TRIAL BY MARITES (Part 7)

TRIAL BY MARITES (Part 7)

August 16, 2022 @ 2:56 PM 2 months ago


ANG buong tech voc community ay natutuwa na ang pumalit sa dating Secretary General
ng TESDA na si Gen. Isidro La Pena ay isang abogado, si Atty. Danilo Cruz. Finally,
nagkaroon ng chance na ma-review at hopefully, matigil ang militaristic, unconstitutional at
illegal na sistema na ipinalaganap sa National Inspectorate for Scholarship Program ni
Emily Tesoro.

Ang aming proposal sa incoming administration ay mag-order ng mass dismissal sa lahat
ng kasong na-file ng NISP.

Malaking tulong ito sa tech voc institutions lalo na ngayong pandemya kung saan unti-unti
pa lang silang bumabawi dahil ngayon pa lang magkakaroon ng face to face classes.

Mass dismissal ang solusyon dahil sa dalawang applicable principles. Una ay ang "fruit of
the poisonous tree" doctrine sa ating batas na nagsasabing anomang ebidensya na
nakalap sa maling pamamaraan ay hindi puwedeng magamit laban sa isang nasasakdal.

Ang mga ebidensyang ito ng mga marites ng NISP ay mga nakalap sa pamamagitan ng
mga umanoy testigo na di pinangalanan at di ma-subject sa cross-examination ng mga
abogado ng iniimbestigahang TVI.

Pangalawa, applicable rin dito ang pag-invoke sa constitutional right ng mga apektadong
TVI sa speedy trial.

Mantakin mo naman na karamihan sa mga kasong nakabinbin ngayon sa NISP ay nangyari
noong 2 years ago pa pero hanggang ngayon di pa rin tapos imbestigasyon ng NISP.

Panahon na para wakasan ang sistemang ito ng NISP at panagutin sa batas ang mga
promotor nito.