaktan, ayon sa isang Pakistani government official.

Kasunod nito, inilagay na ang mga ospital sa northern Khyber Pakhtunkhwa province sa state of emergency.

Mayroon namang apat na katao ang nasawi at 50 nasaktan sa lindol sa Afghanistan, ayon sa health ministry official.

Maraming mga tirahan at gusali ang napinsala sa dalawang bansa.

Samantala, naramdaman naman ang lindol sa layong 1,000 kilometro ng nasa 285 milyon katao sa mga bansa ng Pakistan, India, Uzbekistan, Tajikistan, Kazakhstan, Kyrgyzstan, Afghanistan at Turkmenistan, ayon sa European-Mediterranean Seismological Centre.

Ang sentro naman ng lindol ay nasa kabundukan ng Hindu Kush, isang lugar sa hilagang-silangan ng Badakhshan, Afghanistan sa lalim na 187 kilometro. RNT/JGC