‘Unconditional and immediate’ Ethiopian ceasefire, ipinanawagan ng UN chief

‘Unconditional and immediate’ Ethiopian ceasefire, ipinanawagan ng UN chief

November 25, 2021 @ 9:36 AM 3 days ago


BOGOTA, Colombia — Ipinanawagan ni UN chief Antonio Guterres ang “unconditional and immediate” ceasefire sa Ethiopia, kung saan nagkakaroon ng bakbakan sa pagitan ng pwersa ng gobyerno laban sa rebelde sa northern Tigray region.

“The peace process in Colombia inspires me to make an urgent appeal today to the protagonists of the conflict in Ethiopia for an unconditional and immediate ceasefire to save the country,” ani Guterres sa Bogota sa pagbisita niya sa South American country para sa paggunit sa ikalimang taong pagpirma sa peace deal.

Matatandaang ikinasa ng Pilipinas ang alert level 4 sa Etiopia na nagresulta sa sapilitang pagpapauwi sa mga Pilipino doon dahil sa kaguluhan.

Ani Guterres na sa pamamagitan ng ceasefire mapapayagan nito ang “inter-Ethiopian dialogue to resolve the crisis and allow Ethiopia to contribute again to the stability of the region.”

Sa pagtataya ng UN kumitil na ng libong indibidwal at nagresulta sa kagutuman ang nasabing bakbakan. RNT