LOS ANGELES — Hindi lang lumipat ng locker room si Russell Westbrook sa Crypto.com Arena bagkus ay bumalik pa sa starting lineup mula sa pagiging bench player.
Ang coach ng Los Angeles Clippers na si Tyronn Lue ay hindi nag-aksaya ng maraming oras upang makita kung gaano kahusay ang pakikipag-ugnay ni Westbrook sa kanyang bagong koponan.
Ang eight-time All-Star ay pumirma pagkatapos niyang i-clear ang waiver noong Miyerkules at naging panimulang point guard noong Biyernes ng gabi sa isang laro laban sa Sacramento Kings (Sabado, oras ng Maynila).
Natabunan ang pagiging pangalawa sa pinakalamalas na laro sa kasaysayan NBA ang debut ni Westbrook sa Clippers kung saan nagtala ito ng 17 puntos, 14 na assist at limang rebound sa loob ng 39 minuto sa 176-175 pagkatalo ng Clippers sa Kings sa double overtime.
Natuwa si Lue sa debut ni Westbrook sa kabila ng dalawang practice lang niya sa Clippers bago ang laro.
Si Westbrook ay na-waive ng Utah noong Lunes matapos i-trade sa Jazz ng Lakers noong Peb. Mabilis na nakahalubilo si Westbrook sa team gamit ang bilis sa paghahanap ng kanyang mga bagong kasamahan sa koponan.
Siya ang unang manlalaro ng Clippers na nagkaroon ng hindi bababa sa 10 assists sa kanyang team debut mula noong 2005.
Sa 14 na assist ni Westbrook, si Leonard ang pinakamalaking benepisyaryo. Umiskor si Leonard ng 13 sa kanyang season-high na 44 points off pass mula kay Westbrook, kabilang ang tatlong 3-pointers.
Sa lahat ng positive flashes na ipinakita ni Westbrook, may mga bagay na kailangan pa niyang linisin sa kanyang laro.
Mayroong itong pitong turnovers, na may apat na na-attribute sa masamang pass. Na-cross up siya sa depensa sa huli sa regulasyon nang ipasok ni Malik Monk ang 3-pointer may 1.1 segundo ang natitira sa regulasyon upang puwersahin ang overtime.
Kakailanganin ng Clippers si Westbrook na magpatuloy sa bilis na may 20 laro na lang ang natitira sa regular season.
Ang Los Angeles ay ikalima sa Western Conference na may 33-29 record ngunit dalawang laro lamang sa harap ng play-in tournament spots.
