Seoul, South Korea – Nabulaga ang Crash Landing On You fans sa latest annoncement ng K-drama and real life couple na sina Hyun Bin at Son Yejin.

Magkaka-baby na kasi ang mag-asawa, three months after they got married.

Inanunsyo ito mismo ni Yejin sa kanyang Instagram account. She posted a photo of a plant with a flower and the caption went like this: “New life has come to us.

“Today, I’ll be careful and happy. A new life has come to us. I’m still shivering but I’m living it every day due to the changes in my body in the midst of worry and excitement.”

Obviously, iba ang excitement sa couple lalo na kay Yejin pero hindi nagpahuli sa pagkasabik ang fans.

They are all asking, “Kailan manganganak? Ilang months na si baby?”

Wala namang binanggit si Yejin tungkol dito pero mukhang kagaya ng pregnancy, they will announce it at the right time.

Unang nagkatrabaho sina Yejin at Hyun Bin sa 2018 crime film na The Negotiation, at mas lalong nakilala at sumikat when they reunite in 2019 sa Crash Landing on You. Paula Jonabelle Ignacio

MANILA, Philippines – Gigil na gigil ang fans ng sikat na Kpop group na BTS sa isang Filipino vlogger.

Ito ay dahil umano sa racist remarks nitong ipinalabas sa official Tiktok account.

Sa video na ipinalabas ni Bryanboy, isang Filipino influencer at vlogger na mayroong milyon-milyong follower, sinagot niya ang tanong kung nakasalamuha o nakita na ba niya in person si BTS member ‘Taehyung’ o kilala sa tawag na V.

Ayon sa fans, tila ay nilibak niya ang BTS member nang sadya nitong maliin ang pagbigkas ng pangalan nito kung kaya’t nag-iba ang kahulugan ng pangalan ni Taehyung.

Kung akala niya ay nakakatuwa ang kanyang ginagawa ay nagpatuloy pa sa pagbibiro ang vlogger na kalaunan ay nagtrending hindi lamang sa Tiktok kundi maging sa Twitter.

Sigaw ng fans, i-report ang account ni Bryanboy. Sa ngayon ay hindi pa naglalabas ng pahayag ang sikat na vlogger/influencer. RNT/JGC

SEOUL, South Korea – May aabangan na naman ang mga fans ng legendary Korean artist na si YOUNHA.

Ito ay makaraang ianunsyo ng kanyang record label na C9 Entertainment na siya ay maglalabas ng bagong awitin ngayong linggo.

Sa pamamagitan ng isang teaser image, inihayag na sa Huwebes, Hunyo 30 ay nakatakdang ilabas ang new digital single ni YOUNHA.

Batay sa impormasyon, ang awitin na ilalabas niya ay recreation song mula sa Epik High na orihinal na inilabas noong nakaraang taon, ang ‘Rain Song’.

Kung matatandaan, nagsimula ang career ni YOUNHA noon pang 2004 at siya ang nasa likod ng mga awiting ginamit sa mga sikat na Korean drama mula pa noon. RNT/JGC

UNITED STATES – Ipinakilala na sa publiko ang ikalawang lineup ng featured Kpop groups sa KCON 2022 LA!

Ayon sa organizer, kabilang dito ang mga sikat na Kpop groups katulad ng LOONA, LIGHTSUM, NCT Dream, ATEEZ, INI, Kep1er, JO1 at TO1.

Nagdagdag ito ng excitement sa mga fans lalo pa’t ito rin ang kauna-unahang major Kpop festival sa lugar makalipas ang tatlong taon.

Ang second lineup ng KCON 2022 LA ay magaganap mula August 19 hanggang 21.

Matatandaan na nauna nang ipinakilala ang unang lineup ng mga featured Kpop groups and artists katulad ng ITZY, Cravity, Enhypen, STAYC, Cosmic Girls, The Boyz at NMIXX. RNT/JGC

SEOUL, South Korea – Ayaw talagang mag paawat ng ‘Love Dive’ ng Kpop girl group na IVE.

Ito ay makaraang mapanatili nito ang mataas na ranking sa domestic music charts sa Korea.

Sa pinakahuling impormasyon, nag-peak sa number 1 spot ng Melon daily chart ang ‘Love Dive’ kahit na dalawang buwan na ang nakakaraan nang ito ay ilabas ng grupo.

Maliban dito, namamayagpag rin sa mga local music charts sa Korea ang awitin tulad na lamang ng VIBE na 24 days nang nasa number one spot.

Halos dalawang buwan na rin na nasa number one spot ang ‘Love Dive’ sa music platform na VIBE at 3rd spot sa GENIE. RNT/JGC